AYUB 1:8 - Susula Malalaok Hehelu Palak Ma Hehelu Beuk

⁸ Boema, Manetualain natanen nae, “Ade o taoafik neu Au atang Ayub do ta? Nai basa daebafak-ka lala'en-na, ta hapu hataholi lilineka leondiak, ma dalen-na malole sama leo ndia fa. Ana sene-do'ok neu Au, ma ana ta tao tatao-nono'i mangalauk makandondook fa.”

AYUB 1:8 Iomraidhean Croise

2RAJA-RAJA 23:25

Beita hapu manek sama leo Manek Yosia fa, fo no dale katematuan-na, ana fe so'dan-na neu Manetualain, de natu'dun nai heheo-hihilun, ma tatao-nono'in-na dalek, nandaa no basa hoholo-lalanek manai Musa Susulan-na dalek. Basa Mane Yosia tepo-lelen boema, ta hapu seluk manek, fo sama-na leondiak fa.

NEHEMIA 5:15

Gobelnol makahuluk-kala, ala da'di lelepa mabela soaneu laun-na, nana lakaseti laun-na fo faik esa soona, esan-na fe doi fulak haahulu soaneu sila nana'a-nininun ma angol. Nakalenak hataholi mana'a ngga'din-nala boeo tuni-ndeni laun-na. Tehu au ta nau tao leondiak fa, nanahu au bii-amata'u neu Manetualain.

AYUB 1:1

Touk esa na'de Ayub, ana leo nai dae Us-sa Ana sene-do'ok, ma ana lilineka neu Manetualain. Hataholi ia, hataholi dale malole, ma ana ta tao tatao-nono'i mangalauk faaanak boen.

AYUB 12:4

Au nonoong-ngala, ma au tia-laing-ngala, ala hika-hume au, te se'kona, au ia ndoos, ma ta mabuu-ba'ek fa. Makahulun-na, Manetualain nataa au huhule-haladoing, neu faik bee fo, au aloo bou-bou oke tulu-fali au.

AYUB 2:1

Mahahaek nusa so'dak-kala fali le'us leo Manetualain leu, de Nitu-a, tunga boe.

AYUB 2:3

Boema, Manetualain natane nae, “Ade, o taoafik neu Au atang Ayub do ta? Nai basa daebafak-ka lala'en-na, ta hapu hataholi lilinekan ma dale malolen-na, sama leo ndia fa. Ana sene-do'ok neu Au, ma ana ta tao tatao-nono'i mangalauk makandondook fa. Ana bei lilineka nahele Au, leomae o fufu'di-oo'dok Au, fo Au tao susa-soen, no ta nanuu enon-na fa.”

AYUB 34:14

Leouni'ka, Manetualain ho'i falik, hataholi daebafak-ka samanen-na, ma Ana ho'i falik ani hahaek-ka,

AYUB 8:20

Tehu, beita la'i esa fo, Manetualain la'oela hataholi manalilinekak-ka fa, ma beita la'i esa boen, fo Ana ta tulu-fali hataholi malelesik-ka fa.

MAZMUR 18:23

Au taoafik neu basa hoholo-lalanen-na, ma au akalala'ok paletan-nala.

MAZMUR 34:14

Boso kokolak dede'a-kokolak mangalauk, ma boso nau ke'di-ndiuk-ka.

MAZMUR 36:1

Soaneu mauli-malanga nakameek-ka. Neme Dauk, fo Manetualain atan-na.

MAZMUR 37:27

La'oela hata fo mangalauk-ka, ma tao hata fo malole-a, soona o tititi-nonosim leo napalasa dae ndia losa dodoon-na.

MAZMUR 84:11

Malole lenak faik esa, nai O Umam, lena heni faik lifun esa, nai mamana fe'ek. Au helen da'di manamanea lelesu nai au Manetualaing-nga Uman, lena heni leo nai hataholi mangalauk-ka uman.

MAZMUR 89:20

Makahulun eli, fo nai ninitak esa dalek, O mafa'da neu O atam fo, manalilinekak mae, “Au tulu-fali basa palani tatibatu esa so, Au hele hataholi esa neme laun-na mai, de Au tao amadedeman so.

AMSAL 8:13

Fe ha'da-holomata neu Manetualain soona sosoan-na nae, makamuu-makadau manatao mangalauk-ka; Au ta hii manakoao-ndaeaok-ka ma manamamatutua-mamadedema aok-ka fa. Au akamuu-akadau heheo-hihiluk mangalauk-ka, ma hala-kokolak manatipu-daik-ka.

YESAYA 1:16

Safe emi aoinam-ma, losa balisi. Hahae basa tatao-nono'i mangalauk fo emi tao-no'ik sila-la. Hei, boso boe tao tatao-nono'i mangalauk seluk bai,

YESAYA 42:1

Manetualain nafa'da nae, “Au atang fo, Au tia-to'ban-na, nde ia, Au hataholi heheleng fo nandaa no Au daleng-nga. Au fe basa Au koasang-nga neun so, soaneu neni ndoos ma matetuk-ka, ba'eneu leoinak-kala esa-esak.

YESKIAL 40:4

Touk ndia, nafa'da au nae, “Hai hataholi daebafak fo, manasapu-manalalok-konei, mamanene matalolole, ma taoafik neu basa hata lala'en fo, au atu'dun neu o, nana hu kande dede'ak ndia de, Manetualain koasan-na, noo o leo ia mai. Mafa'da leoina Israel-la, basa hata fo, neukose o mitan.”

BILANGAN 12:3

Musa nde been-na, hataholi esa, dale nakaloe nakadae aok nanseli, lena heni basa hataholi manai daebafak ia lala'en-na.

YOHANIS 1:47

Yesus nita Natanael mai boema, nafa'dan nae, “Mete mitak hataholi Israel matetu ka nde ndia. Ta nanasese'do-babalik fa.”

YOSUA 1:2

Manetualain nafa'da nae, “Mate Au atang Musa so. De besak ia, malole lenak, o ma hataholi Israel-la lala'en-na maheheleaom, fo lena leo Lee Yarden-na selik meu, fo masok leo nusak fo Au fen neu sila.

YOSUA 1:7

Ka'da ela leo been-na, te'e-te'e o mamahele ma mapalani. O muse manea, fo ela o tunga la'iesak hoholo-lalanek, fo Musa Au atang ndia, ana fen neu o, o boso mafandele heni faa anak boen, soona neukose o hapu buna-boan.