Софония 3:5 - Ыдыктыг Библия

⁵ Чүгле Дээрги-Чаяакчы хоорайда чөптүг чүве кылып турар, Ол бузуттуг чүве үүлгетпес. Ол эртенниң-не чырыткылыг шын шииткел үндүрүп турар, ынчалза-даа бузуттугларның ыядыр арны чок-тур.

Софония 3:5 Iomraidhean Croise

Эге дөс 18:25

Ындыг болбас ужурлуг! Сен ынчаар аажылап шыдавас сен. Буруулуг кижи биле актыг кижини Сен деңге шаажылап шыдавас сен. Бүгү черниң Шииткекчизи шын эвес шииткел кылып болур бе?»

Иов 34:10

Ынчангаш мени дыңнаңар, угаанныг улус: Бурганда шынныг эвес чүве турбас, Күчүлүг Бурганда чөптүг эвес шииткел чок.

Иов 7:18

Чүге эртенниң-не аңаа кээп, ону үргүлчү шенеп турар сен?

Иов 8:3

Таанда-ла Бурган чөптүг шииткелди хажыдар бе, Күчүлүг Бурган шынны хажыдар бе?

Ырлар 37:6

Сээдеңимден балыгларым ирип-чыдып, ириңнелген.

Исайя 12:6

Сионнуң чурттакчылары, өөрүп-хөглеңер, чүге дээрге Израильдиң ыдыктыг Бурганы силерниң араңарда өндүр улуг-дур!» – деп ырлаар силер.

Исайя 28:19

Ол үер келген санында-ла, эртенниң-не, дүне-даа, хүндүс-даа, силерни хөме таварып, алгаш баар». Бо медээни дыңнап кааш, коргуп сирилээр силер.

Исайя 33:2

О, Дээрги-Чаяакчы, бисче ээ көрнүп көрем, Сеңээ идегээр болгай бис! Эртенниң-не бисти деткип көрем, аар-берге үеде камгалап көрем.

Исайя 45:21

Боттарыңарның херээңерни чугаалап, шынзыдыңар (боттарыңар араңарда сүмележип алыңар). Болган чүүл дугайында силерге кым баш бурунгаар чугаалааныл, кым эрте шагда-ла медеглээнил? Мен – Дээрги-Чаяакчы! Менден өске Бурган чок, Мен – чөптүг Бурган, Камгалакчы мен, Менден өске кым-даа чок.

Исайя 50:4

Дээрги-Бурган-Чаяакчы меңээ чечен-мерген чугааны берген, ынчангаш шаа төнген кижини сөс-биле деткип билир мен. Эртенниң-не Ол мээң кулаамны, өөреникчилер дег дыңназын дээш, дыңнаарынче албадап турар.

Иеремия 3:3

Ынчангаш чаъс чагбастаан, Мен часкы чаъс-чайыкты кутпайн турдум. Сээң арын-шырайың самыын-садар херээженнии дег-дир, ыядыр арның чок-тур!

Иеремия 6:15

Олар чүдек-бужар чүүлдер кылып турар, ыядыр ужурлуг улус-тур, ынчалза-даа ыядыр арын, эгенир сагыш оларда чок-тур. Ынчангаш олар аштырганнар аразынга кырлып каар, Мээң кеземче көргүзүп кээр хүнүмде кээп дүжер». Дээрги-Чаяакчының чугаалаан чүвези ол-дур.

Иеремия 8:12

Олар чүдек-бужар чүүлдер кылып турар, ыядыр ужурлуг улус-тур, ынчалза-даа ыядыр арын, эгенир сагыш оларда чок-тур. Ынчангаш олар аштырганнар аразынга кырлып каар, Мээң кеземче көргүзүп кээр хүнүмде олар кээп дүжер» – деп, Дээрги-Чаяакчы чугаалаан.

Ыы-сыы 3:23

эртенниң-не чаартынып, илереп кээр, а шынчы чорууң өндүр улуг!

Иезекиил 18:25

А силер: „Дээргиниң оруу шынныг эвес“ – дээр-дир силер. Израиль чон, дыңна! Мээң оруум канчап шынныг эвес болду? Силерниң оруктарыңар харын шынныг эвес болбаан деп бе?

Иезекиил 48:35

Хоорай ханазының ниити узуну 18 000 кыры дурту. Ол хүнден эгелээш, хоорайның ады „Дээрги-Чаяакчы ында“ болур».

Осия 14:9

Эфрем ынчан: „Дүрзү-бурганнарның меңээ херээ чүл?“ – деп чугаалаар. Мен ооң мөргүлүнге харыылап, ону карактап көөр мен, аңаа девээлиг ыяш дег болур мен; сенде бар ачы-буянның үнген дөзү мен.

Осия 6:5

Ынчангаш өлүм биле узуткаашкынны медээлээр дээш, силерже медээчилеримни чорудуп турдум; Мээң шииткелим чырык дег чайынналдыр чырып кээр.

