HOSEA 10:9 - Susula Malalaok Hehelu Palak Ma Hehelu Beuk

⁹ Manetualain nafa'da nae, “Lelek manada'dik manai Gibea, hataholi Israel-la boeo, beita hahae tao sala-singok la'ban Au fa. Hu ndia de, nai Gibea boeo, neukose natee-natatik tuni-nalas.

HOSEA 10:9 Iomraidhean Croise

KEJADIAN 6:5

Manetualain nita hataholi daebafak-kala tatao-nono'i mangalaun-nala, ba'un-na seli nai daebafak-ka; dudu'a-aafin-nala mangalauk tataas esa.

KEJADIAN 8:21

Tutunu-hohotuk ndia, boomenin-na tao namahoko Manetualain dalen-na, boema Ana dodoo nai dalen dalen-nae, “Neukose Au ta soo-supa seluk daebafak ia so'on, hu kande hataholi daebafak-ka tatao-nono'in; Au bubuluk, hataholi daebafak-ka dudu'a-aafin ndia, mangalauk neme bei muli-solun-na mai. Neukose, Au ta tao amopo-amate basa mahahae maso'dak, fo bei kaso'dak-kala so'on, sama leo besak-ka Au taok ia.

HOSEA 10:10

Neukose Au sapu-a hataholi masala-masingok sila-la, fo Au hukus. Neukose leoina-la lakabubua, fo ala lena-la'ban-nasa, ma neukose sila nanahukuk, nanahu sala-singo makadoton sila-la.

HOSEA 10:8

Uma sosongo-tatangok manai pupuku-pupukuk nai Betel fo hataholi Israel-la mamana sene-do'ok neu sosongo-tatangok-ka, neukose nanatao nakalulutuk. Dila-nggauk ma na'u-la, neukose ala moli nai sila mei tunu-hotun. Boema neukose, laloo lapane'e neu letek-kala lae, “Mapaluni-mala ami leona!” ma laloo neu pupukuk-kala lae, “Tuni-mala ami leona!”

HOSEA 5:8

Puu pupuuk-ka nai Gibea leona! Fo liin-na, da'di ta'du-tana hala nalolook esa, soaneu natee-natatik-ka nai Rama. Eki natee-natatik-ka nai Betel! Ayo, hataholi Benyamin-nala lemin, tutulu matak, fo matee-mata'ti leona!

HOSEA 9:9

Emi tatao-nono'im, mangalaun-na seli, sama leo hataholi manai Gibea-la tao hain so. Neukose Manetualain nafandele emi sala-singom, ma neukose Ana huku emi, nanahu emi sala-singom-mala.

HAKIM-HAKIM 20:5

Basa boema, hataholi Gibea-la mai sanga au, nai fai le'odaek. Ala sapu-la uma fo au sungu nai dalek-ka, nana ala dudu'a taolisa au, tehu basa boema, le'odaek ndia, ala tao tatao-nono'i mangalauk loo au sao makahatung ndia, losa maten.