FILIPI 1:13 - Susula Malalaok Hehelu Palak Ma Hehelu Beuk

¹³ Hu ndia de, basa mane ka hataholi mana manea nala, lo hataholi manai kota ia dalek lala'ena, ala bubuluk beno'u lae, au nanatahan nanahu au alalau-aoono Kristus.

FILIPI 1:13 Iomraidhean Croise

HATAHOLI 26:29

Boema Paulus nae, “Nai fai nggenggeloanak do fai manalu boeo, au hule-haladoi neu Manetualain fo ela Ama Manek mo basa ama-ama fo mana mamanene au nai faik ia dale na, da'di sama leo au, ta'dafe'e lange fo nanalangek neu au ia!”

HATAHOLI 26:31

Laladeak boema esa kokolak no esa nae, “Hataholi ia ta tao salak hata esa boen fo nandaa hukunisan do taon leo bui dale neu fa.”

HATAHOLI 28:17

Basa faik telu boema, Paulus nalo lasi-lasi Yahudi manai mamanak ndia. Lakabubua boema nafa'das nae, “Tolano-tolanoo ngala lemin! Au ta tao salak hata-hata esa boen neu ita leoina na, do au la'olena ha'dak fo ita sipon neme ita bei ba'ikai nala mai. Leomae leondiak boe, ala ho'u la au neme Yerusalem de ala fe au leo hataholi Roma neu.

HATAHOLI 28:20

Hu ndia de au nau atongo o emi, fo au kola-kola o emi nana au nanalangek hu ka nde Mana Soi-Mana Tefa fo leoina Israe la namahehena ka.”

HATAHOLI 28:30

Paulus leo teuk dua dale na neme Roma. Ana se'ba uma esa de ana leo nai dalek. Ana sipok hataholi mana donge dama nana no namahokok.

EFESUS 3:1

Hu ndia de au, Paulus, fo nanahukuk nanahu Kristus Yesus, soaneu emi hataholi ta Yahudi la paluu ma.

EFESUS 4:1

Hu ndia de au hataholi nanatahan esa, fo nanatahan, hu ka nde au alalau-aoono Lamatua ka au oke alan seli neu emi: fo ela emi so'da ma natetu-nandaa no emi nangatutuu ma, da'dileo hataholi fo Manetualain nalo basan so.

EFESUS 6:20

Nana hu ka nde Hala Malole ndia de, au da'di Lamatuak Yesus hataholi nadedenun, ma besak ia, au nai bui dale. Hule-haladoi, fo ela au apalani kokolak la'eneu Hala Malole ndia, sama na leo, au muse kokola kana.

FILIPI 1:30

Makahulu na emi mita au doidoso, de losa besak ia boeo, au bei doidoso ahele, nanahu au amahele Kristus. Besak ia boeo, emi doidoso sama leo au boe, nanahu emi mamahele Kristus.

FILIPI 1:7

Memak la'e mamana na, au anuu dudu'a leondiak soaneu emi, nana emi basa-basa mala nai au daleng dale tataas esa. Boema hu ka nde emi boeo sipo baba'e-babatik fo Manetualain fen neu au a boe; nau besak ia, fo lelek au bei nai bui dale a, do nai lelek au nai bui a deak boe, au asala'e ma au ho'u ahele Hala Malole ndia.

FILIPI 4:22

Basa Manetualain hataholi kamahehelen manai kota ia lala'ena, nakalenak Kese la uma isi nala boeo, ala haitua fe emi sila nate'a na boe.

2 TIMOTIUS 2:9

Nana hu ka nde tui-benga Hala Malole ndia de, au doidoso; nakalenak bai, ala pa'a au ninik namosina, sama leo ala pa'a hataholi mangalauk esa. Tehu ala ta hapu pa'a laa, Manetualain dede'a-kokolan ninik namosina fa.