Софония 2:3 - Ыдыктыг Библия

³ Дээрги-Чаяакчыже чүткүңер, черниң бүгү томаанныг улузу, Ооң күзел-соруун күүседип турар улус! Чөптүг-шынныг чорукче чүткүңер, чөпшүл боорун кызыңар – Дээрги-Чаяакчының килеңиниң хүнүнде чаштынар аргалыг боор чадавас силер».

Софония 2:3 Iomraidhean Croise

2 Хааннар 12:22

Давид мынча деп харыылаан: «Кажан чаш кижи дириг турда, мен: „Канчап билир, Дээрги-Чаяакчы менче ээ көрнүр болза, чаш кижи дириг артар чадавас“ деп бодааш, шээрленип, ыглап турдум.

Ырлар 105:4

Дээрги-Чаяакчы, Бодуңнуң чонуңче ээ көрнүп тура, мени бодап кел: Бодуңнуң камгалалыңдан меңээ хайырла –

Ырлар 149:4

Дээрги-Чаяакчының сеткили Бодунуң чону дээш ханган болгай, Ол томаараан улусту, тиилелге хайырлап, каастаар.

Ырлар 45:4

Далайлар-даа шимээргеп, чалгыыр болза; даглар-даа, суглар көдүрлүп турда, сирилээр болза, кортпас бис! Сэла

Ырлар 57:1

Хөгжүм башкарыкчызынга. «Узуткава» деп аялга үдээр. Давидтии. Миктам-ыр.

Ырлар 76:9

Таанда-ла Ооң энерели кажан-даа эглип келбес бе, Ооң сөзү салгалдан салгал дамчып дыңналбас бе?

Ырлар 91:1

Амыр-дыш хүнүнде ырлаар мизмор-ыр.

Хосталыышкын 12:27

„Бо дээрге Дээрги-Чаяакчыга бараалгаткан Хосталыышкын өргүлү-дүр. Дээрги-Чаяакчы египетчилерни узуткап тургаш, израильчилерниң чурттап турган бажыңнарын оюп эрткеш, бистиң өг-бүлелеривисти камгалап каан болгай“ – деп харыылаар силер». Израиль чон ынчан Дээрги-Чаяакчыга сөгүрүп, мөгейген.

Чугаалар 18:10

Ажылынга чалгаа кижи – үрегдекчиниң дуңмазы.

Исайя 1:17

буян кылып өөренип алыңар. Чөптүг-шынныг чорукче чүткүп, дарлакчыларны сойгалап, өскүстерни камгалап, дулгуяк херээженнерге болчуңар.

Исайя 11:4

Ядыыларны Ол шынныы-биле шиидер, черниң түреңги улузунуң чаргы-чаалызын чөптүү-биле шиитпирлээр. Ооң чугаалаан сөзү, мерге дег, чер-делегейни кезедип согар, Ол Бодунуң аксындан үнген тыныжы-биле бузуттуг улусту өлүрүп каар.

Исайя 61:1

Дээрги-Бурган-Чаяакчының Сүлдези мени бүргээн-дир – Ол мени түрегдээннерге буянныг медээни дыңнатсын дээш шилип чаап каан! Ол мени сеткил-чүрээ муңгараан улусту экиртсин дээш, туттурганнарга хосталганы, хоругдаттырганнарга адырлып хосталырын чарлазын дээш;

Иеремия 39:18

чүге дээрге Мен сеңээ болчур мен. Сен хылыштан өлбес сен, амы-тынныг артары – сээң олча-кежииң болур, чүге дээрге сен Меңээ идегеп турар болгай сен“». Дээрги-Чаяакчының медеглээн чүвези ол-дур.

Иеремия 45:5

Сен бодуңга хөлүн эрттир хөй чүве дилеп тур сен. Дилеве, чүге дээрге кижи бүрүзүнче айыыл-халап ыдар мен – деп, Дээрги-Чаяакчы медеглээн. – А сени, кайнаар-даа баар болзуңза, амы-тынныг арттырар мен, дириг артары – олча-кежииң болур“».

Иезекиил 13:5

Медээчилер, ханада ойбактарда турбайн турар-дыр силер база Дээрги-Чаяакчының шииткел хүнүнде израиль чон тулчуушкунга чайгылыш чок туржур кылдыр, оларны дуглай хана тутпайн турар-дыр силер.

Осия 10:12

Чөптүг-шынныг чорукту бодуңарга тарып алыңар – энерелди ажаап аар силер; кур черни аңдарыңар, чүге дээрге Дээрги-Чаяакчыже чүткүүр үе келген-дир – Ол чедип келгеш, шын шииткелди силерже чагдырар.

Осия 7:10

Израильдиң адыыргак чоруу бодунга удур херечилээр; ол бүгү болуп турда-ла, Дээрги-Чаяакчы Бурганынче ээлбес-тир, Олче чүткүвес-тир.

Иона 3:9

Канчап билир, Бурган бисти кээргеп, Бодунуң хайнып турар килеңин бистен чайладыптар чадавас, бис ынчан өлбейн баар бис».

Захария 8:19

Аг-шериглиг Дээрги-Чаяакчының чугаалаан чүвези бо-дур: «Дөрт, беш, чеди болгаш он айда сагып турганыңар шээрлээшкин үелери Иудеяның чонунга өөрүшкүлүг, хөглүг болгаш аас-кежиктиг хүннер апаар; ындыг болганда, алыс шынга, амыр-тайбыңга ынак болуңар».

Матфей 5:5

Биче сеткилдиглер амыр-чыргалдыг, чүге дээрге чер-чуртту салгап алырлар.

1 Фессалоникчилерге 4:1

Түңнелинде, ха-дуңма, Дээрги Иисустуң ады-биле силерден ээрежип база кыйгырып тур бис: Бурганга таарымчалыг кылдыр канчаар амыдыраар ужурлуун силерге өөредип каанывыс дег, улаштыр ынчалдыр амыдыраңар. Ам безин ынчалдыр амыдырап турар силер, ындыг-даа болза, ынчаар амыдыраарын оон-даа чүткүлдүг уламчылаңар.

1 Фессалоникчилерге 4:10

Бүгү Македонияда чурттаан ха-дуңмаңарга чогум-на ынчалдыр ынак силер. Ындыг-даа болза, ха-дуңма, бот-бодуңарга оон-даа күштүг ынак бооруңарны дилеп тур бис.

1 Пётр 1:22

Алыс шынга дыңнангырыңар-биле сагыш-сеткилиңерни ам арыглап алгаш, бүзүрээн ха-дуңмаңарга ам шынчы ынакшып боор силер. Ынакшып эгелээш, бот-боттарыңарга арыг чүрээңер ханызындан ынак болуңар!

1 Пётр 3:4

Бурган харын кижиниң томаанныг болгаш оожум аажызының оңмас иштики чаражын аажок үнелээр.

2 Пётр 3:18

Авыралга база Дээргивис болгаш Камгалакчывыс Иисус Христосту билип аарынга улам өзүп-мандыңар. Ам-даа, кезээ мөңгеде-даа Аңаа алдар доктаазын! Аминь.