Михей 3:11

Иерусалимниң баштыңнары хээли ап, шиидип турар-дыр, Бурганның бараалгакчылары төлевир ап, өөредип турар-дыр, Бурганның медээчилери акша-мөңгүн ап, төлгелеп турар-дыр. Ооң кадында Дээрги-Чаяакчыга даянып: «Дээрги-Чаяакчы бистиң аравыста эвес чүве бе? Бисти айыыл-халап таварбас!» – дижирлер.

Михей 7:9

Дээрги-Чаяакчының килеңин чүктээр ужурлуг мен, чүге дээрге Аңаа удур бачыт үүлгеткен мен. Бурган мээң таламда апарбаан шаанда, меңээ болчуп эгелевээн шаанда, ындыг болур. Оон Ол мени чырыкче үндүрүп каар, мен Ооң шынныын көрүп каар мен.

Аввакум 1:3

Кемниг үүлгедиглерже көөр кылдыр чүге мени албадаар сен? Базындырыышкынче чүге анаа көрүп турар сен? Үптээшкин биле күчүлелди көрүп тур мен, адаан-өжээн көдүрлүп, алгыш-кырыш кедереп тур.

Софония 2:1

Арын-нүүр чок чон! Тодарадып каан хүн келбээнде, силерни хатка сүрдүрген тараа саваңы ышкаш өскээр сүрүп аппарбаанда, Дээрги-Чаяакчының кыптыккан килеңи силерни чиртип кааптаанда, Ооң килеңиниң хүнү силерни таварбаанда, чыглып, бөлдүнчүңер-ле!

Софония 3:13

Израиль чоннуң артынчызы бузут үүлгетпес, мегелевес, оларның аксы-сөзүнде кара сагыш чок боор. Олар, хойлар ышкаш, одарлаан соонда, дыштанып чыдып аар, оларны кым-даа дүвүредип хоюспас».

Софония 3:15

Дээрги-Чаяакчы сээң шииткелиңни күш чок болдурган-дыр, дайзыныңны аткаарлаткан-дыр. Израильдиң Хааны Дээрги-Чаяакчы сээң-биле-дир, моон соңгаар айыыл-халаптан кортпас-тыр сен.

Софония 3:17

„Дээрги-Чаяакчы Бурганың сээң-биле-дир, Ол – күштүг Дайынчы, сени камгалап шыдаар. Ол сен дээш өөрүүр, Бодунуң ынакшылы-биле сени оожургадыр, сен дээш өөрүп-байырлап, ырлаар“.

Захария 2:5

Мен Бодум хоорайны долгандыр турар оттуг хана боор мен – деп, Дээрги-Чаяакчы медеглеп тур. – Өндүр чырыымны ооң ортузунга көргүзер мен“».

Захария 9:9

Сион-кыс, өөрүп-хөгле, Иерусалим-кыс, амырап-байырла-ла! Көр даан, хааның сенче кел чыдыр: чөптүг, тиилелгелиг, биче сеткилдиг хаан элчиген, кыс элчиген оглу мунуп алган кел чыдыр.

Лука 12:2

Көстү бербес хире чажыт чүү-даа чок база илерей бербес хире бүдүү чүү-даа чок.

Римчилерге 2:5

Чөрүү база бачыдың миннир хөңнүң чок болгаш, килеңнээн Бурганның чөптүг шииткели көстүп кээр хүнде кырыңче чүдүрлүр килеңни бодуң-на эңдере чыып аар-дыр сен.

1 Коринфичилерге 4:5

Ынчангаш чогуур үе үнмээнде, Дээрги-Чаяакчы чедип келбээнде, чүнү-даа шиитпеңер. Ол караңгыда чажыртынган чүүлдү чырыдыпкаш, чүректерниң бодал-хөөннерин ажыдыптар, кижи бүрүзү ынчан Бурганның макталын алыр.

Ы. х. к. 23:14

чүге дээрге Дээрги-Чаяакчы Бурганың сени камгалап, дайзыннарыңны сээң эргеңге хүлээдип бээр дээш, турлааңда чоруп турар болгай, ынчангаш турлааң ыдыктыг болур ужурлуг, оон башка Ол сенде ыянчыг чүүл барын көрүп кааш, сени каапкаш баар».

Ы. х. к. 32:4

Ол – бистиң Хаявыс, Ооң ажыл-херектери болбаазыраңгай, Ооң шупту оруктары дорт; Бурган сөзүнге шынчы, Ында меге чүү-даа чок, Ол чөптүг болгаш шынныг.

1 Пётр 1:17

Шупту улусту оларның кылган ажыл-херээниң аайы-биле, кымны-даа ылгай көрбейн, шын шиидип турар Бурганга мөргүп тура, Ону Адавыс деп адаар-дыр силер. Ынчангаш чер кырынга түр амыдыраар үеңерде Бургандан коргуп, Ону хүндүткеп чурттаңар.