FILIPI 1:11 - Susula Malalaok Hehelu Palak Ma Hehelu Beuk

¹¹ Neukose emi so'da ma henuk no tatao-nono'ik fo te'e-te'e malole, fo hapun neme ka'da Yesus Kristus mesa kana mai; soona neukose Manetualain nandela-nasaa ma nana koa-kiok.

FILIPI 1:11 Iomraidhean Croise

MAZMUR 1:3

Hataholi ndia, ana hapu buna-boak nai basa ue-le'din lala'en-na dalek; hataholi ndia, sama leo ai-a ana moli nai lee su'un-na, fo naboa la'e fain-na, ma doon-na, ta male nita fa.

YESAYA 5:2

Ana foi daen-na de ana tu'u heni batun-nala. Ana sele angol nanahehelek neun ana tao lalaa naneak Ana kali-na, bolok esa soaneu mamana hehe'e angon-na, boema nahani boan-na namalatu, tehu angol-la, boan-na makeis.

YESAYA 60:21

O laum-ma lala'en-na nde been-na, hataholi ndoos neukose lanuu nusak-ka, losa dodoon-na. Sila sama leo, ai ndana fe'ek-ka, nananakadiditak neu ai fe'ek, fo Au nde selen-nana, soaneu nafa'da Au matua-mademang.

YESAYA 61:11

Sama leo bini-ngges fo, nanasele-nggalik-ka, neukose ana moli, fo ana da'di bubu'u-palusa, leondiak boe Manetualain nakamomolik so'da-molek-ka, de basa leoinak-kala, neukose koa-kion.”

YESAYA 61:3

soaneu fe hika-natadalek ma namahokok neu hataholi manadale he'dik, ma manasusak-ka; soaneu tao asafali sila dale he'din-na, da'di nakamee kokoa-kikiok. Neukose sila sama leo ai fo Manetualain sele matan. Neukose ala tao hata fo malole ma ndoos, nalosa Manetualain nananamatutua-namadedemak.

MATEOS 5:16

Leondiak boe emi muse da'di mangale'dok nai hataholi a matan, fo ela lita emi tatao-nono'i malole ma, fo no enok ndia, hataholi a hapu koa-kio emi Amam manai nusa so'da ka.”

YOHANIS 15:16

Emi ta nde hele Au fa. Te Au nde hele emi, boema Au adenu emi meu, fo maboa ba'u ka, boak fo ta hapu mopo-mate fan. Boema neukose Ama ka fe emi, su'di hata fo emi moken minik Au na'de nga.

YOHANIS 15:2

Ndanak manai Au dale ka, metema ta naboa fa soona, Ana tati henin, boema ndana maboa ka, Ana seselu nanggo'de doo na, fo Ana tao balisin, fo ela boetai naboa ka.

YOHANIS 15:8

Metema emi maboa ba'u ka, soona Au Ama nga nananamatutua-namadedemak, fo no enok leondia ka, te'e-te'e emi da'di Au ana manatunga ngala.

ROMA 15:28

Metema au bela-ba'ung ia basan, ma au fe hataholi manai Yerusalem sila la tutulu-fafalik fo lakabubua basak ndia soona, au u leo Spanyol u fo au tuli emi kota ma.

ROMA 6:22

Tehu besak ia, Lamatua ka soi-tefa nala emi neme sala-singo ka mai so, de emi da'di Manetualain atan so. Emi hapu nanala'ka nde, emi maso'da soaneu ka'da Manetualain fo tatao-nono'ik ndia buna-boan nde so'da matetu ka ma manaketu basa ta ka.

1 KORINTUS 10:31

Emi tao su'di beek ndia boe, emi mi'a do emi minu ma tao basa sila la soaneu koa-kio Manetualain.

2 KORINTUS 9:10

Manetualain nde sadia bini ngges soaneu manasele-nggali, ma nana'a-nininuk soaneu ita. Ndia boeo, neukose Ana sadia ma tao namaba'u hata fo emi sele nggali ka, fo ela emi dale malole ma buna-boan tama seluk.

