Софония 2:9 - Ыдыктыг Библия

⁹ Ынчангаш дириг Бодумнуң адым-биле даңгыраглап тур мен – деп, Аг-шериглиг Дээрги-Чаяакчы, Израильдиң Бурганы медеглээн. – Моав Содом ышкаш, аммон чон – Гоморра ышкаш апаар. Оларның чери кезээ мөңгеде шагар-оът дуй үнген, кужурланчак девискээр, ээн кургаг хову апаар. Мээң чонумнуң дириг арткан улузу оларны олчалап аар, Мээң улузумнуң артынчызы оларның черин өнчү кылдыр алыр.

Софония 2:9 Iomraidhean Croise

Исайя 11:14

Олар барыын чүкке филистимнерниң черлеринче шүүргедей ужуп, халдаар, чөөн чүкте чурттаан аймактарны кады үптээр; Эдом биле Моавка удур холун көдүрер, аммон чон оларга чагыртыр.

Исайя 25:10

Дээрги-Чаяакчы холун бо дагже салыр. А Моав бодунуң турар черинге, өдекче киир таптаан тараа саваңы дег, таптай бастырар.

Исайя 49:18

Долгандыр топтап көрүп көр: сээң хамык чурттакчыларың чыылгаш, сенче чедип кел чыдар-дыр. Дириг Бодумнуң адым-биле даңгыраглап тур мен: сен оларның шуптузун, каасталга-шимелде дег, аяннанып кедип аар сен, олар-биле, келин кыс дег, шиметтинип аар сен.

Иеремия 46:18

Дириг Бодумнуң адым-биле даңгыраглап тур мен: даглар аразында Фавор даг дег, далай чанында Кармил даг дег улуг-шыырак дайзын силерге чедип кээр – деп, Аг-шериглиг Дээрги-Чаяакчы деп аттыг Хаан медеглээн. –

Иеремия 48:1

Аг-шериглиг Дээрги-Чаяакчы, Израильдиң Бурганы Моав дугайында мынча дээн: «О, Нево хоорай! Ол ат болуп, хоозураар-дыр. Кириатаим хоорай бак атка кирип, эжелеттирер-дир; бедик шивээ бак атка кирип, бустурар-дыр.

Иеремия 49:1

Аммон чон дугайында Дээрги-Чаяакчы мынча дээн: «Израильдиң ажы-төлү чок чүве бе? Ооң салгакчызы чок чүве бе? А Милхом бурган чүге Гадтың черин эжелеп алды, ооң чону чүге Гадтың хоорайларында чурттап турарыл?

Иеремия 49:18

Үреп бузуп каан Содом биле Гоморрага дег, олар-биле кожаланчак хоорайларга дег, Эдомга база чаңгыс-даа кижи чурттавас, ол черге кижи амытан турумчувас – деп, Дээрги-Чаяакчы чугаалаан. –

Иеремия 49:33

Асор шөө-бөрүлер чурттаар чер апарып, кезээ мөңгеде ээнзирээр, аңаа чаңгыс-даа кижи чурттавас, ол черге кижи амытан турумчувас».

Иеремия 50:40

Бурганның үреп бузуп кааны Содом биле Гоморрага дег, олар-биле кожаланчак хоорайларга дег, Вавилонга база чаңгыс-даа кижи чурттавас, кижи амытан ол черге турумчувас».

Амос 1:13

Дээрги-Чаяакчы мынча дээн: «Хөй санныг кемниг үүлгедиглери дээш, аммон чонну өршээвес мен, чүге дээрге ол, бодунуң девискээрин алгыдып аар дээш, галаад черге сааттыг херээженнерни одура шаап турган-дыр.

Амос 2:1

Дээрги-Чаяакчы мынча дээн: «Хөй санныг кемниг үүлгедиглери дээш, Моавтың чурттакчыларын өршээвес мен, чүге дээрге олар Эдомнуң хаанының сөөгүн хүл кылдыр өрттедипкен-дир.

Софония 2:14

Аңаа сүрүг мал, янзы-бүрү черлик дириг амытаннар дыштанып чыдар; үгүлер биле каарганнар хоорайның бузундуларынга дүннээр, оларның эткен үннери бажыңнар иштинден дыңналыр, эргинде хоозураашкын көстүр, эжик-хаалганың пөш шагыглары картталып калган боор.

Софония 2:7

Ол девискээр Иудеяның арткан чонунга онаажыр. Олар аңаа сүрүг малын кадарар, Аскалоннуң бажыңнарынга кежээ удуп дыштаныр – оларның Бурганы Дээрги-Чаяакчы оларже сагыш салып, эки чолду эгидер.

Софония 3:13

Израиль чоннуң артынчызы бузут үүлгетпес, мегелевес, оларның аксы-сөзүнде кара сагыш чок боор. Олар, хойлар ышкаш, одарлаан соонда, дыштанып чыдып аар, оларны кым-даа дүвүредип хоюспас».

Захария 2:13

Кижи амытан бүрүзү Дээрги-Чаяакчының мурнунга ыыды чиде берзин! Чүге дээрге Ол туруп келгеш, Бодунуң ыдыктыг чурттаар черинден кел чыдар-дыр.

Саннар 14:21

ындыг-даа болза, Бодумнуң амы-тыным-биле база Бодумнуң чер-делегейни бүргээн алдарым-биле даңгыраглап тур мен:

Римчилерге 14:11

Бижилгеде мынча дээн болгай: «Дириг Бодумнуң адым-биле даңгыраглап тур мен – деп, Дээрги-Чаяакчы медеглээн . – Дискек бүрүзү Мээң мурнумга сөгүрүп олурар, дыл бүрүзү Мени Бурган деп хүлээп көөр» .

Ы. х. к. 29:22

Дараазында салгал, силерниң сооңарда чурттаар ажы-төлүңер база ырак чурттан чедип кээр даштыкы кижи бо черниң айыыл-халавын, Дээрги-Чаяакчының аңаа халдаткан аарыгларын көргеш:

Ы. х. к. 29:23

„Күгүр, дуска бүрүнү-биле чирткен, өрттенип калган чер-дир, тараа тарывастаан, дүжүт бербестээн, кандыг-даа оът-сиген өзүп үнмес апарган чер-дир; Дээрги-Чаяакчы килеңнеп хорадааш, таптай базып каапкан Содом, Гоморра, Адма болгаш Цевоим хоорайларның узуткаттырган үезинде дег хоозураан чер-дир“ – дээр.