ESTER 1:12 - Susula Malalaok Hehelu Palak Ma Hehelu Beuk

¹² Tehu, lelek malalau-maoono sila-la, landuku-lalosak manek-ka paletan-na neu ina mane Wasti-a boema, ina manek-ka ta nau mai fa, nalosa manek-ka namanasa nanseli.

ESTER 1:12 Iomraidhean Croise

KEJADIAN 3:16

Boema, Manetualain nafa'da inak ndia nae, “Neukose, Au popo-tama seluk o he'dim-ma, nai lelek o bei mailu, ma nai lelek o bongi. Tehu leomae leondiak boe, o nasa sasaom soaneu o saotoum-ma, bei nahele, tehu, neukose o makatele neun.”

ESTER 1:11

Nadenus, fo leu loo ina mane Wasti-a, fo ana mai nataan, no ana pake bulamoli nusak-ka nai langan lain. Ina manek ndia, mana'ahiik nanseli, de manek-ka sanga natu'du lole-napun neu basa hataholi matua-mademan, ma basa laun-nala.

ESTER 1:13

Manek-ka biasa noke hataholi malelaina-la hahapun-na, la'eneu dede'a hoholo-lalanek, ma ha'dak-ka. Hu ndia de, naloo-na, hataholi fo nanoli-nafa'da nalelak, hata fo muse ana taon, la'eneu dede'a matak leondiak-ka.

ESTER 7:7

Manek-ka namanasa nanseli, boema ana fo'a la'oela mei-a, tuti'ka ana leo deak neu, de neu leo uma manek-ka osin dale neu. Haman bubuluk, nae manek-ka ho'i basa nakeketuk soaneu hukun so, hu ndia de, ana leo nahele no Ina Manek Ester-ra, soaneu ana dokodoe, fo ela Ester soi-tefan.

MAZMUR 74:1

Asaf nakamee nanoli nafa'da. Ou Manetualain, O la'oela ami losa dodoon-na do? Tao le'e de, O mamanasa makandoo O anam-mala?

MAZMUR 79:5

Ou Manetualain, O mamanasa, ma O nape'da dalem-ma pila lo'a-lo'a sama leo ha'i-a losa dodoon-na do?

KELUARAN 32:19

Lelek Musa deka no mamana ofu ndia boema, nita sapi lilopilas ndia, ma hataholi-la foti-longe, boema namanasa. Nai ndia boe, fo nai letek ndia huun-na, Musa pesi batu fo nenik ndia neu dae lain, nalosa lutu-lutu.

KELUARAN 32:22

Harun nataa nae, “Boso mamanasa au; o bubuluk, leoina ia mangalaun na seli.

AMSAL 19:12

Manek-ka nasa-melun sama leo; dinis fo nakadoe na'u-aiana.

AMSAL 20:2

Manek-ka nasa-melun, sama leo singa nangao; hataholi fo, nafofo'a nasa-melun-na, sosoan-na nae, ana tao soe aoinan-na mesak-kana.

DANIAL 2:12

Manek-ka namanene dede'ak ndia boema, namanasa nanseli de ana paleta fo taolisa la'iesak hataholi malelaina manai Babel-la.

DANIAL 3:13

Manek-ka namanene dede'ak ndia boema, namanasa nanseli, de ana paleta fo leu lala hataholi ka teluk sila-la, fo mai lataa ndia.

DANIAL 3:19

Boema, Mane Nebukadnezar-ra nasan-na lua ponu-ponu soaneu Sadrakh, Mesakh ma Abednego, nalosa mata-panan pila lo'a-lo'a. Ana paleta fo ala tao-la ha'i manafolokakaak ndia mahaan-na, nahaa la'i hitu lena neme mahaa biasan-na mai.

NAHUM 1:6

Metema Manetualain namanasa soona, see kande bisa nakatatakak? Ta hapu esa boen, bisa natapo'i neme nasa-melun mai fa. Ana kalua nasa-melun manapilak-ka soona, batu nakalulutuk fo ana da'di daesopuk nai matan-na.

EFESUS 5:22

Saoina ka nakatele neu saotou ka, sama leo nakatele neu Lamatua ka.

EFESUS 5:24

Sama leo hataholi kamahehele kala boeo lakatele neu Kristus, leondiak boe, nai basa dede'ak lala'ena dalek, saoina ka muse nakatele neu saotou ka.

ULANGAN 29:20

Neukose, Manetualain ta fe do'o do ampon, neu hataholi leondiak-ka fa. Nasafalin-na, neukose Manetualainnasa-melun fo, manalua ponu-ponun-na, la'e hataholi ndia, ma basa susa-soe fo, nanasulak nai susulak ia dalek-ka, neukose ana tuni-ndeni-nala, losa Manetualain tao namate-namopon.

1 PETRUS 3:1

Leondiak boe, ba'eneu emi fo saoina kala lemin! Ela leo bee na, emi muse tunga emi saotou ma paleta na, fo ela metema nai saotouk sila la, hapu nggelok, beita lamahele halak fo maneme Manetualai na mai fa soona, no emi ha'da tatao malolem ndia, fo lamahele leona. Ma ta paluu emi mafa'das hata-hata esa boen,