AYUB 1:1 - Susula Malalaok Hehelu Palak Ma Hehelu Beuk

¹ Touk esa na'de Ayub, ana leo nai dae Us-sa Ana sene-do'ok, ma ana lilineka neu Manetualain. Hataholi ia, hataholi dale malole, ma ana ta tao tatao-nono'i mangalauk faaanak boen.

AYUB 1:1 Iomraidhean Croise

KEJADIAN 10:23

Aram tititi-nonosin nde, laun manaleo nai Us, Hul, Geter ma Mas.

KEJADIAN 17:1

Lelek Abram teun siohulu sio boema, Manetualain natu'du aoinan-na neun, de nae, “Au nde Manetualain, Fo Manakoasa. Tunga Au, ma tao-no'i Au hihii-nanaung tataas esa.

KEJADIAN 22:12

Manetualain kokolak tunga ata nusa so'dak ndia nae, “Boso tao mahe'di ni'iana ndia, do taon le'e esa boen. Besak ia, Au bubuluk, o fe ha'da-holomata, ma o tunga Au, nanahu, o nau fe o ana kisam-ma neu Au.”

KEJADIAN 36:28

Leo Us ma Aran, bei-ba'i kain nde Disyan.

KEJADIAN 42:18

Neu faik ka telun-na boema, Yusuf nafa'das nae, “Au hataholi fo bii ma tunga neu Manetualain. Neukose au po'i emi no nonokek esa.

KEJADIAN 6:9

Noh tutuin-na nde ia. Ana toun telu, fo nde Sem, Ham ma Yafet. Noh ta tao salak fa, ma ndia ka'da hataholi esa mesa-mesak-kana, malole nai tepo-lelen-na. Naso'da teik esa-dalek esa no Manetualain.

2RAJA-RAJA 20:3

“Manetualain, mafandendelek te, au ia aso'da nai O matam, no lilinekak ma dale ndoos. Au sanga enok tataas esa, fo tunga O hihii-nanaun.” Boema, Hizkia kii no dale he'dik.

1 TAWARIKH 1:17

Sem anatoun-nala nde: Elam, Asyur, Arpakhsad, Lud, Aram, Us, Hul, Geter ma Mesekh. Hataholi sila nde been-na, leoina-la bei-ba'i kain fo lokes tunga sila na'den-na.

AYUB 1:8

Boema, Manetualain natanen nae, “Ade o taoafik neu Au atang Ayub do ta? Nai basa daebafak-ka lala'en-na, ta hapu hataholi lilineka leondiak, ma dalen-na malole sama leo ndia fa. Ana sene-do'ok neu Au, ma ana ta tao tatao-nono'i mangalauk makandondook fa.”

AYUB 2:3

Boema, Manetualain natane nae, “Ade, o taoafik neu Au atang Ayub do ta? Nai basa daebafak-ka lala'en-na, ta hapu hataholi lilinekan ma dale malolen-na, sama leo ndia fa. Ana sene-do'ok neu Au, ma ana ta tao tatao-nono'i mangalauk makandondook fa. Ana bei lilineka nahele Au, leomae o fufu'di-oo'dok Au, fo Au tao susa-soen, no ta nanuu enon-na fa.”

AYUB 28:28

Manetualain nafa'da hataholi daebafak-ka nae, “Soaneu hapu manatee-enok-ka, emi muse fe ha'da-holomata neu Manetualain. Soaneu hapu dudu'a manadaik-ka, emi muse dook-ka meme tatao-nono'i mangalauk-ka mai.”

AYUB 4:6

Ade, o lilineka neu Manetualain hetu; ade, o so'dam-ma, ta mabu'u-ba'ek fa hetu? Metema leondiak soona, nandaa o mamahele, fo ta ketu o namahehenam-ma fa.

AYUB 9:21

Au salang ta, tehu au ta afaduli fa. Au ta hii aso'da so'on. Ba'eneu au soona, au ta paluu hata-hata so'on; manatao salak ma manatao ndoos, ua-nalen-nala sama, fo nde: neukose Manetualain tao namopo-namate duas no'u-no'u.

