FILIPI 2:6 - Susula Malalaok Hehelu Palak Ma Hehelu Beuk

⁶ Tunga matetu na soona, Yesus sama leo Manetualain, tehu leomae leondiak boe, Ana ta name'da nae, heheo-hihilun ma ha'da-tataon fo sama leo Manetualain ndia, muse Ana ho'u nahele fan.

FILIPI 2:6 Iomraidhean Croise

YESAYA 7:14

Besak ia, neukose Manetualain nde fe o ta'du-tana. Anafe'oana kailus esa, neukose ana bongi-na ni'iana touanak esa, fo ana foin na'de Imanuel.

YESAYA 8:8

Neukose ala sa'e-la Yehuda, sama leo faa fo dedeman-na losa botolik, de ana lifu-na basa hata lala'ena.” Manetualain no ita! Nakapepela li'dan-na, fo nasulu-nahapa ita nusan-na.

YESAYA 9:6

Ana paleta da'di leo manek fo Dauk tititi-nonosin, koasan-na matuaina nanseli Nusan-na mole-dame, tetu-temak tataas esa; paletan-na nangatuuk nai hoholo-lalanek, ndoos ma matetuk lain, neme besak ia, ma losa dodoon-na. Tao leo bee-o, Manetualain Fo Manakoasa nakalala'ok-kana.

YEREMIA 23:6

Metema ana paleta soona, neukose hataholi Yehuda-la laso'da-lamole ma neukose hataholi Israel-la laso'da-lamole no nenee-lino-linok. Manek ndia neukose loken soona lae, ‘Manetualain Ita So'dan-na’.

MIKHA 5:2

Da'di, neukose Manetualain po'ilotak sila musun-nala koasa anan-nala, losa inak fo nananaketuk soaneu da'di manakoasa ndia inan, ana bongi-nan. Basa ndia soona, hataholi fo sila leoina esa, bei lai mamana tu'u-tapak, neukose Ana taos da'di esa loo sila leoinan-na.

ZAKHARIA 13:7

Manetualain Fo Manakoasa, nafa'da nae, “Fo'a leon, hai tafaina, fo sapu-ma manafoo fo naue-nale'di fe Au! Taomisan leona, soona neukose bi'ilopo-la tapasasala. Neukose Au sapu-a Au anang-ngala,

MATEOS 1:23

“Ana fe'oana mata tema esa, neukose nailu fo ana bongi na ni'iana touanak esa. Ala foi ni'iana ndia na'de, Imanuel.” Imanuel ndia, metema tunga dede'a Ibrani soona sosoa na nae, “Manetualain no ita”.

YOHANIS 1:18

Beita la'iesa boen fo hataholi hapu nita Manetualain, ka'da Ama ka Ana kisa na mesa kana, fo sama leo Ama ka, boema Ana da'di esa no Ama ka. Ndia nde natu'du Ama ka neu ita.

YOHANIS 10:30

Au ma Ama ka nde bee na, esa.”

YOHANIS 10:33

Boema hataholi Yahudi la lataa lae, “Ta hu ka nde O tatao-nono'i malolem sila la fa, de ami nau tapa O ninik batu, te hu ka nde O makamumulu-makamamaek Manetualain. O hataholi daebafak esa boe na, O nau tao aoina ma da'di neu Manetualain.”

YOHANIS 10:38

Te hu ka nde Au tao-no'in de, mamahele hata fo Au tao-no'ik ndia leona, leomae emi ta nau mamahele Au fa. No enok ndia, emi bubuluk ma malelak mae, Ama ka da'di esa nahele no Au, ma Au da'di esa ahele o Ama ka.”

YOHANIS 14:28

Emi mamanene Au afa'da basa ae, ‘Neukose Au la'o, tehu neukose Au fali ma'i nga leo emi mai’. Metema emi sue-lai Au soona, neukose emi mamahoko Au u leo Ama ka u, nana Ama ka matua ba'ulena Au.

YOHANIS 14:9

Tehu Yesus nataa nae, “Au o emi doo-doo basa ia so, ma tao le'e de, o beita malelak Au boen, Felipus? See nita Au soona, nita Ama ka nde ndia so. Tao le'e de, o mafa'da mae, ‘Matu'du Ama ka neu ami leona’?

YOHANIS 17:5

Amak! Mamatutua-mamadedema Au besak ia leona soaneu Ama ka, ninik matua-madema fo Au o Ama ka manuun, te daebafak ia beita nananakadada'dik fa.

YOHANIS 20:28

Boema Tomas nafa'da Yesus nae, “Au Lamatua nga ma au Manetualai nga!”

