FILIPI 4:5 - Susula Malalaok Hehelu Palak Ma Hehelu Beuk

⁵ Ela leo bee na, basa hataholi la hapu lita emi heheo-hihilu malole ma. Nanahu ta doo ka so'on te, neukose Lamatua ka, ana mai so.

FILIPI 4:5 Iomraidhean Croise

MATEOS 6:25

Hu ndia de, mafandendelek; fo boso bii neu emi so'da ma. Boso dodoo ka'da, hata fo emi mi'a-minu, do hata fo emi pake-nggao nai faik ia dale na. Ade ita so'dan ia, beli na ta lena heni nana'a-nininu ka, do ita ao paa na ta lena heni papake-ngganggao ka fa do?

MATEOS 6:34

Hu ndia de boso bii la'eneu fai bala ha. Nanahu fai kala esa-esak nok nininin. Faik ia susa na dai so, de boso boe tama selu kana bai.”

LUKAS 21:34

Basa boema Yesus nae, “Manea ao ina mala leona, fo boso nalosak emi su'ba ka'da feta-dote, ma minu ala-lalu, do dudu'a-dodoo manseli neu emi so'da ma paluu na, nalosa emi ta mahehele aom, nai lelek fo faik ndia ana mai no kaiboik.

1 KORINTUS 16:22

Hataholi fo ana ta sue-lai Lamatua ka, neme na fo nanasoo-supak! Maranata! – Ami Lamatua ma mai leona.

1 KORINTUS 6:7

Metema emi esa neu kalaak tolanoon fo namahehelek esa leo manamaketu-mala'di ka neu soona, te'e-te'e emi basa-basa mala kala ndia so. Malole lenak po'ilotak emi aoina ma fo ala taon no ta matetuk do ala tao lakatutu'dak emi!

1 KORINTUS 8:13

Hu ndia de, metema nana'a ka tao na au tolanoo kamaheheleng esa nasala-nasingo soona, neukose au ta u'a paa makandondook so'on. Nana boso nalosak, au tolanoong fo namahehelek esa ndia nasala-nasingo hu ka nde au.

1 KORINTUS 9:25

Hataholi fo bei nai nanoli ka dalek, nakatatakak aoina na nai basa dede'ak lala'ena dalek. Ana tao leondiak, nana ana hii ala bokolii bunga sesengi ka neu botolii na, fo nde bunga manamale lai-lai ka. Tehu ita ia soona, takatatakak aoina tala neme basa dede'ak lala'ena mai, nana ita hii nanabokoliik ninik bunga fo neukose ana ta male lai-lai fa.

2 KORINTUS 10:1

Besak ia, au fo Paulus nau uni hata esa soaneu emi. Au ia, tunga hataholi a nafafa'da na au mangana'uk metema au asasalematak o emi, tehu au apalani, metema ita komododoon. Naa, hu ka nde Kristus mangana'u na ma Kristus dale malole na,

2 TESALONIKA 2:2

boso no lai-laik, emi mapangamak do emi susa, nana emi mamanene hala tutui ka nae, Lamatuak Yesus fai mamai na, ana losa so. Nana fafakama tutuik ndia, ana da'di neme nabi la lafa'da ela dede'ak ndia, do fafakama ana da'di neme nanolik esa mai; do bole da'di, hataholi nggelok lafa'da lae, ami sulak hai dede'ak ndia, nai ami susulam nggelok dalek so.

TITUS 3:2

Mafa'das fo ala boso tao langgenggeo hataholi na'den, do lasipo bafak lo su'di see a, te ela leo been-na, ala tao malole neu basa hataholi lala'ena.

IBRANI 10:25

Ela leo bee na ita takabubua sama-sama tahele, ma boso pela-bale sama leo hataholi fe'e kala. Lena-lenak ita muse lilineka tatetea-tahehele aok, nanahu ita bubuluk tae ta doo ka so'on te, neukose Lamatua ka ana mai so.

IBRANI 10:37

Nanahu nai Susula Malalaok dale nanasulak nae, “Ka'da ba'ihanak seluk mesa kana, soona Ndia fo neukose mana maik ndia, neukose no lai-laik ana mai. Neukose, Ana ta nakamama'ak mamai na fa;

1 PETRUS 1:11

Nabi sila la, ala palisak matalolole tao leo beek, ma faihi'da fo dede'ak sila la ala da'di, fo tetee-tutu'dan nde, Kristus Dula Dalen manai sila dalen dale a. Nai lelek ndia Kristus Dula Dale na nafa'da elas, la'eneu doidosok fo Kristus muse la'oladin, ma la'eneu basa doidosok sila la seli soona, besa ka nananamatutua-namadedemak.

1 PETRUS 4:7

Basa hata lala'e na sanga deka basan ia so, hu ndia de, ela leo bee na emi muse paleta ma ao ina mala ma manea, fo ela emi hapu loak soaneu hule-haladoi.

NINITAK 22:20

Ndia fo manamanduku-malosak basa hala heheluk ia la nae, “Tete'e ka, neukose Au mai no lai-laik!” Amin! Mai leona, ou Lamatuak Yesus!

NINITAK 22:7

Yesus nae, “Taoafik neu dede'ak ia leona! Neukose Au mai no lai-laik. Maua-manalek neu hataholi fo ana tao tunga dede'a-kokola nafa'da elak nai susulak ia dalek!”