FILIPI 3:8 - Susula Malalaok Hehelu Palak Ma Hehelu Beuk

⁸ Tehu ta ka'da dede'ak sila la mesa kasa fa; te basa hata lala'ena, au afa'da ae, ka'da lini tutu'dak fe au. Nanahu besak ia, au hapu hata esa, beli na ba'una seli so: fo nde au alelak au Lamatuang Yesus Kristus. Hu ka nde Kristus de, au ata po'i eme basa hata lala'ena mai. Au oke basa sila lala'ena soona, au ae kadafu dae sila la, fo daenga no enok ndia, au hapu anuu Kristus,

FILIPI 3:8 Iomraidhean Croise

1RAJA-RAJA 14:10

Hu ndia de, neukose Au fe soe a tuni na o teidalem-mala. O tititi-nonosi tou mala lala'en-na, nangatutuu na leo beek boe, neukose nanataonisak. Neukose Au tao amopo o teidalem-mala sama leo hataholi a sasapu balisi kadafuk kala.

2RAJA-RAJA 9:37

ma neukose, popolan fo bei elak-kala, lalefu-le'ak, sama leo bana-la tein-na, nalosa hataholi esa boen, ta hapu nalelak, see popolan ndia fa.’ ”

AYUB 20:7

tehu neukose ana sapu-lalo losa dodoon-na, fo mopon neme daebafak-ka mai, no enok nakamumulu-nakamamaek. Hataholi fo lalelak hain-nana, neukose latane lae, “Hai, neu leo bee neu?”

MAZMUR 126:6

Hataholi neu sele-nggali, bini-ngges nai tinan-na no luuoen-na titi boto-boto soona. Neukose losa fain-na te, ana fali no neni tinan-na buna-boan no nakameek ma namahoko-seteleek.

MAZMUR 73:25

See kande, au anuun nai nusa so'dak-ka, fe'ek neme O mai? Fe'ek neme O mai, ta hapu hata fo, au ahiik-kana nai daebafak-ka.

YESAYA 53:11

Hu ndia de, Manetualain nafa'da nae, “Name'da basa doidosok-ka soona, neukose naua-nanale, ma dalen-na, name'da namahokok. Au atang ndia, nde nandaa no Au daleng-nga, ana lu'a-lepa basa, hataholi makadotok huhukun-na so; hu no hataholi ndia de, neukose Au fe do'o do ampon neus.

MALEAKHI 2:3

Neukose Au huku emi anam-mala, ma Au ahutu emi mata-panam nenik emi tunu-hotu bana-la, tein-na, ma neukose emi nanalele'a-lolosok leo tei bubuak-ka meu.

BILANGAN 14:30

Nai emi dalek, ta hapu hataholi esa boen, fo teun duahulu leo lain neu, neukose ana masok leo nusak fo Au helu fen neu emi ndia fa, te ka'da Kaleb ma Yosua nde masok leo dalek leu.

LUKAS 1:43

See au ia, de nalosa Lamatua ka inan mai leo au mai?

LUKAS 11:20

Tehu Au usiheni dula dale mangalau ka ninik Manetualain koasa na, ma ndia sosoa na, nae Manetualain mulai paleta nai emi tala'da so.

YOHANIS 14:20

Metema faik ndia losa soona, neukose emi bubuluk mae, Au da'di esa o Ama ka, boema emi da'di esa mo Au, ma Au da'di esa o emi.

YOHANIS 14:7

Leo uni ka emi malelak Au soona, tao leo bee o emi malelak Au Amang boe. Besak ia, emi malelak ma emi mitan so.”

YOHANIS 16:3

Ala tao emi leondiak nanahu beita lalelak Ama ka ma Au boe,

YOHANIS 17:3

Ndia nde maso'da matetu ka ma manaketu basa ta ka, fo ela hataholi la lalelak Ama ka nde Manetualain, fo mesa-mesa kana nde ndo sa, ma lalelak Yesus Kristus nde bee na, Ama ka nde nadenu nana.

