FILIPI 4:10 - Susula Malalaok Hehelu Palak Ma Hehelu Beuk

¹⁰ Tunga au dale nameme'da nga soona, mulai au aso'da nai Lamatua ka dalek boema, au aua-anale anseli, nana dodoo basa ia, besa ka emi hapu loak seluk, fo emi mafandele au so'da nga. Au ta dodoo ae, emi mafandele heni au so; memak emi bei taoafik mahele au, tehu emi ta hapu loak soaneu matu'du fan.

FILIPI 4:10 Iomraidhean Croise

2TAWARIKH 31:8

Manek Hizkia no hataholi mana'a ngga'din-nala lita tutulu-fafalik makadotok sila-la boema, ala koa-kio Manetualain ma ala koa-kio laun Israel fo Manetualain anan-nala.

MAZMUR 85:6

Losa dodoon-na, O mamanasa ami, de O mamanasa mahele neme bobongik leo bobongik neu do?

HOSEA 14:7

Neukose, laso'da ma lamade'u, sama leo bubu'u-palusa, fo nanupu su'di nai bee boe, lole-napun, sama leo ai setun-na, naboomeni, sama leo ai kaiou-a!

2 KORINTUS 11:9

Metema nai lelek ndia au to'a-taa soona, au beita tao susa ita emi hataholim esa boen. Tolano-tolanook fo manamaik leme Makedonia la mai a, sila nde tao latetu basa hata fo au paluu ka. Au anea matalolole fo ela au boso tao susa emi nai su'di dede'a bee ka dalek boen, ma neukose au anea akandoo fo ela dede'ak ndia nahele leondiak.

2 KORINTUS 6:7

No tui-benga hala ndo sa, ma no Manetualain koasa na, ami matu'du mae ami ia nde bee na Manetualain ata nala. Ami ho'u mahele Manetualain hihii-nanaun da'dileo ami tee-tafam fo ami sapu ma musu a ma soaneu ami masala'e ami aoina ma boe.

GALATIA 6:10

Hu ndia de, metema bei hapu fai loak soaneu ita soona, ela leo bee na ata tao malole neu basa hataholi lala'ena, lena-lenak ba'eneu ita tolanoon fo, ita namahehelek esa.

GALATIA 6:6

Hataholi mana sipo Kristus nanoli na, ela leo bee na, ana tulu-fali ndia mese na, ninik hata malole beek fo ndia nanuun.

FILIPI 1:1

Tolano-tolanook fo Manetualain hataholi kamahehelen fo lamahele neu Yesus Kristu sa, mauli-malangan, ma manatuli-fali hataholi kamahehelek manai Filipi la lemin! Au fo Paulus ma Timotius fo Kristus Yesus ata nala,

FILIPI 1:3

Tunga faik au afandele emi soona, au oke makasi neu Manetualain.

FILIPI 2:30

Soaneu Kristus tatao-nono'in paluu na de, isa bai na maten; ana ta sue so'da na fa, te sa'di ana tulu-fali au ninik emi na'de ma.