SEMUEL SUSULAK-KA ESAN-NA 10:3 - Susula Malalaok Hehelu Palak Ma Hehelu Beuk

³ Semuel nafa'da seluk nae, “O la'ok makandoo meme ndia leo ai fo, mamana makaluku-makatele-a nai Tabor. Neukose o matongo moo touk telu bei beela'o leo Betel leu, fo ala tunu-hotu fe Manetualain tutunu-hohotuk. Hataholi esa foo bi'ihiik telu, ma esa neni loti boak 3, ma esa seluk, neni alukosu bana louk esa, angol nai dalek.

SEMUEL SUSULAK-KA ESAN-NA 10:3 Iomraidhean Croise

KEJADIAN 28:19

Ana foi mamanak ndia na'de Betel. (Makahulun-na, na'de Lus).

KEJADIAN 28:22

Ma neukose, au fe Amak-ka baba'ek esa neme baba'ek sanahulu mai, neme basa hata lala'en fo Amak-ka fen neu au. Batu nasanene'dak fo au apadedeik-kana ia, neukose ana da'di mamana sene-do'ok ba'eneu Amak-ka.”

KEJADIAN 35:1

Nai faik esa boema, Manetualain nafa'da Yakob nae, “Au nde Manetualain fo natu'du aoinan-na neu o nai lelek o malai meme o ka'am Esau mai. La'o lai-lai leo Betel muu leona. Leo meme ndia, ma mapadedeik-ma mei tunu-hotuk esa ba'eneu Au.”

MAZMUR 89:12

Lalai ma daebafak-ka nde bee-na, O nuum, O nde makadada'dik daebafak-ka no basa oe-isin lala'ena.

YEREMIA 32:8

Boema nanda no hata fo Manetualain nafa'dak-ka, de Hanameel mai nakanini au nai uma manek-ka so'dan, fo nafa'da au asa-a daen-na. Hundia de au amahele te'e-te'e ae Manetualain kokolak no au.

IMAMAT 1:10

Metema, bana nanatunu-hotuk ndia bi'ilopo esa, do bi'ihiik esa soona, bana ndia muse mane, ma ta lu'u-la'ak fa.

IMAMAT 23:13

Tunu-hotu ha'desopuk nanasese'do mina setun kilo dua, soaneu tutunu-hohotu nanatunuk-ka. Tutunu-hohotuk ndia, boon-na nandaa no Manetualain dalen-na. Boeo tunu-hotu angol litel esa, sama-sama no tutunu-hohotuk ndia.

IMAMAT 3:12

Metema, nanatunu-hotuk ndia bi'ihiik esa soona, hataholi manatunu-hotuk-ka, muse nenin leo Manetualain Lalaa Teman-na neu.

IMAMAT 3:6

Metema, nanatunu-hotuk soaneu tutunu-hohotuk mole-dame ndia, bi'ilopo esa do bi'ihiik esa soona, bana ndia bole mane, bole ina, tehu ta bole lu'u-la'ak fa.

IMAMAT 7:13

Fe'ek neme ndia mai boe, muse tunu-hotu loti fo ta pake laluteik fa.

YOSUA 19:12

Too dulu, mulain neme Sarid leo Khislot-Tabor dae too na neu, de nakandoo leo Dobrat neu, boema ana kae leo Yafia neu.

YOSUA 19:22

Sila dae toon-na, ana honan neu Tabor, Sahazima, Bet-Semes, boema nate'e nai Lee Yarden-na. Sila kotan-na neni kota sanahulu nee loo nggolo-nggolok manai titia-tatain-nala.

HAKIM-HAKIM 20:18

Hataholi Israel-la solda'dun sila-la, leu leo mamana makaluku-makatele manai Betel-la, de latane Manetualain lae, “Ou Manetualain, leo beek-ka nai ami dalek, nde muse makasososa, neu sapu-na hataholi Benyamin-nala?” Manetualain nataa nae, “Leo Yehuda.”

HAKIM-HAKIM 20:27

Nai tepo-lelek ndia, Manetualain Peti Hehelu-Balataan nai Betel, ma Eleazar anan Pinehas, fo Harun upun-na, nalalau-naoono da'di leo imam. Boema hataholi Israel-la latane Manetualain lae, “Manetualain ami nde muse meu sapu-ma seluk, ami tolano-tolanoom fo Benyamin hataholin sila-la, do ami muse hahae natee-natatik ia do?” Manetualain nataa nae, “Sapu-malas leona! Balahaa te, neukose Au fe emi sengi.”

HAKIM-HAKIM 4:12

Lelek Sisera namanene, lae Barak neu leo Letek Tabor-ra neu so,

HAKIM-HAKIM 4:6

Faik esa boema, nadenu hataholi neu naloo Barak, fo Abinoam neme kota Kedes-sa, nai nusa letelepak Naftali-a, anan-na. Boema nafa'da Barak nae, “Israel Manetualain-na paleta neun, ‘Maloo makabubua touk lifun sanahulu leme leo Naftali ma leo Zebulon-na mai, fo moos leo Letek Tabor-ra neu.

HAKIM-HAKIM 8:18

Basa ndia boema, natane Zebah ma Salmuna nae, “Emi taomisa hataholi-la nai Tabor ndia, lupan-nala leo beek?” Zebah ma Salmuna lataa lae, “Hataholi sila-la basa-basas mata-panan, lahope loo o mata-panam, sama leo tititi-nonosi manefetoana.”

SEMUEL SUSULAK-KA ESAN-NA 10:4

Neukose late'a o, ma neukose ala fe o loti boak telu, fo muse o sipo-man.