Софония 3:10 - Ыдыктыг Библия

¹⁰ Эфиопияда хемнер ындында Меңээ мөгеер улус – Мээң тоо быдараан чонум чедип келгеш, Меңээ өргүл белектерин эккээр.

Софония 3:10 Iomraidhean Croise

Ырлар 68:31

Бурганымның адын ырымга алдаржыдайн, Ооң өндүр улуун мактаайн.

Исайя 11:11

Ол хүн кээрге, Дээрги холун катап база сунгаш, Бодунуң чонунуң артынчызын Ассириядан, Египеттиң девискээрлеринден, Эфиопиядан, Эламдан, Сеннаардан, Хамат хоорайдан болгаш далайда ортулуктардан дедир эгидип аар.

Исайя 11:12

Дээрги бүгү чоннарга тук көдүргеш, Израильдиң үндүр сывыртаткан улузун чыып эккээр, Иудеяның тоо быдараан чонун чер-делегейниң дөрт чүгүнден бөлүп эккээр.

Исайя 18:1

Чалгыннарның шартылаан даажы долган, Эфиопияның хемнериниң ындында чыдар, элчиннерин далай-биле, кулузундан кылган хемелерге олурткаш, суглар-биле эжиндирип чорудуп турар чурт ат болур! Шалыпкын элчилер, узун, сал чок чонга, ырак-чоокка-даа түрлүг көстүр чонга, улуг-шыырак, эжелекчи, черин хемнер үзүктээн чонга барыңар.

Исайя 18:7

Ол үеде Аг-шериглиг Дээрги-Чаяакчыга шак ол узун, сал чок чондан, ырак-чоокка-даа түрлүг көстүр чондан албан-үндүттү улуг-шыырак, эжелекчи чон Сион дагже – Аг-шериглиг Дээрги-Чаяакчының адынга тураскааткан черже эккээр.

Малахия 1:11

Мээң адым хүн үнер чүктен хүн ажар чүкке чедир өске чоннар аразынга өндүр бедик. Каяа-даа Мээң адымга тураскааткан чаагай чыттыг чүүлдер кыпсыр, арыг өргүлдер кылыр, чүге дээрге Мээң адым ол чоннар аразынга өндүр бедик». Аг-шериглиг Дээрги-Чаяакчының чугаалаан чүвези ол-дур.

Иоанн 7:35

Ынчан иудейлер боттарының аразында: «Биске тывылбайн баар кылдыр, Ооң кайнаар баар деп турары ол? Гректер аразында тоо быдаргай чурттаан бистиң чонче чоруткаш, гректерни өөредир дивээн бе?

Ажыл-чорудулга 24:17

Чонумнуң ядыы улузунга чыгганым ачы-дуза үлеп бээр база Бурганга өргүлдер салыр дээш, хөй чыл аян-чорук соонда, Иерусалимге ээп келгеним ол.

Ажыл-чорудулга 8:27

Ол дораан чорупкан. Ынчан бир-ле эфиоп кижи – Эфиопияның кандакиязы дээр кадынның ызыгууртан дүжүмеди болгаш кадынның эртине-байлааның кадагалакчызы – Бурганга мөгейип, Иерусалимге четкеш келген соонда,

Римчилерге 15:16

өске чоннар улузунуң аразынга Христос Иисуска бараан боор арганы хайырлаан. Мен Бурганның Буянныг Медээзин суртаалдаар ыдыктыг ажылды кылып, өске чоннар улузун Ыдыктыг Сүлдеге ыдыктаткан, Бурганга күзенчиг өргүл кылдыр эккээрин күзеп тур мен.

1 Пётр 1:1

Иисус Христостуң элчини Пётрдан байыр. Төрээн чериңерден ыракта, Понт, Галатия, Каппадокия, Асия болгаш Вифиния девискээрлеринде тоо быдаргай чурттап чоруур силерге – Бурганның шилип алган улузунга бижидим.