ESTER 10:3 - Susula Malalaok Hehelu Palak Ma Hehelu Beuk

³ Mordekhai, fo hataholi Yahudi ndia, nangatuu nahele nangatutuu mademan-na, nai Mane Ahasyweros-sa dae. Mordekhai leoinan-na fe ha'da holomata neun ma lahiik-kana. Ana puselaipana no sanga enok soaneu leoinan-na, boema basa tititi-nonosin lala'en-na, so'da-molen ma tetu-teman.

ESTER 10:3 Iomraidhean Croise

KEJADIAN 41:40

Neukose au so'u o da'di filana, ma basa au laung lala'en-na neukose ala tunga o paleta ma. Ka'da au mesang-nga nde anuu koasa lena neme o mai.”

KEJADIAN 45:10

Ama bole leo nai nusa Gosyen-na, fo deka no au – ama no upu-anan-nala, bi'ilopo, bi'ihiik, sapi ma basa ama hata-heton lala'en-na.

KEJADIAN 45:11

Metema ama leo nai Gosyen soona, au hapu akaboboi ama. Tepo-lelek la'andoes-sa bei la'ok nakandoo teuk lima seluk, de neukose au sanga enok fo ela ama, ama umaisin-nala, ma bana-manun boso to'a-taa hata esa boen.’ ”

2TAWARIKH 28:7

Ahas anamanen fo mana'de Maaseya, Zikhri fo Israel malanga solda'du matuainan esa taonisan. Zikhri boeo taonisa Azrikam fo uma manek-ka manaito-aton, ma Elkana fo manek-ka limaboa konan-na.

NEHEMIA 2:10

Tehu lelek Sanbalat, fo hataholi Bet-Heron ndia, ma Tobia, fo manapaleta esa neme Amon mai, namanene lae au mai soaneu leoina Israel-la paluun-na boema lasasale dale lanseli.

ESTER 2:5

Nai kota Susan ndia, hapu hataholi Yahudi esa, na'de Mordekhai, fo Yair anan-na, Simei upun-na ma Kis nelun-na. Kis ndia, da'di neme leo Benyamin-na mai.

ESTER 3:2

Manek-ka fe paleta neu basa hataholi mana'a ngga'din-nala, fo ela ala fe ha'da-holomata neu Haman, nenik ala sene-do'ok neu matan-na. Basa-basas tunga paleta ndia, tehu Mordekhai ta tunga fa.

DANIAL 5:16

Besak-ka au amanene lae, o bisa mafa'da-malak basa bibila-babaak lala'en-na, ma o maketu-mala'di-malak dede'a mateaina-la. Metema o hapu lees-malak susula liik ia, ma mafa'da au sosoa-ndandaan soona, neukose au fe o bua papake manek fo nalupa ba'du manalu ma lilopilas da'di neu ha'da-holomata. Fe'ek neme ndia mai, neukose au so'u o da'di manakoasa ka telu nai au nusang dale.”

DANIAL 5:29

No lai-laik, Belsyazar paleta hataholi mana'a ngga'din-nala, fo ala pake Danial ba'du manalu pila balanggeok ma bokolii lilopilas neu botoliin-na. Boema ana so'u Danial da'di manapaleta ka telu nai ndia nusan dale.

DANIAL 6:3

Ana so'u Danial no nonoo ka dua-nala da'di manamanea neu gobelnol sila-la, fo sue kande ala boso tao lakatutu'dak manek-ka.

ROMA 10:1

Tolano-tolanoo ngala lemin! Au ahiik alanseli, fo au hataholi ngala hapu nanasoi tefak. De au hule-haladoi te'e-te'e neu Manetualain soaneus.

ROMA 14:18

Hataholi fo nalalau-naoono Kristus no enok leondia ka, hataholi ndia nandaa no Manetualain dale na, ma hataholi fe'e kala fe ha'da-holomata neun.

SEMUEL SUSULAK-KA ESAN-NA 18:16

Tehu Israel lala'en-na no Yehuda sue Dauk, nanahu Dauk nde been-na, mauli-malangan fo tatao-nono'i malolen makadotok.

SEMUEL SUSULAK-KA ESAN-NA 23:17

Yonatan nafa'dan nae, “Boso bii, te neukose o ta tu'da leo au amang liman dale neu fa. Ama bubuluk te'e-te'e nae, neukose o nde da'di mane Israel-la, ma nae neukose, au hapu kandela nangatutuuk nai o dae.”