Титке 1:3 - Ыдыктыг Библия

³ Чогуур үе кээрге, Камгалакчы Бурганывыс Бодунуң сөзүн медеглээн, а ону суртаалдаарын Бодунуң айтыышкыны-биле меңээ бүзүреп дааскан.

Титке 1:3 Iomraidhean Croise

Исайя 12:2

Шынап-ла, мээң Камгалакчым – Бурган, Аңаа идегээр болгаш, чүден-даа кортпас мен. Дээрги-Бурган-Чаяакчы – мээң күчү-күжүм, ырым; Ол меңээ камгалал болду» – деп ырлаар сен,

Исайя 45:15

Сен, шынап-ла, ажыт-чажыт Бурган-дыр сен, Израильдиң Бурганы, Камгалакчызы-дыр сен.

Исайя 45:21

Боттарыңарның херээңерни чугаалап, шынзыдыңар (боттарыңар араңарда сүмележип алыңар). Болган чүүл дугайында силерге кым баш бурунгаар чугаалааныл, кым эрте шагда-ла медеглээнил? Мен – Дээрги-Чаяакчы! Менден өске Бурган чок, Мен – чөптүг Бурган, Камгалакчы мен, Менден өске кым-даа чок.

Даниил 11:27

Ийи хаан кара бодалы-биле чаңгыс черге ужурашкаш, бот-боттарын мегележип олурарлар. Ынчалза-даа төнчүнүң доктааттынган үе-шагы ам-даа келбээн болгаш, оларның оозундан чүү-даа үнмес.

Даниил 8:23

Ол хааннарның соонда, бузут-бактың аяа доларга, бардам болгаш кара сагыштыг хаан тыптып кээр.

Даниил 9:24

Сээң чонуңга болгаш ыдыктыг хоорайыңга чеден катап чеди чыл доктааттынган. Ол хуусаа иштинде бужар-бак чорук доостур, бачыттың төнчүзү кээр, чонну кем-буруузундан арыглап каар, мөңге чөптүг-шынныг чорук тыптыр, өттүр билген медеглелдер болгаш көстүүшкүннер бүдер база Эң ыдыктыг черни үс-биле чаап, чаартып каар.

Аввакум 2:3

Ол көстүүшкүн бир-ле доктааткан үеге хамааржыр, боттаныышкынынче чүткүп бар чыдар база черле мегелевес; ук көстүүшкүн дораан боттанмас-даа болза, шыдажып мана, чүге дээрге албан чогуп бүдер, үр үеде саадавас.

Марк 1:15

Ол: «Доктааткан үе келген-дир, Бурганның Чагыргазы чоокшулаан-дыр: бачыдыңар миннип, Бурганче эглиңер база Буянныг Медээге бүзүреңер!» – деп суртаалдап турган.

Марк 13:10

Ынчалза-даа чүнүң-даа мурнунда Буянныг Медээни бүгү чоннарга суртаалдаан турар ужурлуг силер.

Марк 16:15

Иисус оларга мынча дээн: «Бүгү делегейни эргий кезип, бүгү кижи төрелгетенге Буянныг Медээни суртаалдаңар.

Лука 1:47

Камгалакчым болур Бурганым дээш, мээң ишти-хөңнүм өөрүп-байырлады,

Ажыл-чорудулга 10:36

Бурганның израиль чонга чорудуп бергени медээ дугайында билир силер. Амыр-тайбың дугайында Буянныг Медээзин Ол бүгүдениң Дээргизи Иисус Христостуң аксы-биле медегледи.

Ажыл-чорудулга 17:26

Улус черни бир кылдыр чурттазын дээш, Ол чаңгыс кижиден бүгү кижи төрелгетенни тывылдырган. Ол бүгү улуска чер кырынга чурттаар үелерни, тодаргай девискээрлерни айтып берген.

Римчилерге 15:19

кайгамчык демдектерниң күжү-биле, Бурганның Сүлдезиниң күжү-биле кылган. Шак ынчаар Иерусалимден мырыңай Иллирикке кээп, ол девискээрлерге Христос дугайында Буянныг Медээни суртаалдаар ажылымны төндүрдүм.

Римчилерге 16:25

Мээң медеглээним Буянныг Медээни база Иисус Христос дугайында суртаалымны дамчыштыр силерни бүзүрелге быжыктырып шыдаар Бурганга алдар. Христостуң ол Буянныг Медээзи дээрге хамык үелерниң мурнундан бээр чажырып келген чажыт-тыр,

Римчилерге 16:26

а ам ону Бурганның медээчилериниң Бижилгелерин дамчыштыр, мөңге дириг Бурганның айтыышкыны-биле биске илереткен. Бүгү чоннар бүзүрезин база Бурганга чагыртсын дээш, ук чажыт оларга билдингир апарган.