YOHANIS 17:8

Ama ka fe Au dede'a-kokola kala, Au afa'da basa-basas neu hataholi la, de ala sipo lalan so. Ala bubuluk basa, tete'e ka Au mai eme Ama ka mai, de lamahele Ama ka nde nadenu Au a.

YOHANIS 20:13

Boema ata nusa so'dak sila latanen lae, “Ina, te tao le'e de o kii?” Boema Maria nae, “Ala ko'o lini au Lamatua nga so, de au ta bubuluk ala pe'dan nai bee fa.”

YOHANIS 20:28

Boema Tomas nafa'da Yesus nae, “Au Lamatua nga ma au Manetualai nga!”

HATAHOLI 20:24

Tehu au ta afaduli au so'dang ia fa, sa'di au tao akababasak bela-ba'uk fo Lamatuak Yesus fen neu au a, ma sa'di au lilineka losa au so'da mate'e nga, fo daenga au tui-benga Hala Malole la'eneu Manetualain susue-lalai na.

ROMA 8:18

Tunga au hahapu nga soona, besak ia ita hapu doidoso kala, metema takasasama kana no mandela-masa'ak fo ita hapu ka soona, ta sama makandondook fa.

ROMA 8:39

nau dede'ak manai lalai la, do dede'ak manai daebafa ka do sudi beek ndia boe, basa sila la ta hapu ta'da Manetualain susue-lalain neu ita fa; sama leo natu'du basan, tunga ita Lamatuan Yesus Kristus so.

1 KORINTUS 2:2

Nana au aketu basa ae, nai lelek fo au bei sama-sama o emi a, au ta kokolak hata-hata fa, te au kokolak la'eneu Yesus Kristus fo nanalona-nggange nisak ndia.

1 KORINTUS 9:10

Do dede'ak ndia sosoa na la'e ita nde ndia do? Memak ndia nanasulak soaneu ita. Nana hataholi manatati tina osi ma hataholi manatao balisi gandu ma, metema basa ue-le'di nala soona hataholi sila landaa lamahehena sipo baba'ek esa neme ue-osan buna-boan mai.

2 KORINTUS 4:4

Nitu lalais fo manakoasa daebafak ia, nde babaa ketu hataholi kamahehele tak sila la dudu'a-aafin. Ndia nde napanggengge sala, fo ela ala ta lita mangale'dok maneme Hala Malole la'eneu Kristus matua-mademan, fo nalupa Manetualain dula na.

2 KORINTUS 4:6

Manetualain fo nafa'da nae, “Ela leo bee na neme makahatuk dale mai, mangale'do ka tii,” Manetualain ndia nde nakatitiik mangale'dok ndia nai ita dalen dale, fo ela ita dudu'a-aafin da'di mangale'dok fo ita talelak matalolole Manetualain mandela-masa'an fo nandela-nasa'a neu Kristus mata-panan.

GALATIA 1:16

Manetualain natu'du Ana na neu au, fo ela au tui-benga Hala Malole la'eneu Anan ndia neu hataholi ta Yahudi la. Lelek ndia, au ta oke nanoli-nafa'dak neme hataholi esa mai boen.

EFESUS 4:13

No leondia ka de, ita basa-basa tala da'di esa, hu ka nde namahehelek matak esa, ma malelak matak esa, la'eneu Manetualain Ana na. Fo ita da'di touinak nai namahehele ka dalek, fo boetai tatetu-tandaa, sama leo Kristus.

FILIPI 1:1

Tolano-tolanook fo Manetualain hataholi kamahehelen fo lamahele neu Yesus Kristu sa, mauli-malangan, ma manatuli-fali hataholi kamahehelek manai Filipi la lemin! Au fo Paulus ma Timotius fo Kristus Yesus ata nala,

FILIPI 3:10

Au ahiik ka'da dede'ak esa mesa kana, fo nde au alelak Kristus, ma au ame'da ita koasa fo mana tao naso'da fali kana neme mamate sa mai a so Au ahiik doidoso ma mate sama leo Yesus.

