FILIPI 2:2 - Susula Malalaok Hehelu Palak Ma Hehelu Beuk

² Na, so'ba te'e-te'e, emi tao ma au daleng-nga namahoko ninik dede'ak ia la: Maso'da teik esa-dalek esa ninik susue-lalaik matak esa, dudu'a-aafik matak esa, ma dale hihiik matak esa.

FILIPI 2:2 Iomraidhean Croise

MAZMUR 122:8

Hu kande au tolanoo ka'a-fa'ding, ma au tia-laing-ngala, de au afa'da ae, “Ela leo bee-na, o so'da-molek!”

YOHANIS 3:29

Mana kabing ina ka nde bee soona, manakabing tou ka nuun ndia. Fo mana kabing tou ka tia-lain, ka'da lapadeik leu boboa na, fo metema lamanene mana kabing tou ka hala na soona, lamahoko. Au boeo leondiak boe. Besak ia, au amahoko anseli.

HATAHOLI 1:14

basa-basas lakabubua no dalek esa lakandoo, fo ala hule-haladoi. Ala hule-haladoi sama-sama lo ina kala, fo nai dalek hapu Yesus inan Maria, ma sama-sama lo Yesus tolanoo nala.

HATAHOLI 2:1

Lelek fai Pentakosta losa boema, basa hataholi kamahehele kala lakabubua leme mamanak esa.

HATAHOLI 2:46

Tunga faik lakabubua tataas esa nai Manetualain Uman dale, ma la'a-linu lakabubua no namahokok, ma lasue-lalai ao nai uma lo nala dalek.

HATAHOLI 5:12

Hu ka nde Lamatua ka hataholi nadedenu la lau-onon de manda'di beu kala ma dede'a matuaina la ala da'di nai lau nala tala'da. Basa hataholi kamahehele kala lakabubua no teikesa-dalekesa nai Serambi Salomo, fo nai Amak Manetualain Uman.

ROMA 12:16

Maso'da nai mole-dame a dalek. Boso koao-ndaeao, te tao aoina ma sama no hataholi ta nananita-nalela kala. Boso mafa'da mae emi hataholi malela kala, te se'kona ta leondiak fa.

1 KORINTUS 1:10

Tolano-tolanoo ngala lemin! No ita Lamatuan Yesus Kristus na'de na, au oke fo ela emi basa-basa mala teikesa dalekesa; fo ela nasi'da-naba'e ka, boso da'di nai emi dalek. Ela leo bee na emi da'di esa, teikesa dalekesa, ma dudu'a-aafik esa.

2 KORINTUS 13:11

Mate'e na tolano-tolanoo kala ela leo bee na emi mamahoko, ma sanga enok leona fo da'di matetu-mandaak. Sipo ma basa au nanoli-nafa'dang lala'ena. Ela leo bee na emi dalek esa ma maso'da no mole-dame. Manetualain fo Mana Sue-lai Matuaina, ma manini mole-dame ndia, neukose no emi.

2 KORINTUS 2:3

Hu ndia de au sulak fe emi susulak ia. Au ta nau ne'i donge-dama emi fo emi makahehe'dik au, te see ko na emi nde muse tao mamahoko au. Nana au amahele, metema au amahoko soona, emi basa-basa mala mamahoko boe.

2 KORINTUS 7:7

Ami dale ma loa-loak mesan ta ka'da hu ka nde Titus mai so, tehu boeo hu ka nde nafa'da dale na loa-loak mesan nanahu emi. Nafa'da ami nae emi mahiik manseli matongo mo au; ma nae emi masasale dale neu emi tatao-nono'i makahulu mala, de besak ia emi nau masala'e au. Dede'ak ndia tao na au amahoko lena seluk bai.

FILIPI 1:4

Boema tunga faik au hule-haladoi fe emi soona, au hule-haladoi no namahokok.

FILIPI 2:20

Ka'da Timotius mesa-mesa kana nde hataholi fo heheo-hihilun ma ha'da-tataon sama no au, ma te'e-te'e ana dudu'a-dodoo emi so'da ma.

FILIPI 4:2

Ba'eneu neu au tolanoo inang Euodia ma au tolano inang Sintike! Au oke anseli, fo ela emi dua dalek esa da'dileo hataholi fo namahehelek esa.

KOLOSE 2:5

Nanahu leomae au doo ka eme emi mai, tehu bole tafa'da tae, au nai emi tala'da. Ma au amahoko nana au ita emi teik esa-dalek esa ma emi namahehelem neu Kristu sa natea-nahele.

2 TESALONIKA 2:13

Tolano-tolanook fo Lamatua ka sue-lai ka lemin! Ami muse moke makasi makandoo neu Manetualain soaneu emi, nana neme makasososa na mai, Manetualain hele basa emi, fo Ana soi-tefa na emi. Dede'ak ndia ana da'di neme hata fo, Manetualain Dula Dale na tao-no'in neu emi, fo Ana tao emi da'di Manetualain hataholi kamahehelen fo malalaok, ma hu ka nde emi mamahele hala ndoos, fo maneme Manetualai na mai.

2 TIMOTIUS 1:4

Au afandele o dale he'di ma. Hu ndia de, au ahiik alanseli, au atongo o, fo ela au amahoko te'e-te'e.

FILEMON 1:20

Hu ndia de, no Lamatua ka na'de na, tulu-fali su'dik au, fo tao mamahoko au dale nga, sama leo tolanook nai Kristus dalek.

2 YOHANIS 1:4

Au amahoko anseli, nai lelek fo au amanene lae, Ina anan nggelok laso'da tunga Manetualain nanoli nala, sama leo Amak Manetualain paletan neu ita.

3 YOHANIS 1:4

Ta hapu hata esa boen, fo ana tao namahoko au dale nga lena neme, au amanene lae, au ana ngala laso'da tunga Manetualain nanoli nala.