Софония 2:7 - Ыдыктыг Библия

⁷ Ол девискээр Иудеяның арткан чонунга онаажыр. Олар аңаа сүрүг малын кадарар, Аскалоннуң бажыңнарынга кежээ удуп дыштаныр – оларның Бурганы Дээрги-Чаяакчы оларже сагыш салып, эки чолду эгидер.

Софония 2:7 Iomraidhean Croise

Эге дөс 50:24

Иосиф ха-дуңмазынга: «Удавас мен өлүп каар мен. Ынчалза-даа Бурган силерге ыяап-ла дузалап чедип кээр. Авраамга, Исаакка болгаш Иаковка аазааны черинче силерни чорудуптар хүнү черле келир» – деп чугаалаан.

Ырлар 80:14

О, чонум Мени тооп дыңнаан болза, Израиль Мээң оруумну истээн болза!

Ырлар 85:1

Дээрги-Чаяакчы, кулааң менче ээктирип, харыылап көрем – чөгенчиг күжүр-дүр мен.

Хосталыышкын 4:31

Чон оларга бүзүрей берген. Дээрги-Чаяакчы израиль чонга чедип келген база ооң хилинчээн көрүп каан дээрзин дыңнааш, улус Бурганның мурнунга сөгүрүп, мөгейген.

Исайя 11:11

Ол хүн кээрге, Дээрги холун катап база сунгаш, Бодунуң чонунуң артынчызын Ассириядан, Египеттиң девискээрлеринден, Эфиопиядан, Эламдан, Сеннаардан, Хамат хоорайдан болгаш далайда ортулуктардан дедир эгидип аар.

Исайя 11:14

Олар барыын чүкке филистимнерниң черлеринче шүүргедей ужуп, халдаар, чөөн чүкте чурттаан аймактарны кады үптээр; Эдом биле Моавка удур холун көдүрер, аммон чон оларга чагыртыр.

Исайя 11:16

Ынчан Ооң чонунуң артынчызынга, израиль чон Египеттен үнүп турган үеде дег, Ассириядан үнер делгем орук ажыттынар.

Исайя 14:1

Вавилоннуң кеземче көөр үези чоокшулаан, ооң өлүр хүнү кээр четкен. А Иаковту Дээрги-Чаяакчы өршээр, Израильди база катап шилип аар – израильчилерни боттарының черинге чурттадып каар – даштыкы улус олар-биле каттыжып, Иаковтуң салгалы-биле тудуш апаар.

Исайя 32:14

Чүге дээрге орду кагдынар, шимээнниг хоорай ээнзирээр; дагда шивээ биле доскуул турар суурга кезээ шагда ээн чер апаар – аңаа черлик элчигеннер амыр-шөлээн турар, сүрүг мал ону одар-белчиир кылып аар.

Иеремия 23:3

Хойларымның артынчызын үндүр сывырыпкан бүгү чурттарымдан чыып алгаш, төрээн аал-оранынче дедир чандырар мен. Олар ынчан өзүп-көвүдээр.

Иеремия 29:10

Дээрги-Чаяакчы мынча дээн: «Вавилонга берип каан чеден чыл эрте бээрге, Мен силерже сагыш салыр мен, Мээң ачы-буянныг сөзүмнү силер-биле күүседип, силерни бо черже дедир чандырар мен.

Иеремия 29:14

Мени тып аар силер – деп, Дээрги-Чаяакчы медеглээн, – Мен силерге эки чолду эгидер мен, силерни ынаар үндүр сывырыпканым бүгү чоннардан, бүгү черлерден чыып эккээр мен».

Иеремия 3:18

Ол хүннерде Иудеяның чону Израильдиң чону-биле каттыжып алгаш, соңгу чүкте чурттан силерниң ада-өгбеңерге Мээң берген черимче чоруй баар.

Иеремия 30:3

Чүге дээрге үези кээрге, Мээң чонумга, Израиль биле Иудеяга, эки чолду эгидер мен – деп, Дээрги-Чаяакчы медеглээн, – оларның ада-өгбезинге берген черимче оларны дедир чандырар мен, олар ынчан черин ээлеп чурттаар».

Иеремия 31:7

Дээрги-Чаяакчы мынча дээн: «Израильди өөрүшкүлүг алгап ырлаңар, чоннарның баштыңын мендилеңер! Чарлап, мактаңар база „Дээрги-Чаяакчы, Бодуңнуң чонуңну, Израильдиң арткан кезээн камгалап көр!“ – деп дилеңер.

Иеремия 32:44

Маңаа улус мөңгүн-биле шөлдер садып алгаш, садыглажылга бижиктери кылып, таңмалааш, херечилер кыйгырар – Вениаминниң черинге, Иерусалимниң чоок-кавызынга, Иудеяның бүгү хоорайларынга: дагларда-даа хоорайларга, Шефелада-даа хоорайларга база Негевте-даа хоорайларга ол бүгүнү кылыр, чүге дээрге Мен оларга эки чолду эгидер мен!» Дээрги-Чаяакчының медеглээн чүвези ол-дур.

Иеремия 33:12

Аг-шериглиг Дээрги-Чаяакчы мынча дээн: «Шак бо ээнзирээн, кижи-даа, дириг амытан-даа чок черге – ооң бүгү хоорайларының чоогунга база катап кадарчыларның сүрүг малын дыштандырар одар-белчиирлери турар.

Иеремия 33:7

Мен Иудея биле Израильге эки чолду эгидер мен, биеэде турганы дег быжыглаар мен.

