ESTER 3:1 - Susula Malalaok Hehelu Palak Ma Hehelu Beuk

¹ Basa faik de'ubee boema, Mane Ahasyweros-sa so'u touk esa na'de Haman, fo da'di malangan neu basa malangan-nala. Haman nde been-na, Hamedata anan, fo neme Agag bobongin-na mai.

ESTER 3:1 Iomraidhean Croise

KEJADIAN 41:40

Neukose au so'u o da'di filana, ma basa au laung lala'en-na neukose ala tunga o paleta ma. Ka'da au mesang-nga nde anuu koasa lena neme o mai.”

KEJADIAN 41:55

Lelek laun Masir-ra mulai doidoso no la'andoes-sa, ala loke manek-ka nana'ak. Boema manek-ka nadenus leu leo Yusuf leu, ma ala tunga basa hata lala'en fo Yusuf paleta neus.

EZRA 7:14

Nana, au ma au manamanoli-mafa'da hitung-ngala, madenu Tolanook-ka neu leo Yerusalem ma Yehuda neu, fo palisak matalolole, tao leo beek, ma mete, ade Manetualain Hoholo-lalanen, fo ala fen neu Tolanook-ka, tete'ek-ka ala tao tungan do ta.

ESTER 1:14

Manek-ka nasi'a naloo basa hataholi fo nanoli-nafa'da nalelak-kala, nde: Karsena, Setar, Admata, Tarsis, Meres, Marsena, ma Memukan. Hataholi sila-la nde been-na, nde manapaleta Persia ma Media, fo hataholi sila-la, lanuu nangatutuu madema nai nusak-ka.

ESTER 3:10

Manek-ka namanene dede'ak ndia boema, ana kosun-na ndeli ana pakek-ka, fo biasa ana ndo ei nenik hala po'a-benga matetuk-ka neme manek-ka mai, de ana fen leo Haman, fo hataholi Yahudi-la musu matuainan-na neu.

ESTER 5:11

Boema, Haman tui fes tutui me'i-afek, ma ana koao nenik su'i-beten, ana toun makadotok, ana hapu nangatutuu madema neme manek-ka mai, ma ndia nangatutuun-na, dema lena hataholi mana'a ngga'di fe'ek-kala.

ESTER 7:6

Boema Ina Manek Ester-ra nataa nae, “Haman, fo dale mangalauk ndia nde ana musu, ma ana fepa-li'u ami-a!” Haman nanganalo manek-ka, ma ina manek-ka no bibii-namata'uk nanseli.

ESTER 8:3

Basa ndia boema, Ester neu seluk leo manek-ka neu. Ana senek, boema ana kii ma ana dokodoe, fo ela manek-ka boso pake dale tutu'u mangalauk fo Haman tutu'un, soaneu hataholi Yahudi-la.

MAZMUR 12:8

Hataholi mangalauk-ka tapangenggela nai basa mamanak lala'en-na, hataholi-a esa-esak, so'u laik mangalauk-ka. Tehu O masulu-mahapa ami, ou Manetualain, manea ami neme hataholi mangalauk sila-la mai.

AMSAL 29:2

Metema, hataholi ndoos ma matetuk-ka, ana paleta soona, laun-na namahoko-setelee. Tehu metema, hataholi mangalauk-ka, ana koasa soona, laun-na doi-doso.

PENGKHOTBAH 10:6

Hataholi nggoak-ka hapu nangatutuu mandela-masa'ak, te hataholi nananita-nalelak-ka, ta hapu hata esa boen.

DANIAL 6:2

Darius ba'e nusan-na neu propensi 120, de propensi esa soona, gobelnol esa paleta.

BILANGAN 24:7

Ala hapu u'da oe-a, sasi kao-kao, bubu'u-palusa bini-nggen, hapu oe makadotok. Manen-na, neukose tetu-temak, lena heni Agag, ma nusan-na, neukose nananamatutua-namadedemak.

SEMUEL SUSULAK-KA ESAN-NA 15:33

Boema Semuel nafa'da nae, “Sama leo o tafainam-ma tao namopo inak makadotok anan-nala so, leondiak boe, neukose mopo o inam, anan-na boe.” Boema Semuel tete'te Agag nai mei tunu-hotuk manai Gilgal-la matan.

SEMUEL SUSULAK-KA ESAN-NA 15:8

Saul taonisa la'iesak Amalek laun-nala ma solda'dun-nala. Tehu Saul no solda'dun-nala ho'u-la Agag, fo hataholi Amalek-kala manen-na, tehu ala ta taolisa fan, leondiak boe, bi'ilopon-nala ma sapi ao neulaun-nala, sapianan-nala ma bi'ilopoana maaon-nala, ma hata-heto mabelin lala'en-na; ala taolisa ka'da bana-manu nggo'dadui ma beli taak-kala.