HOSEA 12:2 - Susula Malalaok Hehelu Palak Ma Hehelu Beuk

² Basa hata lala'en fo hataholi Israel-la tao-no'in, neme fafaik losa le'odae, sosoa-ndandaan ta, te neni ka'da momopo-mamatek sama leo ani timu-a. Dale manake'di-ndiun-nala, ma tatao-nono'i ha'da hataholi taan-nala, boetai nakadele nai sila dalek. Ala tao hehelu-balataak loo Asyur, ma leni mina leo Masir neu, fo da'di leo ta'du-tana tia-laik.”

HOSEA 12:2 Iomraidhean Croise

2RAJA-RAJA 17:4

Tehu nai faik esa boema, Hosea nadenu hataholi neu leo So, fo mane Masir-ra neu, fo noke tutulu-fafalin. Boema, Hosea ta bae bea, tunga teuk leo Asyur neu so'on. Lelek Salmaneser bubuluk, Hosea tatao-nono'in ndia boema, ana ho'un-na Hosea, de ana taon leo bui dale neu.

MAZMUR 78:36

Tehu ala ke'di-la, Manetualain, nana sila hala-kokolan-nala ka'da masapepeko-masandandalik mesan.

PENGKHOTBAH 5:15

Te'e-te'e neni dale he'dik nanseli! Ita teu sama leo nai lelek besak ia ita mai. Ita sota-mate usi anin-na, de buna-boan beek?

YESAYA 10:12

Tehu Manetualain nafa'da nae, “Metema hata fo Au sanga taon nai Pupukuk Sion-na ma nai Yerusalem ndia basan soona, neukose Au huku manek Asyur-ra, nanahu manakoao-ndaeaon-na ma namatutua-namadedema aoinan-na.”

YESAYA 10:6

Au haitua Asyur ne'i fo ana sapu-na Au leoinang fo manafali deak-kala, ma manatao-na Au amanasa. Au adenu Asyur ne'i fo, ana bonga uma boema namanako, ma ana heheta-aa'i Au leoinang-nga sama leo afu manai enok lain-na.”

YESAYA 24:21

Nai lelek ndia, neukose Manetualain huku basa manakoasa lalai maloa, ma mane-manek manai daebafak-kala.

YESAYA 3:11

Tehu soe ba'eneu hataholi mangalauk-ka! Neukose hataholi tao sila sama leo sila tao hataholi fe'ek-kala so.

YESAYA 30:6

Manetualain hala hehelun-na leo iak, la'eneu basa bana fo manaleo dae kona, “Basa hataholi nadedenuk-kala fua sila keledein ma ontan-nala nenik bua palsen, boema ala la'ok tunga mamanak fo henuk no soe, ma singa, menge malasok, ma buta mali'dak-ka mamana leleon-na. Ala tunu-hotu bua palsen sila-la, neu leoina esa, fo ana ta hapu tulu-fali sila fa.

YESAYA 59:18

Ana balas musun-nala, nandaa no sila tatao-nono'in-nala. Nakalenak, leoina manai pulu dook-kala, ta lala huhukun-na deak fa.

YEREMIA 25:31

Halan-na nadodolo neme daebafak-ka pe'da leu pe'dak neu; Manetualain tao dede'ak ndia neu basa leoina la. Neukose basa hataholi lala'en-na sese'an-na nanapalisak fo ela manatao mangalauk-ka neukose nana huku nisak.’ ”

HOSEA 2:13

Neukose Au hukun, nanahu ana pake fai-faik-kala, soaneu tunu boomenik fe Baal, boema ana balias aoinan-na nenik lilo-henu, fo neu usi tou susuen-nala, boema nafandele heni Au makandondook. Au, Manetualain, kokolak ae leondia.”

HOSEA 4:1

Manetualain kalaak nusak ia laun-na. Hai Israel, mamanene hata fo nafa'dan nae, “Ta hapu lilinekak, do susue-lalaik nai nusak ia fa, de laun-na ta manaku Au da'di leo Manetualain fa.

