HOSEA 2:3 - Susula Malalaok Hehelu Palak Ma Hehelu Beuk

³ Metema, ana da'di manasosoa-piaok nahele soona, neukose Au o'du heni bua-lo'an, fo nakahola-la sama leo nai faik fo bongin-nana. Neukose Au tao-an, da'di sama leo dae ma'dak ma dae tokotik, soona neukose maten no maa ma'dak-ka.

HOSEA 2:3 Iomraidhean Croise

KELUARAN 17:3

Tehu hataholi sila-la maan-nala ma'da nanseli, de beemumu lahele Musa. Lafa'da lae, “Tao le'e de, o moo ami kalua meme Masir mai? Fo ela ami moo ami anam-mala, ma ami bana-manum mate no maa ma'dak-ka do?”

YESAYA 33:9

Nusak-ka nanala'o elak, de ana da'di nusa nee-nee lino-linok. Libanon nulan-nala male-tale, ma bafak Saron fo, maoe-maisik-ka, ana da'di sama leo moo solokaek-ka. Akidook-kala, kono bepoko, nai Basan ma lete Karmel-la.

YESAYA 47:3

Neukose hataholi nita o makaholam-ma, nananakadadaek, ma nananakamumulu-nakamamaek. Neukose, Au balas dale he'dik neu o, ma Au ta fe hataholi esa boen, naladeak fa.”

YESAYA 64:10

O kota malalao-malalafum-mala, lalupa moo solokaek, Yerusalem da'di moo tokotik fo nee-nee-lino-lino.

YEREMIA 12:10

Manakoasa nusa dea ba'uk-ka tao lalutu la'iesak Au osi angol-la, ma ala heheta-aa'i lakalulutuk basa Au tina-osing lala'en-na. Au nusang fo malole-mana'a, ala tao lasafalin da'di moo-solokaek fo mamana nes.

YEREMIA 13:22

Fafa'kama emi matane mae, tao le'e de basa sila-la ala tuni-ndeni emi ao paam-ma, ma tao le'e de emi bua-lo'am-ma nana siba'ek, ma emi nana saok nenik laka-nakasetik. Bubuluk leon-na te, basa sila-la da'di nanahu emi sala-singom-mala ba'u nanseli.

YEREMIA 13:26

Neukose Au nde sisiba'e papake-ngganggaok manai emi aom-ma, fo ela emi makahola-la ma emi mae.

YEREMIA 14:3

Hataholi kamasu'ik-ka nadenu basa malalau-maoonon-nala sanga nai basa mamanak lala'en-na; de leu leo basa oedolu lala'en-na, tehu oen-nala basa so. Ketel-la louk fo lenik-kala ala leni falik-kana. Ala mae de ala potiketu mata-panan-nala nana dalen-nala ba'ihanak-ka ma ketu dudu'an-nala.

YEREMIA 17:6

Ndia sama leo na'u-aiana fo manamoli nai mok-ka, fo nai dae tokotik-ka, fo nene-lino-linok ma pilado-kolomasik, ma ta la'i esa boen fo ana hapu malole fa.

YEREMIA 2:31

Hai hataholi Israel-la lemin, mamanene Au hala-kokolang ia-la. Ade Au da'di hai moo solokaek ba'eneu emi, do sama leo dae fo makahatu kiu-kiuina so do beik? Tehu tao le'e de, emi mafa'da, mae emi nau maso'da no aoloak, ma ta nau fali seluk leo Au mai fa?

YEREMIA 2:6

Au ta afaduli fa; Au fo, manahela-noles nai enok so, ma Au os kalua leme Masir mai la'ola'di moo solokaek-ka, dae tokotiik fo dopelele'un makadotok, boema tuuk, bai te henuk no soe-a – mook fo, nanaleo taak ma ta la'ok tunga fan!

YEREMIA 22:6

Ba'eneu Au soona, manek Yehuda mamana manen-na mana'ahiik nan seli, mana'an-na leo dae Gilead-ta ma letek-letek Libanon; tehu mamanak ndia Au taon sama leo mok solokaek fo ta hapu hataholi esa boen leon fa.

YEREMIA 4:26

Dae malolek-ka, ana da'di moo solokaek tuuk kota-kota-la lakalulutuk, de ala da'di ai batu mana tapasasalak, nanahu Manetualain namanasa anan-nala nanseli. (

YEREMIA 51:43

Kota-kota-nala da'di mamana bibik nan seli, sama leo moo loak ma'da-ka. Ta hapu hataholi fo tunga ndia ma nau leo nai na fa.

YEREMIA 51:5

Au, Manetualain, Amak Manetualain Fo Manakoasa, Israel Amak Manetualain Malalao-malafu, neukose ta la'o ela Israel ma Yehuda fa leomae sila tao salak neu Au.

YESKIAL 16:22

Nai o maso'dam da'di leo manasosoa-piaok, fo nanamaluak ndia dalek, o mafandele heni tepo-lelek o bei ana-ma, lelek o makahola-la, ma o mafoki meme o daam manalifum dale.”

YESKIAL 19:13

Besak ia, ai angol ndia, nanaselek nai moo solokaek-ka, nai dae tokotik ma oe ta.

HOSEA 13:15

Leomae Israel tetu-temak sama leo na'u manaeloakak-ka, tehu neukose Au haitua ani timu mato'bik-ka mai neme moo solokaek-ka mai. Neukose anin ndia, ana tao nama'da basa oemata lala'en-na, ma oedolu-la, nalosa basa hata kabelik lala'en-na mopok-kasa.

HOSEA 2:10

Neukose, Au o'du akaholak-kana, nai basa tou susuen-nala matan. Ta hapu sila hataholin esa boen, bisa soi-po'in neme Au koasang-nga mai fa.

NINITAK 17:16

O mita susula kasanahuluk ma bana ndia, neukose nakamu-nakadau manasosoa-piaok ndia. Neukose ala loso la basa hata-heton lala'ena, ma ala tao lan da'di makaholak. Neukose ala la'ahenin paa na ma ala taolisan ninik ha'i.

HAKIM-HAKIM 15:18

Basa boema, Simson name'da maana ma'da nanseli, nalosa naloo bou-bou neu Manetualain. Nafa'da nae, “Manetualain, besak-ka O fe au sesengi matuaina ia. Besak ia, nemen-na, fo au mate no maa ma'dak-ka, nalosa hataholi Filistin fo ta lalelak O ia, ala ho'u-la au do?”