FILIPI 3:12

Au ta afa'da ae, au hapu buna-boan, do au matetu-mandaak so. Tehu au sanga enok akandoo, fo au hapu bua palsen fo Kristus Yesus sadia ka. Nana, hu ka nde dede'ak ndia de, Ana loso na falik au, de Ana tao au da'di Ndia nuun so.

FILIPI 3:7

Makahulu na, au ae daenga basa sila la nini nanalak fe au, tehu hu ka nde Kristus de besak ia, au bubuluk basa sila la nini tutu'dak fe au.

2 TIMOTIUS 4:6

La'eneu au ao ina nga soona, fai na losa soaneu au mate da'dileo tutunu-hohotuk esa neu Manetualain. Ba'ihanak seluk faa bai te, neukose au la'oela daebafak ia.

IBRANI 3:14

Ita basa-basa tala nde bee na, tolanoo mana sanga enok esa to Kristus, sa'di losa mate'e na, ita ho'u tahehele ita namahehelen fo ita tanuun nai makasososa na.

1 PETRUS 2:7

Ba'eneu hataholi kamahehele kala soona, batu ndia beli na seli, tehu hapu Susula Malalao ka lalanen esa nde ia, ana tu'da la'e hataholi kamahehele tak sila la. Lalanek ndia nae leo ia, “Batu fo tuka uma la, ta pake fan, te see ko na, batu ndia ana da'di batu makasososak,”

2 PETRUS 1:2

Ela leo bee na Manetualain fe baba'e-papalan ma mole-dame na, ana sasi kao-kao neu emi, nanahu emi malelak Manetualain ma Yesus, fo ita Lamatua na.

2 PETRUS 1:3

Manetualain pake koasa na, de Ana fe ita, basa hata fo ita paluun soaneu maso'da ndo sa. Ana tao dede'ak ndia, nanahu ita talelak Yesus fo nalo basa ita, soaneu ita tame'da tita matua-mademan ma dale malole na.

2 PETRUS 1:8

Basa sila la nde bee na, ha'da-tataok fo paluu emi tao tungan nai emi so'da ma dalek. Metema emi manuu la'iesak ha'da-tataok sila la soona, neukose emi boetai manggate ma emi hapu buna-boan, boema emi malelak ita Lamatuan Yesus Kristus no malole seluk bai.

2 PETRUS 3:18

Ela leo bee na, Lamatuak Yesus Kristus, ma ita Mane Mana Soi-Tefa na, Ana fe baba'e-babatin neu emi, fo ela emi boetai malela kana. Koa-kion, neme besak ia, losa dodoo na! Amin. Ha'da-holomata neme ami, Petrus

1 YOHANIS 1:3

Hata fo ami mitan ma ami mamanenen, ndia nde ami tui-bengan neu emi a, fo ela emi sama-sama mo ami, taso'da to Ama ka ma Anan Yesus Kristus.

1 YOHANIS 2:19

Kristus musu noon sila la nde, hataholi mana la'oela ita, fo memang tunga ndo na soona, ita hataholin ta sila fa. Nana metema ita hataholin sila soona, tao leo beeo, lakabubua lahele lo ita. Tehu ala la'oela ita, fo ela ana da'di nafafa'dak esa nae, tete'e ka ita hataholin ta sila so'on.

1 YOHANIS 5:20

Ita bubuluk basa, Manetualain Ana na mai, de ana fe ita malelak fo daenga ita talelak Manetualain fo ndo sa. Fo ela ita taso'da to Manetualain fo ndo sa, ma taso'da to Anan fo Yesus Kristus. Ndia nde Manetualain fo ndo sa, ma Ndia nde so'da matetu ka mana ketu basa ta ka.