Софония 2:1 - Ыдыктыг Библия

^1-2 Арын-нүүр чок чон! Тодарадып каан хүн келбээнде, силерни хатка сүрдүрген тараа саваңы ышкаш өскээр сүрүп аппарбаанда, Дээрги-Чаяакчының кыптыккан килеңи силерни чиртип кааптаанда, Ооң килеңиниң хүнү силерни таварбаанда, чыглып, бөлдүнчүңер-ле!

Софония 2:1 Iomraidhean Croise

2 Чылдар 20:4

Иудейлер Дээрги-Чаяакчыдан дуза дилээр дээш чыглып келген. Улус Иудеяның бүгү хоорайларындан Аңаа чаннып, дилег кылыр дээш чедип келген.

Неемия 8:1

Чеди айда, кажан израильчилер боттарының хоорайларынга чурттай берген соонда, бүгү чон, чаңгыс кижи дег, Суг хаалгазының баарында шөлге чыглып келгеш, ном-хоойлу тайылбырлакчызы Эзрага: «Дээрги-Чаяакчының израиль чонга Моисейни дамчыштыр берген хоойлузунуң дүрүг-номун эккелем» – деп чугаалаан.

Неемия 9:1

Ол-ла айның чээрби дөртте бүгү израильчилер шээрленип, качыгдалдың самдар хевин кедип, баштарынче довурак-доозун чажып алган чыглып келген.

Эсфир 4:16

«Сузыда бар еврейлерниң шуптузун барып чыып ал, ынчангаш үш хүн иштинде дүне-хүндүс-даа чемненмейн, суг-даа ишпейн, мен дээш шээрлениңер, мен база чалча кыстарым-биле ол шээрлениишкинни шак-ла ынчаар сагыыр мен, ооң соонда хоойлуга дүүшпес-даа болза, хаанга баар мен, а өлүр-даа болза, өлгей-ле мен».

Иеремия 3:3

Ынчангаш чаъс чагбастаан, Мен часкы чаъс-чайыкты кутпайн турдум. Сээң арын-шырайың самыын-садар херээженнии дег-дир, ыядыр арның чок-тур!

Иеремия 6:15

Олар чүдек-бужар чүүлдер кылып турар, ыядыр ужурлуг улус-тур, ынчалза-даа ыядыр арын, эгенир сагыш оларда чок-тур. Ынчангаш олар аштырганнар аразынга кырлып каар, Мээң кеземче көргүзүп кээр хүнүмде кээп дүжер». Дээрги-Чаяакчының чугаалаан чүвези ол-дур.

Иоил 1:14

Ыдыктыг шээрлээшкинден доктаадыңар, онзагай чыыштан чарлаңар, чоннуң баштыңнарын болгаш чурттуң бүгү чурттакчыларын боттарыңарның Бурганыңар Дээрги-Чаяакчының өргээзинге чыылдырыңар, дуза дилеп, Ону кыйгырыңар.

Софония 3:5

Чүгле Дээрги-Чаяакчы хоорайда чөптүг чүве кылып турар, Ол бузуттуг чүве үүлгетпес. Ол эртенниң-не чырыткылыг шын шииткел үндүрүп турар, ынчалза-даа бузуттугларның ыядыр арны чок-тур.

Захария 11:8

Бир ай дургузунда өске үш кадарчыны узуткап каан мен. Ол садыгжылар меңээ хөңнү чок апарган, мен база олардан хөңнүм кала берген.

Матфей 18:20

Чүге дээрге Мээң адымны хүндүлээр дээш ийи азы үш кижи каяа чыглырыл, Мен база аңаа турар мен».