FILEMON 1:7 - Susula Malalaok Hehelu Palak Ma Hehelu Beuk

⁷ Tolanoo Filmon ei, o susue-lalaim neu Manetualain hataholi kamahehele nala, ana tao na au amahoko ma natetea-nahehele au! Basa Manetualain hataholi kamahehele nala lamahoko so, nanahu tolanoo ka.

FILEMON 1:7 Iomraidhean Croise

1 KORINTUS 16:18

Ala tao la au dale nga namahoko, sama leo ala tao lamahoko emi dale ma. Hataholi leo sila kala muse so'ulai kasa.

2 KORINTUS 7:13

Hu ndia de ami dale ma loa-loak mesan. Fe'ek neme ami dale ma loa-loak mesan, lena-lenak ami mamahoko hu ka nde ami mita Titus namahoko, nanahu emi kokoe-nanasim.

2 KORINTUS 7:4

Au amahele emi te'e-te'e. Nakalenak bai, au amatutua-amadedema emi nanseli! Leomae ami la'ola'di toto'a-sosotak ba'u ka, tehu au hapu kokoe-nanasik ba'u ka, hu ka nde emi. Tete'e ka au dale nga namahoko!

1 TESALONIKA 2:13

Hapu seluk dede'ak fe'ek esa, nde tao na ami moke makasi tataas esa neu Manetualai na. Dede'ak ndia nde ia nae, nai lelek fo ami manduku-malosak halak ndia, ta da'dileo halak neme hataholi daebafa ka mai fa te, da'dileo halak fo te'e-te'e ana mai neme Manetualain mai. Ndia nde mana tao-no'i nai emi fo mana mamahele Kristu sa, ao inan dale.

1 TESALONIKA 2:19

Tete'e ka, emi nde ami namahehena ma, ma ami namahoko ma. Nana mahani te, metema Lamatuak Yesus Ana mai fo, ita teu tataan soona, neukose emi nde da'di, ami namatutua-namadedema ma!

1 TESALONIKA 3:9

Ami moke makasi ba'u ka nanseli neu Manetualain, neu basa namahokok fo ami mame'dan, hu ka nde emi.

2 TIMOTIUS 1:16

Tehu Onesiforus uma isi nala, ala tao la au amahoko la'i de'ubee so. Ela leo bee na, Lamatua ka natu'du susue-lalain neus. Nana leomae au nai bui dale, tehu Onesiforus, ana ta mae au da'di hataholi bui fa.

FILEMON 1:20

Hu ndia de, no Lamatua ka na'de na, tulu-fali su'dik au, fo tao mamahoko au dale nga, sama leo tolanook nai Kristus dalek.

2 YOHANIS 1:4

Au amahoko anseli, nai lelek fo au amanene lae, Ina anan nggelok laso'da tunga Manetualain nanoli nala, sama leo Amak Manetualain paletan neu ita.