KELUARAN 18:21

Tehu fe'ek neme ndia mai, o muse hele-ma touk manatee-tenok de'ubee, fo fes da'di malangan neu hataholi lifun esa, natun esa, limahulu, ma sanahulu. Hataholi sila-la, muse hataholi fo ala bii Manetualain, ma ala tunga Manetualain, hapu nananamahelek, ma ala ta nau sipo doi sosolo dalek fa.

AMSAL 14:16

Hataholi dale malole-a, nanea tataas esa, ma nadook aoinan-na neme tatao-nono'i mangalauk-ka mai, tehu hataholi nggoak-ka kalua nasa-melun, fo besak-ka dalen-na tesa-tama.

AMSAL 14:2

Hataholi manatao tunga ndoon-na, bii-namata'u ma fe ha'da-holomata neu Amak Manetualain; tehu hataholi fo, so'dan-na ta ndoos fa, nakamumulu-nakamamaek-kana.

AMSAL 16:17

Hataholi malole-a, dook-ka neme mangalauk-ka mai; ma hataholi fo ana taoafik neu maso'dan-na eno-dalan-na, nasulu-nahapa aoinan-na.

AMSAL 16:6

Hataholi manalilinekak neu Manetualain-na, neukose ana hapu do'o do ampon; ma hataholi kamahehelek-ka, neukose nadook aoinan-na neme tatao-nono'i mangalauk lala'en-na mai.

AMSAL 20:7

Ni'iana-la laua-lanale, metema lanuu amak, fo malole ma naso'da tunga ndoon-na.

AMSAL 3:7

Boso mafa'da mae o malelam-ma lena neme ai uku-a mai; tunga Manetualain ma madook o aoinam-ma neme tatao-nono'i mangalauk-ka mai.

AMSAL 8:13

Fe ha'da-holomata neu Manetualain soona sosoan-na nae, makamuu-makadau manatao mangalauk-ka; Au ta hii manakoao-ndaeaok-ka ma manamamatutua-mamadedema aok-ka fa. Au akamuu-akadau heheo-hihiluk mangalauk-ka, ma hala-kokolak manatipu-daik-ka.

RATAPAN 4:21

Hai leoina Edom-ma Us, bole hika leon, mamahoko-setelee leon, bei dai emi bei bisa! Neukose soe-a ana mai neu emi boe ma hu kande mamafuk-ka, de neukose o o'du makaholak seluk o aoinam-ma.

YESKIAL 14:14

Leomae Noh, Danel ma Ayub, ala leo leme mamanak ndia, tehu sila telu tatao-nono'i malolen-na, hapu soi-tefa-na ka'da sila telu samanen-na mesak-kana. Au, Manetualain Fo Mademaina, nde manakokolak-ka.

YESKIAL 14:20

Ma leomae Noh, Danial ma Ayub, ala leo leme ndia, tehu no Au, Manetualain fo maso'dak-ka, na'den-na, neukose ala ta hapu soi-tefa-la, su'di see boen, nakalenak sila anan-nala boeo, ta. Ka'da sila mesak-kasa, nde laso'da, nanahu sila tatao-nono'i malolen-na.”

LUKAS 1:6

Saotouk saoinak ia la so'da nala nandaa no Manetualain dale na. Duas tunga basa paleta ma Manetualain hoholo-lalanen no dale katematuak.

ULANGAN 18:13

Da'di, ela leo been-na, emi mamahele neu emi Manetualaim-ma, no emi dalek-katematuam-ma.”

YAKOBIS 5:11

Loke hataholi sila la lae, hataholi maua-manalek, nana lakatatakak. Emi bubuluk basa, Ayub ta haelai namanasa fa, ma emi bubuluk, tao leo beek de neu mate'e na, boema Amak Manetualain fen baba'e-papalak. Nana Amak Manetualain ndia mana sue-laik nanseli, ma dale malole.

1 PETRUS 3:11

Ana muse nadook ao na neme tatao-nono'i mangalau ka mai, ma tao-no'i ka'da tatao-nono'i malole; ela leo bee na, ana sanga enok te'e-te'e, fo ana hapu mole-dame a.