YOHANIS 5:18

Dede'a-kokolak sila la nde tao la basa manakoasa Yahudi la sanga enok lakandoo, fo ala taolisa Yesus. Ala tao enok ndia, nana ta ka'da Yesus la'olena agama nakanenete na la'eneu fai Saba ta fa, te hu ka nde Yesus nafa'da nae, Ndia Aman nde Manetualain, fo dede'ak ndia sosoa na nae, Yesus nakasasamak aoina na no Manetualain.

YOHANIS 5:23

Ama ka tao leondiak, fo ela basa hataholi la fe ha'da-holomata neu Ana ka, sama leo ala fe ha'da-holomata neu Ama ka. See ta fe ha'da-holomata neu Ana ka fa soona, ana ta fe ha'da-holomata neu Amak fo manamadenu Ana ka.

ROMA 9:5

Sila nde bee na, ita bei-ba'ikai nala, tititi-nonosin. Tunga ao paak soona, Kristus da'di neme sila leoina mai. Kristus dema lenaheni basa-basas. Koa-kio Manetualain losa dodoo na! Amin.

2 KORINTUS 4:4

Nitu lalais fo manakoasa daebafak ia, nde babaa ketu hataholi kamahehele tak sila la dudu'a-aafin. Ndia nde napanggengge sala, fo ela ala ta lita mangale'dok maneme Hala Malole la'eneu Kristus matua-mademan, fo nalupa Manetualain dula na.

2 KORINTUS 8:9

Nana emi bubuluk tete'e ka, Yesus Kristus fo ita Lamatua na sue-lai na ita ba'u na seli. Yesus kamasu'ik, tehu Ana tao aoina na da'di nuu ta-hata tak, soaneu emi paluu ma, fo ela no nuu ta-hata tan ndia, emi da'di kamasu'ik.

1 TIMOTIUS 1:17

Manetualain fo Manek neu basa le'do fai manalu a, nandaa fen ha'da-holomata ma koa-kion tataas esa, nana Ndia nde mana ketu basa tak, fo ta nananitak, ma ka'da kisak! Amin.

1 TIMOTIUS 3:16

Ta hapu hataholi esa boen, hapu nalelesi nae, basa nanolik fo Manetualain natu'du kala nde bee na, tete'e ka: Natu'du ao ina na, sama leo hataholi daebafa ka. Manetualain Dula Dale na nafa'da nae, ndoos, boema basa ata nusa so'da kala litan. Tutui na, nanatui-bengak nai basa nggileo-bobongi kala tala'da, boema basa daebafa ka lamahelen, ma nanaso'uk leo nusa so'da ka neu.

TITUS 2:13

Besak ia, ita beitahani Faik fo ita tamahehenak ndia; Neu Faik ndia te, neukose daebafa ka nita Yesus Kristus matua-mademan, fo nde Manetualain fo Matua Madema, ma ita Mane Mana soi-mana tefa na.

IBRANI 1:3

Ndia nde nangale'do Manetualain matua-mademan, fo mandela-masa'a ka; Ndia nde dulak fo mangale'dok neme Manetualain ao ina na mesa kana. Ndia boeo nde nakaboboi lalai no daebafak maloa ia matea-mahelen ninik dede'a-kokolan fo mana koasa matua ina na. Ana soi basa enok fe hataholi daebafa ka soaneu nanasoi-po'ik neme sala-singo nala mai boema, Ana nangatuuk kandela mana paleta nai nusa so'da ka sama-sama no Manetualain fo Mana koasa ma madema ina.

IBRANI 1:6

Tehu nai lelek fo Manetualain nadenu Ana ulu na leo daebafak ia mai a, Manetualain nafa'dan nae leo ia, “Basa Manetualain ata nusa so'da nala, muse sene-do'ok neu Anak ndia.”

IBRANI 1:8

Tehu neu Anan ndia, Manetualain nafa'da nae, “O nde bee na Manetualain, ma neukose O paleta da'dileo Manek neme doon losa dodoo na! Neukose O nde koasa ma paleta no matetu na.

IBRANI 13:8

Yesus Kristus sama nahele, nau makahulu na, besak ia, ma losa dodoo na.

NINITAK 21:6

Boema Ana kokolak nae, “Basa so! Au nde Alfa ma Omega, fo makassososak ma mate'ek. Au nde Lamatuak neme Makasososak ma Makabuik. Basa hataholi mana maa ma'da kala, neukose Au fes linu hiik neme oe mata fo manafe maso'da ka.