FILIPI 1:22 - Susula Malalaok Hehelu Palak Ma Hehelu Beuk

²² Tehu metema no au maso'dang nai daebafa ia, au bei hapu tao-no'i tatao-nono'i masosoa-ndandaak lena seluk bai soona, au ta bubuluk hele bee ka fa.

FILIPI 1:22 Iomraidhean Croise

KEJADIAN 21:26

Boema, Abimelekh nae, “Au ta bubuluk see kande, tataon ndia fa. O beita mafa'da au, manada'dik ndia fa. Besak-ka au amanene manada'dik ndia.”

KEJADIAN 39:8

Yusuf ta nau fa, de nafa'dan nae, “Ampon, Ina, tuan Potifar fe au ito-ato basa hata-heton lala'en-na. Ana ta paluu dudu'a-dodoo seluk hata-hatan-nai uma ia dalek so'on.

MAZMUR 71:18

Ou Manetualain, boso la'oela au, losa au amalasi fo au mofa, fo ela au tui-benga O koasam-ma, ma O makadelem-ma, neu bobongik manamaik-kala.

KELUARAN 32:1

Lelek leoina Israel-la bubuluk lae doon-na seli Musa ta kona neme letek lain mai fa, tehu bei nai naa boe, boema leu lakamomotu-la Harun de lafa'dan lae, “Ita ta bubuluk hata da'di neu Musa fa, hataholi fo mana no ita kalua teme Masir mai; da'di tao fe ami lamatua fe'ek fo nauli-nalanga ami.”

HATAHOLI 3:17

Tolano-tolanoo ngala lemin! Besak ia, au bubuluk basa hata fo emi mo emi mauli-malanga mala taon soaneu Yesus. Emi tao tataos ndia nana emi ta bubuluk hata fo emi taon ndia fa.

ROMA 1:13

Tolano-tolanoo ngala lemin! Au nau emi bubuluk nana la'i ba'u ka, au dodoo ae ne'i donge-dama emi, tehu au ta hapu loak makandondook fa. Nana au nau au ue-osang nini buna-boak fe emi, sama na leo hataholi ta Yahudi fo manaleo nai mamana fe'e kala boe.

ROMA 11:2

Ta! Neme makasososan mai a, Manetualain hele basa hataholi kamahehele nala so, de Ana ta tu'u-tapaheni fas. Emi bubuluk hata fo nanasulak nai Susula Malalaok dale la'eneu Elia, nai lelek ana kalaak hataholi Israe la leo Manetualain neu. Elia nae,

2 KORINTUS 10:3

Memak ami bei maso'da nai daebafa ka, tehu ami ta ulepo'de minik dudu'a daebafak fa.

GALATIA 2:20

Besak ia, au ta nde aso'da fa, te Kristus nde naso'da nai au dale ka. So'dak fo au ame'dan nai besak ia, nde bee na maso'dak fo au hapun neme namahehelek neu Manetualain Anan fo mana sue-lai au a, ma Ana tunu-hotu basa ao ina na soaneu au so.

FILIPI 1:23

Besak ia, au dodoo doa kana so; Au ahiik anseli, au la'oela daebafak ia, fo au u leo o Kristus, nana ndia nde malole nanseli a;

FILIPI 1:24

tehu au dodoo ae, hu ka nde emi paluu ma, de malole na seli, metema au leo ahele nai daebafa ka.

KOLOSE 2:1

Au nau emi bubuluk, tao leo bee de au puse laipana anseli soaneu emi ma soaneu sila fo manai Laodikia la, boema soaneu hataholi fo beita lalelak matalolole au fa.

1 PETRUS 4:2

Hu ndia de, emi bei maso'da nai daebafa ka, de ela leo bee na emi maso'da tunga Manetualain hihii-nanaun, te ta tunga hataholi daebafa ka hihii-nanaun fa.