Римчилерге 5:6

Ам-даа кошкак чорувуста, доктааткан үеде Христос Бурганны хүлээп көрбес бисти дээш өлген.

1 Коринфичилерге 9:17

Буянныг Медээни эки турам-биле суртаалдап эгелээн болзумза, шаңналга төлептиг боор ийик мен. А эки турам-биле суртаалдавайн турар болзумза, анаа-ла Бурганның даалгазын күүседип турарым ол-дур.

Галатчыларга 4:4

Ынчалза-даа доктааткан үе чедип кээрге, херээжен кижиден төрүттүнген, ыдыктыг хоойлуга чагырткан Бодунуң Оглун Бурган чорудуп берген.

Эфесчилерге 1:10

чогуур үе кээрге, Ол сорулгазынга чүүлдештир бүгү чаяалганы – дээрде база черде бар бүгү чүүлдерни Баштыңчы Христосту долгандыр каттыштырыптар.

Эфесчилерге 2:17

Ынчангаш Христос чедип келгеш, Бургандан ыракка чораан силерге-даа, Аңаа чоок чурттап чораан улуска-даа бүгүдеге амыр-тайбың дугайында Буянныг Медээни суртаалдаан.

Филипчилерге 1:13

Императорнуң ордузунуң бүгү таңныыл шериинге болгаш мында турар өске-даа шупту улуска Христосту эдергеним дээш хоругдатканым ам билдингир апарган.

Колосчуларга 1:23

Чүгле бүзүрелиңер быжыг болгаш чаныш-сыныш чок улус бооп көрүңер, Буянныг Медээни дыңнап каарыңарга, силерге хайырлаан идегелден кажан-даа өскээр барбаңар. Ол Буянныг Медээни чырык черде Бурганның бүгү чаяалгазынга медеглээн, силер база дыңнадыңар чоп. А мен, Павел, ол Буянныг Медээниң бараан болукчузу апардым.

Колосчуларга 1:6

Ук Буянныг Медээ силерде база чеде берген болгай. Бурганның авыралының дугайында эң баштай дыңнап кааныңар база ооң алыс шынныын билип кааныңар хүнден бээр силерниң араңарга кандыг болчук, Буянныг Медээ бүгү делегейге база шак ынчаар өзүп-көвүдеп, үре-түңнелин көргүзүп турар.

1 Фессалоникчилерге 2:4

А Буянныг Медээни суртаалдаарын дагзыры-биле Бурганның шылгааны улус дег чугаалап тур бис. Ынчангаш бис чугаалап тура, улустуң эвес, а чүректеривисти билир Бурганның сеткили ханзын дээш, кызыткан бис.

1 Тимофейге 1:1

Камгалакчывыс Бурганның база идегеливис Христос Иисустуң айтыышкыны-биле Христос Иисустуң элчини болган Павелден байыр.

1 Тимофейге 1:11

Ол өөредиг ачы-буянныг Бурганның алдарлыг Буянныг Медээзинде сиңниккен, а ук Буянныг Медээни меңээ бүзүреп дааскан.

1 Тимофейге 2:3

Ындыг боорга, эки-даа, Камгалакчывыс боор Бурганга таарымчалыг-даа.

1 Тимофейге 4:10

Бүгү улустуң, ылаңгыя бүзүрээннерниң, Камгалакчызы боор дириг Бурганга идегээш, карак кызыл ажылдап, ол идегел дээш, демисежип чоруур-дур бис.

2 Тимофейге 4:17

Ынчалза-даа Дээрги-Чаяакчы мээң-биле кады бооп, хамык өске чоннар улузу ону дыңназын дээш, Буянныг Медээни аксым-биле суртаалдаар күштү меңээ берген. Ол мени арзылаң аксындан камгалады.

Титке 2:10

Кулдар ээлеринден оорланмазын, харын оларга бүрүнү-биле бердингенин көргүссүн. Бистиң Камгалакчы Бурганывыстың өөредии кайы хире магалыг чаагайын улус көрүп каар кылдыр, кулдар боттарын ынчалдыр ап чорзун.

Титке 2:13

Өндүр улуг Бурганывыс болгаш Камгалакчывыс Иисус Христос өндүр чырыкка бүргеткен чедип кээр деп, чыргалдыг хүннү идегел-биле манап, ынчаар чурттаар ужурлуг бис.

Ажыдыышкын 14:16

Оон булутта саадаан Кижи хол кадыырын черже карбаш кылгаш, черниң дүжүдүн ажаап каапты.