FILIPI 3:9 - Susula Malalaok Hehelu Palak Ma Hehelu Beuk

⁹ fo te'e-te'e, au da'di esa on. Au ta sanga enok soaneu tututi-nanatok no Manetualai na, malole falik, tunga agama hoholo-lalanen so'on. Besak ia, au tututi-nanatong no Manetualai na malole falik, nanahu au amahele neu Kristus so. Da'di, tututi-nanato malole ndia, ana da'di neme Manetualai na mai, ma tunga namahehelek neu Yesus Kristu sa.

FILIPI 3:9 Iomraidhean Croise

1RAJA-RAJA 8:46

Memak tete'e ka ta hapu hataholi esa boen ta nasala-nasingo neu O fa – Tehu metema O ana mala lasala-lasingo neu O – boema hu ka nde O nasa-melum de O po'ilotak musu a sengis, de loos da'dileo hataholi nanafook leo nusak esa nai dook-ka do nai mata boeo,

2TAWARIKH 32:25

Tehu hu kande ana koao-ndaeao, de ana ta noke makasi neu lelea-hahaik fo Manetualain fen neu-na fa. Hu ndia de Manetualain namanasa Yehuda ma Yerusalem.

2TAWARIKH 32:31

Ma nai lelek hataholi nadedenuk-kala leme Babel mai fo latanen la'eneu ana lea-hai no kaiboik, Manetualain po'ilotak Hizkia nataa tunga dale hihii-nanau mesan-na, fo ela Manetualain hapu fola dalen-na.

MAZMUR 14:3

Tehu basa hataholi-la, la'ok sala ma ha'da-tataon-nala ta kandaak fa, ta hapu hataholi esa boen, fo ana tao malole fa.

MAZMUR 143:2

O atam au ia, de boso maketu-mala'di au, nana hataholi lala'ena, masalak mesa-mesan nai O matam.

MAZMUR 19:12

Basa sila-la, ala fe nasanene'dak neu O atam-ma: ngga'di matuaina, nanasadiak ba'eneu hataholi fo, manatungan-nana.

PENGKHOTBAH 7:20

Nai daebafak ia, ta hapu hataholi matetu-mandaak fa; ta hapu hataholi manatao malole tataas esa fa, ma beita nasala-nasingo nita fa.

YESAYA 46:13

Neukose Au fe fai soi-po'ik-ka, ana deka, so'da-molek fo Au fe-ka, ta nakano'dok fain-na so'on. Neukose Au soi-tefa Yerusalem, ma Au fe ha'da-holomata neu Israel.”

YESAYA 53:11

Hu ndia de, Manetualain nafa'da nae, “Name'da basa doidosok-ka soona, neukose naua-nanale, ma dalen-na, name'da namahokok. Au atang ndia, nde nandaa no Au daleng-nga, ana lu'a-lepa basa, hataholi makadotok huhukun-na so; hu no hataholi ndia de, neukose Au fe do'o do ampon neus.

YESAYA 53:6

Ita basa-basa-tala, tatofa-tatalak, sama leo bi'ilopo-a, fo esa-esak sangak enon. Manetualain nadodou basa ita sala-singon neun so.

YESAYA 6:5

Boema, au kokolak ae, “Soe! Ketu au namahehenang-nga, nana au kokolak dede'a manggenggeok nanahu sala-singok-ka, ma au leo nai leoina-la boeo leondiak boe. Leomae leondiak boe, au ita matang Manek fo nde Manetualain Fo Manakoasa!”

YEREMIA 23:6

Metema ana paleta soona, neukose hataholi Yehuda-la laso'da-lamole ma neukose hataholi Israel-la laso'da-lamole no nenee-lino-linok. Manek ndia neukose loken soona lae, ‘Manetualain Ita So'dan-na’.

YEREMIA 33:16

Hataholi Yehuda-la ma Yerusalem laun-nala neukose nanasoi-po'ik ma laso'da no nene-lino-linok. Kota Yerusalem-ma neukose nanafoik na'de ‘Manetualain Soi-po'i Ita’.

DANIAL 9:24

Teuk hituhulu la'i hitu ndia nde faik fo Manetualain naketun soaneu Ana soi-po'i o leoinam-ma, ma o kotam fo malalao-malalafuk ndia neme sala-singok ma tatao-nono'i mangalauk-ka mai. Basa sala-singok lala'en-na, neukose hapu do'o do ampon ma napadedeik natetu ndoos ma matetuk fo manaketu basa taak-ka, nalosa ninitak ma hala nafa'da elak ndia, neukose ala da'di, ma Manetualain Uman fo malalao-malalafuk ndia, neukose pake falik-kana soaneu Manetualain.

MATEOS 9:13

Palisak matalolole Susula Malalao ka lalane na nde ia nae: ‘Au hii ka nde susue-lalai ka, te ta nde bana-manu tutunu-hohotu ka fa.’ Nanahu Au ta mai alo hataholi fo nafa'da nae ndia hataholi malole so, te Au mai neu hataholi fo lafa'da lae, hataholi ta malole fa.”

ROMA 1:17

Hu ka nde Hala Malole ndia de, Manetualain natu'du eno na tao leo beek, fo hataholi daebafa ka tututin no Manetualai na, ana da'di malole falik; eno na nde, tamahele Manetualain neme makasososa na losa mate'e na. Dede'ak ndia nandaa no Susula Mala lao ka isi liin nae, “Hataholi fo namahele Manetualain, ma tututi-nanaton no Manetualain malole falik soona, neukose hataholi ndia hapu maso'da ka!”