Иеремия 47:5

Муңгаралдан Газа хоорайның чону бажын дөңгүрертир чүлүүр, Аскалон хоорайның чону үн чок апаар. Шынааның дириг арткан чурттакчылары, кажанга чедир боттарыңарны, качыгдалыңар демдээ кылдыр, балыглаар силер?»

Иезекиил 39:25

Ынчангаш Дээрги-Бурган-Чаяакчы мынча дээн: «Мен ам Иаковтуң салгалынга эки чолду эгидип, бүгү израильчилерге өршээл көргүзер мен, Бодумнуң ыдыктыг адымны камгалаар мен.

Осия 6:11

Иудея, сеңээ база дүжүт ажаар үени доктаадып каар! Мен Бодумнуң чонумга эки чолду эгидер деп баарымга,

Авдий 1:19

Негев чурттакчылары Исавтың даглыг чуртун эжелеп аар, Шефела чурттакчылары филистим чоннуң чуртун эжелеп аар; олар Эфремниң черин – Самарияның чоок-кавызын эжелеп аар, а Вениаминниң аймаа Галаад девискээрин эжелеп аар.

Михей 2:12

«О, Иаковтуң салгалы, Мен силерни шуптуңарны ыяап чыып аар мен, Израильдиң артынчызын ыяап каттыштырып каар мен. Кажаалаткан хойларны дег, одарга кодан хойну дег, силерни каттыштырып, чыыр мен – бо черни чыылган хөй кижиниң шимээни дола бээр.

Михей 4:10

Сион-кыс, божуп чыдар херээжен дег, хилинчектенип, човуурта, чүге дээрге сен ам хоорайны каапкаш, ажык шөлге турумчуп аар сен, Вавилонче чеде бээр сен. Ооң соонда аңаа камгалал алыр сен, Дээрги-Чаяакчы сени аңаа дайзыннар холундан хостап аар.

Михей 4:7

Аскак-бүскек чондан Израильдиң артынчызын тургузар мен, ойлаттырган улусту күштүг чон кылып каар мен. Шак ол хүнден эгелээш, Дээрги-Чаяакчы мен оларны Сион дагдан кезээ мөңгеде чагырар мен.

Софония 2:9

Ынчангаш дириг Бодумнуң адым-биле даңгыраглап тур мен – деп, Аг-шериглиг Дээрги-Чаяакчы, Израильдиң Бурганы медеглээн. – Моав Содом ышкаш, аммон чон – Гоморра ышкаш апаар. Оларның чери кезээ мөңгеде шагар-оът дуй үнген, кужурланчак девискээр, ээн кургаг хову апаар. Мээң чонумнуң дириг арткан улузу оларны олчалап аар, Мээң улузумнуң артынчызы оларның черин өнчү кылдыр алыр.

Софония 3:13

Израиль чоннуң артынчызы бузут үүлгетпес, мегелевес, оларның аксы-сөзүнде кара сагыш чок боор. Олар, хойлар ышкаш, одарлаан соонда, дыштанып чыдып аар, оларны кым-даа дүвүредип хоюспас».

Софония 3:20

Ол үеде Мен силерни чыып алгаш, дедир чандырар мен. Силер көрүп туруңарда, силерге эки чолду эгиткеш, чер-делегейниң бүгү чоннарының аразынга алдар-хүндүлүг чон кылып каар мен». Дээрги-Чаяакчының чугаалаан чүвези ол-дур.

Аггей 1:12

Салафиилдиң оглу Зоровавел, Иоседектиң оглу, дээди бараалгакчы Иисус база арткан бүгү чон Дээрги-Чаяакчы Бурганының сөзүн, Ооң чорутканы Аггей медээчиниң дамчыткан сөстерин тооп дыңнаан. Чон Дээрги-Чаяакчыдан корткан.

Аггей 2:2

«Салафиилдиң оглу, Иудеяның чагырыкчызы Зоровавелге, Иоседектиң оглу, дээди бараалгакчы Иисуска база арткан чонга мынча деп чугаала.

Лука 1:68

«Бодунуң чонунга дузалап чедип келгеш, аңаа хосталганы хайырлаан Дээрги-Чаяакчы – Израильдиң Бурганы алдаржызын!

Лука 7:16

Улус шупту коргуп-сүртээш, Бурганны алдаржыдып: «Өндүр улуг медээчи биске чедип келди. Бурган Бодунуң чонун камгалаар дээш келген-дир» – деп турган.

Ажыл-чорудулга 8:26

А Филиппке Дээрги-Чаяакчының төлээзи мынча дээн: «Дораан мурнуу чүкче, Иерусалимден Газа хоорай баар кагдынган ээн орукче чорувут».

Ажыл-чорудулга 8:40

А Филипп Азот хоорайга чеде хона бергеш, оон Кесарияга чеде бергижеге чедир, таварып эрткени бүгү хоорайларга Буянныг Медээни суртаалдап чораан.

Римчилерге 11:5

Амгы үеде база ындыг: Бурганның авыралы-биле шилиттинген артынчы улус кадагалаттынган.

Руф 1:6

Ол төрээн чуртунче чоруур деп шиитпирлеп алган, чүге дээрге Моавка чурттап тура, Дээрги-Чаяакчы Бодунуң чонун кээргеп, оларга ам-на дүжүт хайырлаанын дыңнап каан чүве-дир. А кенээттери база ону эдерип чорупканнар.