SEMUEL SUSULAK-KA ESAN-NA 2:7 - Susula Malalaok Hehelu Palak Ma Hehelu Beuk

⁷ Hapu hataholi fo Ana taon-nan da'di nuu taa-hata taak nanseli, hapu nggelok, Ana taon-nan namasu'i boe. Hapu nggelok, nakadadaek-kana, hapu nggelok, Ana tao namadedeman boe.

SEMUEL SUSULAK-KA ESAN-NA 2:7 Iomraidhean Croise

2RAJA-RAJA 9:6

Basa boema, duas leu leo uma dale leu, de nabi muli-soluk ndia, ana po'a mina setun-na neu Yehu langan lain, boema nafa'da nae, “Amak, fo Israel Manetualain-na, nafa'da nae, ‘Au so'u o da'di manek, neu Au anang Israel.

1 TAWARIKH 29:12

Basa su'i-betes ma tetu-temak lala'en-na da'di neme O mai; O kasa basa hata lala'en-na nenik O be'ibalakaim ma O paletam-ma; O manuu koasa tao su'di see da'di hataholi matua ma balakaik.

2TAWARIKH 32:27

Manek Hizkia da'di hataholi kamasu'ik nanseli, de basa hataholi-la fe ha'da-holomata neun. Ana tao kama-kama fo ana pe'da hata-heton, fo nde: lilopilas, lilofulak, batu poemata, bumbu-bumbu, sisili musu, ma bua-lo'a kabelik fe'ek-nala.

2TAWARIKH 32:29

Fe'ek neme ndia mai, napadedeik kota makadotok boe. Su'i-betes fo Manetualain fen-nana, ana sasi kao-kao.

AYUB 1:21

ma nafa'da nae, “Au inang bongi au-a, au ta eni hata esa boen, de neukose au mate boeo, au ta eni hata esa boen. Manetualain nde fe-a, de Manetualain boeo nde ho'i falik-kana. Koa-kio na'den-na!”

AYUB 40:12

Hei, mete hataholi manakoao-ndaeaok-ka, fo ne'e maloe langan-na! Tutu makasosopuk, hataholi mangalauk-ka, neme mamanan-na.

AYUB 5:11

Ndia nde Manetualain, fo manaso'u namadema hataholi taidaek-ka, ma manataon-nala hataholi manato'a-taak-ka naua-nanale.

MAZMUR 102:10

Au u'a afu, da'di leo loti, au nininung-nga, nanasese'dok no luuoe,

MAZMUR 75:7

Nana naketu-nala'dik-ka, ta mai neme dulu do muli mai fa, boeo ta neme kii do kona mai fa.

MAZMUR 75:8

Tehu Manetualain mesak-kana nde naketu-nala'di-a Ana nakadadaek esa ma Ana so'ulaik fe'ek-kala.

AMSAL 22:2

Hataholi kamasu'i-makabetek-ka, no hataholi nuu-taa hata-taak-ka, lanuu dede'ak esa, sama: fo nde, Manetualain nakadada'dik duas.

YESAYA 2:12

Nai faik ndia, Manetualain Fo Manakoasa, neukose nakadadaek basa hataholi fo namatutua-namadedema aoinan-na, ma Ana huku basa hataholi manakoao-ndaeaok-ka, ma mananamatutua-namadedema aok-ka.

YEREMIA 49:15

Neukose Manetualain tao-na o male, ma nananakadadaek neme hataholi-la mai.

YESKIAL 17:24

Basa ai manai nusak-ka, neukose ala bubuluk, lae Au nde, Manetualain-na. Au lo'oheni ai mademaina-la, Au fe ai kaba'ok-kala lamadema. Ai maso'dak-ka, Au fen namatuu ma ai tuuk-ka, Au fen nanupu fo nakapela. Au fo Manetualain, kokolak basa so, de basa Au hala-kokolang lala'en-na, neukose nanatao natetuk.”

YAKOBIS 4:10

Ela leo bee na, emi makaloe-makadae ao ma, nai Amak Manetualain matan, fo besa ka Ana so'u namadedema emi.