FILIPI 1:7 - Susula Malalaok Hehelu Palak Ma Hehelu Beuk

⁷ Memak la'e mamana na, au anuu dudu'a leondiak soaneu emi, nana emi basa-basa mala nai au daleng dale tataas esa. Boema hu ka nde emi boeo sipo baba'e-babatik fo Manetualain fen neu au a boe; nau besak ia, fo lelek au bei nai bui dale a, do nai lelek au nai bui a deak boe, au asala'e ma au ho'u ahele Hala Malole ndia.

FILIPI 1:7 Iomraidhean Croise

HATAHOLI 20:23

Ka'da au bubuluk Manetualain Dula Dale na nafa'da basa au no mangale'dok nai kota-kota la nae, neukose ala tao au leo bui dale neu, ma neukose au doidoso.

HATAHOLI 21:33

Boema malanga solda'du ndia neu leo Paulus neu de ana ho'u nan, boema nadenu hataholi la pa'a liman duas ninik namosina. Basa boema malanga solda'du ndia natane, see Paulus ndia, ma ana tao sala beek so.

1 KORINTUS 13:7

Nakatatakak nasasale matak no basa hata lala'ena, ma ana nau namahele hataholi fe'ek tatao-nono'i malole na; nai ha'da-tatao leo bee ka boe, hataholi manasue-laik ndia, ta ketu namahehena na nai basa dede'ak lala'ena dalek, ma nahani basa hata lala'ena no ta haelai namanasa fa.

1 KORINTUS 9:23

Au tao basa sila la soaneu Hala Malole maneme Manetualain ndia mai, fo ela au boeo tunga nanaba'e-palak.

2 KORINTUS 3:2

Emi nde ami susula kokoa-kikiom fo nanasulak nai ami dalem dale, fo hataholi la esa-esak bubuluk ma ana lees ana.

2 KORINTUS 7:3

Au afa'da ae leondia, tehu ta soaneu au fe salak neu emi fa. Nana sama leo au afa'da basan nai makahulu na ae, ami sue-lai emi ba'una seli, boema ita nde bee na tia-laik losa mate.

GALATIA 5:6

Hu ka nde, metema ita da'di esa too Kristus soona, tunga do ta tunga suna ta fa o, ta hata-hata fa. Fo paluu nanseli a, nde ka'da tamahele Kristus, fo dede'ak ndia, nananitak nai ita susue-lalain neu hataholi fe'e ka.

EFESUS 3:1

Hu ndia de au, Paulus, fo nanahukuk nanahu Kristus Yesus, soaneu emi hataholi ta Yahudi la paluu ma.

EFESUS 4:1

Hu ndia de au hataholi nanatahan esa, fo nanatahan, hu ka nde au alalau-aoono Lamatua ka au oke alan seli neu emi: fo ela emi so'da ma natetu-nandaa no emi nangatutuu ma, da'dileo hataholi fo Manetualain nalo basan so.

EFESUS 6:20

Nana hu ka nde Hala Malole ndia de, au da'di Lamatuak Yesus hataholi nadedenun, ma besak ia, au nai bui dale. Hule-haladoi, fo ela au apalani kokolak la'eneu Hala Malole ndia, sama na leo, au muse kokola kana.

FILIPI 1:12

Au nau emi bubuluk, au doi-dosong sila la, nini fe hataholi ba'u ka boetai lamanene ma lamahele Hala Malole ndia.

FILIPI 1:13

Hu ndia de, basa mane ka hataholi mana manea nala, lo hataholi manai kota ia dalek lala'ena, ala bubuluk beno'u lae, au nanatahan nanahu au alalau-aoono Kristus.

FILIPI 1:14

Ma no au nanatahan ia de, nini fe hataholi kamahehelek ba'u ka nai kota ia, boetai lamahele Lamatua ka ma boetai lapalani tui benga Manetualain Hala Malole na.

FILIPI 1:5

Au oke makasi neu Manetualain, nanahu neme makasososa na losa besak ia, emi bei tulu fali mahele au, de nalosa au tao amaloloa Manetualain Hala Malolen ndia so.

FILIPI 2:22

Emi nde mita matam buti na nae, Timotius masosoa-ndandaak. Ana tao-no'i puse laipana no auso, soaneu ami tao mamaloloa Manetualain Hala Malole na. Ana tulu-fali au, sama leo anak esa ana tulu-fali ama na.

