Софония 2:8 - Ыдыктыг Библия

⁸ Моав чоннуң бак сөгленгенин, аммон чоннуң кочуургаанын – оларның Мээң чонумну дорамчылап-кочулаанын, ооң черинге кыжанганын дыңнап кагдым.

Софония 2:8 Iomraidhean Croise

Эге дөс 19:37

Улуг уруу оол божуп алгаш, ону Моав деп адап алган. Ол амгы моав чоннуң эгезин салган кижи болур.

Эге дөс 19:38

Бичии уруу база оол божуп алгаш, Бен-Амми деп адап алган. Ол амгы аммон чоннуң эгезин салган кижи болур.

Исайя 15:1

Моав дугайында өттүр билген медеглел бо-дур. Чаңгыс дүне Ар хоорайны хоозураткан – Моавты узуткап каан; чаңгыс дүне Кир хоорайны хоозураткан – Моавты узуткап каан.

Исайя 16:6

«Бис Моавтың улуургааның, ооң аажок улуургаа биле турамыының дугайында, ооң адыыргаа биле туразының улуунуң дугайында дыңнаан бис, а ооң көөргеттинер чоруу хоозун-меге-дир».

Иеремия 12:14

Дээрги-Чаяакчы: «Израиль чонумга хайырлааным ээлээн черже семеп халдаан бузуттуг-бак кожа чоннарны Мен боттарының чер-чуртундан тура тыртар мен, Иудеяның чонун база оларның аразындан тура тыртып аар мен.

Иеремия 48:1

Аг-шериглиг Дээрги-Чаяакчы, Израильдиң Бурганы Моав дугайында мынча дээн: «О, Нево хоорай! Ол ат болуп, хоозураар-дыр. Кириатаим хоорай бак атка кирип, эжелеттирер-дир; бедик шивээ бак атка кирип, бустурар-дыр.

Иеремия 49:1

Аммон чон дугайында Дээрги-Чаяакчы мынча дээн: «Израильдиң ажы-төлү чок чүве бе? Ооң салгакчызы чок чүве бе? А Милхом бурган чүге Гадтың черин эжелеп алды, ооң чону чүге Гадтың хоорайларында чурттап турарыл?

Ыы-сыы 3:61

Дыңнап кагдың, Дээрги-Чаяакчы: мени дора көргенин, өзү кара бодалдарның дөгерезин,

Иезекиил 21:28

«Кижи амытан, өттүр билип медеглеп, Дээрги-Бурган-Чаяакчының аммон чонга болгаш ооң бак сөглээшкиннеринге хамаарыштыр чугаалаан чүвезин дамчыт: Хылыш, кыргып-хыдызын дээш хынындан ужулган, узутказын дээш, чаңнык ышкаш кызаңназын дээш, кылайтыр чүлгүп каан хылыш бо-дур!

Иезекиил 25:1

Дээрги-Чаяакчы меңээ Бодунуң сөзүн ажыдып чугаалаан:

Иезекиил 35:12

Ынчан даглыг Израильди бак сөглеп: „Олар хоозураан-дыр! Оларны биске чизин дээш берген-дир“ – деп турган бүгү дорамчылалдарыңны Дээрги-Чаяакчы Мээң дыңнаанымны билип аар сен.

Амос 1:13

Дээрги-Чаяакчы мынча дээн: «Хөй санныг кемниг үүлгедиглери дээш, аммон чонну өршээвес мен, чүге дээрге ол, бодунуң девискээрин алгыдып аар дээш, галаад черге сааттыг херээженнерни одура шаап турган-дыр.

Амос 2:1

Дээрги-Чаяакчы мынча дээн: «Хөй санныг кемниг үүлгедиглери дээш, Моавтың чурттакчыларын өршээвес мен, чүге дээрге олар Эдомнуң хаанының сөөгүн хүл кылдыр өрттедипкен-дир.

Софония 2:10

Ол бүгү хуу-салым оларга улуургаа дээш, Аг-шериглиг Дээрги-Чаяакчының чонун дорамчылап кочулап, оон өрү көрдүнүп турганы дээш онаажыр.

Иисус 5:9

Дээрги-Чаяакчы Иисуска: «Бөгүн Мен силерден Египеттиң бужарын адырып кагдым!» – дээн. Ынчангаш ол черни бөгүнге чедир Галгал деп адаар чүве-дир.