EFESUS 1:12

Neme na fo, ita nde makasososa tamahena neu Kristu sa, koa-kio Manetualain, hu ka nde matua-madema na!

EFESUS 1:14

Dula dalek ndia nde da'di, bua nape'dak esa nae, neukose ita sipo hata fo Manetualain helu basan neu hataholi kamahehele nala so. Dede'ak ndia nini namahehelek fe ita nae, neukose Manetualain soi-tefa na, hataholi kamahehele nala. Koa-kio Manetualain, nanahu matua-madema na!

EFESUS 2:10

Manetualain nde nakadada'dik ita, ma tunga Kristus Yesus de, Ana tao nasafali ita, fo daenga ita tao-no'i dede'a malole fo Ana sadia basan soaneu ita so.

EFESUS 5:9

Nanahu neme mangale'dok ndia mai de, basa tatao-nono'i malole mata-mata kala, tao tunga ka'da ndo na, ma ndo sa, ala tii mai, fo nandaa no Manetualain mata memete na.

FILIPI 4:17

Ndia ta nanuu sosoak nae, au hii ka'da sipo emi fe fee ma fa. Fo au ahii ka nde, fo ela au ita buna-boak fo ana boetai tama fe emi nanalak.

KOLOSE 1:10

No enok leondia ka, de besa ka emi hapu maso'da tunga Manetualain hihii-nanaun, boema tao ma dale na namahoko tataas esa, nalosa nai basa dede'ak lala'e na dalek, emi hapu mabuna-maboa tatao-nono'i malole. Boema emi boe tai malelak Manetualain.

KOLOSE 1:6

Halak maneme Manetualain ndia, nakapepela leo basa daebafa ka lala'e na, boema halak ndia, nini baba'e-papalak nakandoo fe hataholi a so'da na, sama leo emi hapu baba'e-papalak mulai neme lelek fo emi mamanene ala tui-benga Manetualain susue-lalain neu emi a.

2 TESALONIKA 1:12

No enok ndia fo, emi mamatutua-mamadedema ita Lamatuan Yesus, ma Yesus boeo, namatutua-namadedema emi, nana ita Manetualain ma Lamatuak Yesus Kristus dale malole na.

TITUS 3:14

Ita hataholi nala muse lanoli fo, ala tao-no'i tatao-nono'i malole, fo daenga ala tao latetu sila paluu nala; fo boso nalosak sila laso'da no sosoa-ndandaa tak.

IBRANI 12:11

Memak nai lelek fo ita nanananoli ka, huhukuk ndia ta nandaa no ita dale na fa, tehu nini ka'da dale he'dik mesa kana. Tehu basa ndia soona, ba'eneu ita fo nanananoli basa ka, huhukuk ndia tao na ita taso'da tunga Manetualain hihii-nanaun, ma nini buna-boa so'da-molek neu ita.

1 PETRUS 2:12

Matu'du emi ha'da-palii malole ma, neu hataholi fo beita lalelak Lamatua ka, fo ela metema lakamumulu-lakamamaek emi, sama leo hataholi mangalauk, tehu no emi ha'da-palii malolem ndia de, neukose ala koa-kio Manetualain nai faik fo Ana fali ma'i na.

1 PETRUS 2:5

Emi sama leo batu maso'dak. Hu ndia de, ela leo bee na emi nau nanapakek soaneu mafofo'a Manetualain Uma samane na. No enok ndia, emi da'di imam, fo emi maso'da hehelik soaneu Manetualain, ma tunga Yesus Kristus, de emi fe tutunu-hohotu samanek neu Manetualain, fo nandaa no Manetualain dale na.

1 PETRUS 2:9

Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.

1 PETRUS 4:14

Emi maua-manale, metema emi nananakamumulu-nakamamaek, nanahu Kristu sana mana tungan emi. Dede'ak ndia sosoa na nae, Dula Dale mamalaok fo nde Manetualain Dula dale na, nai emi dalem dale.