Софония 3:2 - Ыдыктыг Библия

² Ол Дээрги-Чаяакчыны тооп дыңнавас-тыр, чагыг-сургаалды хүлээп албас-тыр, бодунуң Бурганынга идегевес-тир, Олче чоокшулавас-тыр.

Софония 3:2 Iomraidhean Croise

Неемия 9:26

Ындыг-даа болза, үймээнчилер апарып, Сеңээ удур тура халааннар, Сээң хоойлуңну артынче октапканнар. Сээң медээчилериң израильчилерни Сенче ээлдирер дээш сагындырып турган, а олар демги медээчилерни өлүрүп турду. Улус-чон Сеңээ удур коргунчуг дорамчылалдар кылып турган,

Ырлар 10:4

А Дээрги-Чаяакчы Бодунуң ыдыктыг өргээзинде, Ооң дүжүлгези – дээрлерде; Ооң карактары хайгаарап көрүп турар, Ооң көрүжү кижи төрелгетенни шенеп турар.

Ырлар 50:17

Дээрги, аксымны ажыдып бер: дылым Сени алгап-мактазын.

Чугаалар 1:7

Дээрги-Чаяакчыдан коргары – билигниң үнер дөзү. Чүгле мелегей кижи мерген угаанны болгаш суртаалды херекке албас.

Чугаалар 5:12

«Чагыг-сургаалды хей-ле херекке албайн чораан-дыр мен, чемелээшкинни мээң чүрээм хей-ле тоовайн чораан-дыр; башкыларны тооп дыңнавас, чагыг-сүме берген улусче кичээнгей салбас чораан кончуумну! Ам бичии-ле болза, улус мурнунга, хамык чон аразынга бак атка кирерим ол-дур» – дээр сен.

Исайя 1:5

Үргүлчү үймээн үндүрер улус, чүге силер ам база катап эттедип-соктурарын күзеп тур силер? Бажыңарда балыгланмаан чер чок, чүрээңер шуут харыксырап калган-дыр.

Исайя 29:13

Дээрги мынча дээн: «Бо чон Меңээ аксы-сөзү-биле чоок чон-дур, Мени сөс кырында хүндүлээр, а сеткил-чүрээ-биле Менден ырак чон-дур. Оларның Меңээ мөгейиишкини – чүгле кижилерден шиңгээдип алганы сагылга-дүрүмнер-дир.

Исайя 31:1

Дуза дилеп, Египетче барып турар улус ат болур! Олар аъттарга ынанып, дайынчы тергелерниң хөйүнге, аъттыг шеригниң улуг күжүнге идегеп турар-дыр, а Израильдиң ыдыктыг Бурганынче көрүнмес-тир, Дээрги-Чаяакчыдан сүме айтырбас-тыр.

Исайя 43:22

А сен, Иаков, Мени кыйгырбайн турдуң, Израиль, сен Мени аартыктап турдуң.

Исайя 9:12

Арамейлер чөөн чүктен, филистимнер – барыын чүктен халдап келгеш, Израильди чазыйланып, ажырыптар. Ынчан безин Дээрги-Чаяакчының килеңи чайлаттынмас, Ооң холу ам-даа чонну кезедип, көдүрлүр.

Иеремия 13:25

Ол дээрге сээң хуу-салымың, Мээң хемчээп бергеним үлүүң-дүр – деп, Дээрги-Чаяакчы медеглээн, – чүге дээрге Мени уттупкаш, меге чүүлге ынанган-дыр сен.

Иеремия 2:30

Чонуңарны кезедиримге-даа, хей болду, чагыг-суртаалымны хүлээп албадыңар. Медээчилериңерни силерниң хылыжыңар, хайыра чок арзылаң ышкаш, чип төттү.

Иеремия 22:21

Амыр-чаагай чурттап чоруңда, Мен сээң-биле чугаалажып, сагындырып турдум, а сен „Дыңнавас мен!“ дээн сен. Аныяаңдан-на ындыг чордуң, Мени тооп дыңнавайн келдиң!

Иеремия 32:33

Олар Менден арыннарын чажырып, хая көрнү бердилер; оларны Мен катап-катап өөредип турдум, ынчалза-даа Мени тооп дыңнавадылар, суртаалымны хүлээп албадылар.

Иеремия 35:17

Ынчангаш Дээрги-Чаяакчы, Израильдиң Аг-шериглиг Бурганы: «Мен Иудеяга, Иерусалимниң чурттакчыларынга оларга аазаан бүгү айыыл-халавымны таварыштырар мен, чүге дээрге Мен оларга чүве чугаалаарымга, олар тооп дыңнавады. Кыйгырарымга, харыылавады» – дээн.

Иеремия 5:3

Дээрги-Чаяакчы, Сээң карааң алыс шынны көрүп кагбас деп бе? Чонуңну буурадып турдуң – а ол аарышкыны медереп билбес-тир, ону узуткап турдуң – а ол угаан киреринден ойталаар-дыр. Оларның сеткил-чүрээ даштан кадыг апарып, Бурганче эглиринден ойталады.

Иезекиил 22:24

«Кижи амытан, бо черге: „Хирлиг-дир сен, килең хүнүнде чаъс-биле суггартпаан-дыр сен“ – деп чугаала.

Иезекиил 24:13

Иерусалим, сээң самыыраашкының сени бужартаткан-дыр. Мен сени арыглаар дээш чеже-даа оралдажырымга, арыгланмас-тыр сен, ынчангаш ам Мээң сеңээ хорадаан сагыжым оожургаваан шаанда, моон-даа соңгаар арыгланып шыдавас сен.

Софония 1:6

Менден ойталааш, Менче чүткүвес, Менден дуза дилевес улусту чок кылып каар мен.

2 Тимофейге 3:16

Бүгү Бижилге Бурганның аксындан үндүр тынган сөзү-дүр, ол алыс шынны өөредиринге, чазыгларны айтып, эдеринге, чөптүг-шынныг амыдыралды суртаалдаарынга ажыктыг.

Еврейлерге 10:22

Ындыг болганда, ажыт-чажыт чок чүректерлиг; бүзүрелинге бүргедипкен; чүректеривисти кем-буруулуг арын-нүүрден бызай чажып туруп арыглап алган база мага-бодувусту арыг суг-биле чуп алган бооп, Бурганче чоокшулап көрээлиңер.