ROMA 10:10

Nanahu no dale ka fo hataholi a namahele, soona Manetualain sipo kana da'dileo hataholi fo ana mole falik no Manetualain so. Ma no bafa ka fo hataholi a manaku soona, ana hapu maso'da ka.

ROMA 16:7

Manduku-malosak au nate'a nga neu Andronikus no Yunias boe. Sila dua bei leo esa lo au, ma duas masok hai bui sama-sama lo au. Au beita amahele Kristus fa te, duas lamahele lakahuluk so. Sila nde nananita-nalelak nai basa hataholi nadedenu kala dalek.

ROMA 5:21

Naa, ita muse mate, nana ita tao sala-singok. Tehu Manetualain sue-lai ita de Ana fe ita enok fo ata malole falik ton. Boema hu ka nde ita tututi-nanaton to Manetualai na, malole falik, boema Ana fe ita so'da matetu ka ma manaketu basa ta ka, tunga ita Lamatuan Yesus Kristus.

ROMA 8:1

Besak ia, ta hapu huhukuk soaneu hataholi fo laso'da lo Kristus Yesu sa so'on.

ROMA 8:3

Hata fo agama hoholo-lalanen ta hapu tao nala fan, hu ka nde ita hataholi daebafa ka tapandoe na, Manetualain tao basan so. Manetualain sengi sala-singo ka koasa na nai hataholi daebafa ka ha'da-tatao na dalek, ninik Ana haitua Ana na mai no heheo-hihilun sama na leo hataholi daebafa masala-masingo ka, fo Ana kokaheni sala-singo ka.

1 KORINTUS 1:30

Hu ka nde Manetualain de nalosa emi da'di esa mo Kristus Yesus. Tunga Kristus, de Manetualain tao na ita da'di manatee tenok, ma tunga Ndia boe, de Manetualain tao na ita malole falik to Manetualain, nakadada'dik ita da'di Ndia hataholi kamahehele hehelin, ma Ana soi-tefa na ita.

2 KORINTUS 5:17

Hataholi fo naso'da da'di esa no Kristu sa, ana da'di hataholi beuk. So'da palaa ka ta kana so. Basa-basan, ana da'di beuk so.

2 KORINTUS 5:21

Kristus sala-singon ta, tehu Manetualain fen Ana lu'a-lepa ita sala-singo nala, fo ela ita malole falik to Manetualain, nana ita da'di esa to Kristus.

GALATIA 2:16

Tehu leomae leondiak boe, ami bubuluk basa, hataholi malole falik lo Manetualain, hu ka nde ka'da lamahele Yesus Kristus, te ta hu ka nde ala tao tunga agama hoholo-lalanen fa. Ami boeo mamahele Yesus Kristus fo tunga ami namahehelem ndia, de ami malole falik mo Manetualain, te ta hu ka nde ami tao tunga agama hoholo-lalanen fa. Nanahu hataholi ta esa boen, ana hapu malole falik no Manetualain fa, metema ana tunga ka'da agama hoholo-lalanen.

ULANGAN 27:26

‘Nanasoo-supak ba'eneu hataholi fo, ana ta tao natetu Manetualain hoholo-lalanen, ma nanolin-nala, nai tatao-nono'in-na dalek.’ Hataholi Israel-la lataa lae, ‘tete'ek-ka!’ ‘Amin!’ ”

FILIPI 3:6

Lena-lenak, au nde manggate fepa-li'u ahe'di, hataholi kamahehele kala. Metema meten tunga agama Yahudi a hoholo-lalanen mai soona, au ia hataholi malole ma hataholi sala-singo tak.

2 TIMOTIUS 1:9

Manetualain soi-tefa nala ita, ma nalo ita, fo ela ita da'di Ndia hataholi kamahehelen. Ana tao leondiak nana, ta hu ka nde, hata fo ita tao-no'in fa, te hu ka nde, tunga dale tutu'u mesa na, ma susue-lalain, de ita tunga Yesus Kristus, te daebafak ia beita nananakada'dik fa.

TITUS 3:5

Ana soi tefa nala ita nana ta hu ka nde ita tatao-nono'i malole na fa, te hu ka nde Ana sue-lai ita. Ana soi-tefa na ita tunga Manetualain Dula Dale na koasa na, nalosa ita nanasafek ma nanabongi nasafalik soaneu mulai so'da matetu ka ma mana ketu basa ta ka.

IBRANI 6:18

Dede'ak dua ta hapu lasafali fa: Tao leo bee o Manetualain ta nasapepeko la'eneu hala hehelu na, ma soo-supan fa. Hu ndia de, ita fo tasulu-tahapa basa neu Manetualai na, nanafe manggate balakaik soaneu ho'u tahehele neu namahenak, fo nanabetubalak nai ita mata na.

YAKOBIS 3:2

Nasi'a ita basa tala tao salak. Tehu hataholi fo ana beita tao nita salak ninik hala-kokola na, hataholi ndia, hataholi matetu-mandaak, nana ana hapu koasa na, ao ina na lala'ena.

2 PETRUS 1:1

Tolano-tolanoo ngala lemin! Susulak ia neme au, Simon Petrus, fo Yesus Kristu satan ma hataholi nadedenun. Au sulak susulak ia soaneu emi, fo mana mamahele te'e-te'e sama leo ami boe. Yesus Kristus fo nde Manetualain ma ita Mane Mana Fe So'da na, Ana tao basa tatao-nono'i ndoos lala'ena, nalosa ita tamahele neun.

1 YOHANIS 3:4

Hataholi mana tao sala-singo ka, ana la'o lena Manetualain hoholo-lalanen; nana sala-singo ka nde been-na, la'o lenak esa soaneu Manetualain hoholo-lalanen.