FILIPI 4:14

Tehu emi tulu-fali au nai au susa nga dalek so; ma hata fo emi tao no'in ndia, memak malole.

FILIPI 4:15

Tolano-tolanook fo manai Filipi la lemin! Emi bubuluk te'e-te'e, nai lelek makahulu na, au la'oela Makedonia, nai lelek makasososa na, au tao amaloloa Hala Malole ndia, emi mesa-mesa ma nde tulu-fali au a; emi mesa-mesa ma nde mame'da mita, nanalak ma tutu'dak sama-sama mo au a boe.

FILIPI 4:3

Soaneu au tia-lai malalau-maoono mana lilineka ngala, au oke fo daenga tolanoo kala tulu-fali tolanoo inak ka duak sila la. Nanahu duas boeo, ala tao-no'i sota mate lo au, soaneu tui-benga Manetualain Hala Malole na; sama na leo Klemen ma basa tolanoo fe'ek fo mana tao-no'i sama-sama lo au a. Sila na'de nala nanasulak nai Hataholi Maso'da kala susulan dale.

KOLOSE 4:18

Nate'ak neme au, Paulus. Au mesa nga nde sulak baba'ek ia. Boso mafandele henin te, besak ia au bei nai bui dale! Ela leo bee na, Lamatua ka fe baba'e-papalak neu emi. Ha'da-holomata neme ami, Paulus

KOLOSE 4:3

Hule-haladoi fe ami boe, fo ela Manetualain fe ami fai loak malole, soaneu ami tao mamaloloa halak la'eneu Kristus dede'a nafufuni na. Nana hu ka nde dede'ak ndia de, au masok bui.

1 TESALONIKA 5:5

Nana emi basa-basa mala nde bee na, hataholi fo naso'da nai mangale'do ka dalek; nai fai lele'do na. Ita ta nde hataholi fo, naso'da nai makahatuk dalek, nai fai le'odae na fa.

2 TIMOTIUS 1:8

Hu ndia de, o boso bii-mae da'di sakasii la'eneu ita Lamatua na neu su'di see a, ma boeo boso bii-mae malelak au fo, hataholi nanahukuk, hu ka nde Lamatua ka. Te ela leo bee na, no Manetualain be'ibalakain de, o doidoso soaneu Hala Malole ndia.

2 TIMOTIUS 2:9

Nana hu ka nde tui-benga Hala Malole ndia de, au doidoso; nakalenak bai, ala pa'a au ninik namosina, sama leo ala pa'a hataholi mangalauk esa. Tehu ala ta hapu pa'a laa, Manetualain dede'a-kokolan ninik namosina fa.

FILEMON 1:13

Tunga ndo na, au nau ahelen neme ia, fo ana nggati o, fo daenga ana tulu-fali au nai tahanan dale, nana au tui-benga Manetualain Hala Malole na.

IBRANI 3:1

Tolano-tolanoo kamahehelek esa fo Manetualain nalo basa kala lemin! So'ba dodoo matalolole la'eneu Yesus ia dei! Manetualain nadenu hehelin Ana da'di Imam Matua ina nai ita agama na dalek.

1 PETRUS 4:13

Malole lenak emi mamahoko, nanahu emi doidoso sama-sama mo Kristus. Soona mahani te, metema Kristus namatutua-namadedeman nananatu'duk soona, neukose emi mamahoko.

1 PETRUS 5:1

Au oke, mana mauli-malanga salani kala taoafik neu salani kala. Au sulak susulak ia, sama leo nonoo mauli-malangan, ma sama leo hataholi fo mana sakasii matan Kristus doidoso na so, de neukose au boeo nananamatutua-namadedemak, nai lelek fo Kristus namatutua-namadedeman nananatu'duk neu hataholi daebafa ka. Hu ndia de, au oke anseli,

2 PETRUS 1:13

Nai lelek fo au bei aso'da, au ame'dan, au muse fe emi nasanene'dak la'eneu dede'ak sila la.

1 YOHANIS 3:14

Ita bubuluk basan, ita kalua teme mamates dale mai de ita lali leo maso'dak dale teu so. Ita bubuluk dede'ak ndia, nana ita sue-lai ita tolano nala. Metema see dale susue-lalain ta soona, hataholi ndia bei nai mamate sa koasan dale.