HOSEA 4:9

Boema, neukose emi doi-doso sama-na leo sila! Neukose Au huku emi, nandaa no emi tatao-nono'im-mala.

HOSEA 7:1

Manetualain nafa'da nae, “Nai lelek fo Au hii akahahaik Au anang Israel, ma tao atalolole sila ha'da-tataon, boema Au ita ka'da sila tatao-nono'i mangalaun-na, ma sala-singon-nala. Sila esa ke'dindiu esa, leu lamanako nai hataholi uman, ma laseti-lalaka hataholi hata-heton nai enok-kala.

HOSEA 7:11

Israel neu-mai, sama leo manupui kalua nggoak-ka. Makasososan-na, hataholi Israel-la loke tutulu-fafalik neme Masir mai, basa boema, lalai leu loke tutulu-fafalik neme Asyur mai!

HOSEA 7:2

Ala ta hapu dudu'a-lan nai dudu'a-aafin-nala dalek, lae neukose Au afandele-a basa sila tatao-nono'i mangalaun sila-la fa. Tehu sala-singon-nala lakahapi-lalas, nalosa Au itas no mangale'dok.”

HOSEA 8:10

Leomae leondiak boe, neukose Au tao akabubuas, fo Au hukus. Ta dook-ka so'on te, metema mane Asyur-ra tuni-ndenis soona, lahoo he'dis.

HOSEA 8:13

Ala nau tunu-hotu tutunu-hohotuk fe Au, ma la'a tutunu-hohotuk ndia paan-na, tehu Au, fo Manetualain Manakoasa, ta hii tutunu-hohotuk sila-la fa. Besak ia, neukose Au afandele sala-singon-nala, fo Au hukus, nanahu sala-singok sila-la; neukose Au haitua falik-kasa leo Masir leu!

HOSEA 8:9

Sama leo keledei fuik manalena-la'bak-ka, leondiak boe, hataholi Israel-la tunga ka'da sila hihii-nanau mesan-na. Ala sanga tutulu-fafalik neme Asyur mai, ma ala asa tia-laik loo leoina fe'ek-kala.

HOSEA 9:15

Manetualain nafa'da nae, “Basa sila tatao-nono'i mangalaun-na, ana mulai neme Gilgal mai. Nai ndia nde, Au mulai ta ahiik anseli o fas. Hu ka nde sila tatao-nono'i mangalaun-na, de neukose Au usi henis leme Au nusang ia mai. Neukose, Au ta sue-lai seluk-kasa so'on. Basa sila mauli-malangan-nala, ala lena-la'ban Au so.

HOSEA 9:9

Emi tatao-nono'im, mangalaun-na seli, sama leo hataholi manai Gibea-la tao hain so. Neukose Manetualain nafandele emi sala-singom, ma neukose Ana huku emi, nanahu emi sala-singom-mala.

AMOS 2:4

Manetualain nafa'da nae, “Hataholi Yehuda-la lasala-lasingo tataas esa so, hu ndia de, tao leo bee-o, neukose Au hukus. Ala la'olena Au paletang-nga la, ma ala ta taoafik neu Au nanoling-ngala fa. Ala la'ok sala nanahu bei-ba'i kai-nala sene-do'ok neu lamatua daebafa fe'ek-kala tatao-nono'in.

MIKHA 6:2

Hai letek-kala, hai daebafak-ka buin-nala lemin, mamanene Manetualain kalaan-na. Nanuu dede'ak no Anan Israel, de neukose Ana kalaak-kasa.

MATEOS 16:27

Ta doo ka so'on te Ana Hataholi ka sama-sama no ata nusa so'da nala, neukose ala mai no Ama ka koasa na. Nai lelek ndia, neukose Ana balas hataholi a esa-esak, nandaa no tatao-nono'in.

ROMA 2:6

Nana neukose Manetualain balas hataholi esa-esak, nandaa no tatao-nono'i nala.

GALATIA 6:7

Manea, fo, hataholi boso ke'di ndiu emi. Ta bole makamiminak Manetualain fa! Hata fo emi sele-nggalin, soona ndia nde emi ketu-kolu nana.