ESTER 4:11 - Susula Malalaok Hehelu Palak Ma Hehelu Beuk

¹¹ “Hataholi-la esa-esak, nau touk do inak boe, metema ala ta hapu hala nalolook fo leu lataa manek-ka nai uma manek-ka so'dan manai dalek-ka fa soona, muse hukunisan. Ndia nde been-na susulan-nakeketuk, fo basa hataholi-lala'en-na, mulai neme manek-ka hataholi manamanolin-mafa'dan-nala, losa laun manai propensi-la, muse bubuluk nakeketuk ndia. Hapu ka'da enok esa mesak-kana, fo nde metema manek-ka natu'du aitete'e lilopilan-na neu see soona, hataholi ndia nde naso'da. Tehu basa bulak esa ia so, te manek-ka ta naloo au fa.”

ESTER 4:11 Iomraidhean Croise

ESTER 1:19

Hu ndia de, ami dokodoe neu Ama Manek, fo ela Ama Manek ho'i nakeketuk mae Ina Manek-ka, ta bole mai nataa Ama Manek so'on. Nakeketuk ndia, muse taon da'di Persia ma Media susulan-nakeketun, fo ela ta bisa hela falik-kana so'on. Basa ndia soona, fe Ina manek Wasti-a nangatutuun-na neu ina fe'ek, fo malole lena neme ndia mai.

ESTER 2:14

Le'odae soona, loon leo uma manek-ka neu, fo balahaa soona, loon leo uma mane fe'ek neu, fo Saasgas balias-sana. Saasgas ia, manapaleta hehelik esa, fo ana ito-ato manek-ka sao fe'en-nala. Anafe'oanak esa, ta neu nataa manek-ka so'on, ta'da fe'e metema manek-ka nahiik-kana, fo naloon nenik nafa'da na'den-na.

ESTER 4:10

Tehu Ester nadenun, fo ana fali leo Mordekhai neu, fo neni fen hala heheluk-ka nde ia,

ESTER 4:12

Boema, Hatah nafa'da Ester hala hehelun ndia neu Mordekhai.

ESTER 6:4

Boema manek-ka nae, “Au hataholi mana'a ngga'ding see kande, besak ia nai uma manek-ka?” Ndia te, la'e Haman besak-ka masok-nala uma manek-ka so'dan-na; ana sanga noke manek-ka fen loak, fo ana lona Mordekhai, neu dii lolonak fo nananapadedeik basak ndia so.

ESTER 8:4

Manek-ka natu'du aitete'e lilopilan-na leo Ester neu, boema Ester fo'a de nae,

DANIAL 2:9

soaneu huku emi basa-basam-mala nenik huhukuk matak esa, metema emi ta mafa'da-mala me'is ndia sosoa-ndandaan neu au fa. Emi malahalak fo masapepeko-masandandali au nakandoo, ma emi makamiminak au nenik emi mamahehena, neukose au asafali au nakeketung-nga. Na, mafa'da me'is ndia sosoa-ndandaan, fo au bubuluk ae emi boeo bisa mafa'da mangalele'do me'is ndia sosoa-ndandaan.”

1 PETRUS 3:7

Ma ba'eneu emi, fo saotou kala lemin! Ela leo bee na, maso'da no dudu'a-aafi neuk mo emi saoina mala, ma emi muse bubuluk, sila be'i-balakain ta ba'u emi be'i-balakaim fa. Taos no ha'da-holomata, nanahu emi mo sila hapu maso'da matetu ka neme Manetualain mai. Tao tungan leondiak, fo ela boso hapu hata napanggengge emi huhule-haladoim.