Софония 1:5 - Ыдыктыг Библия

⁵ Бажыңнар кырындан сылдыстарның аг-шериинге мөгеер улусту, Мээң адым-биле деңге Милхом бурганның ады-биле даңгыраглап, мөгейиг кылыр улусту чок кылып каар мен.

Софония 1:5 Iomraidhean Croise

3 Хааннар 11:33

Мен ынчаар кылыр мен, чүге дээрге Соломоннуң улузу Менден ойталап, сидончуларның бурганы Астартага, моавтарның бурганы Хамоска болгаш аммоннарның бурганы Милхомга мөгейип, Соломоннуң ачазы Давид ышкаш, Мээң оруктарым эдербээн-дир, Мээң тааржыр деп көөр чүвемни кылбайн турган-дыр, Мээң дүрүмнерим, айтыышкыннарымны сагывайн барган-дыр.

3 Хааннар 11:5

Ол сидончуларның кыс бурганы Астартага, аммоннарның чүдек-бужар бурганы Милхомга бараан болуп эгелээн.

3 Хааннар 18:21

Илия чон мурнунче үнүп келгеш: «Чежеге чедир ийи чүдүлге аразынга чайгылып кээр силер? Бир эвес ёзулуг Бурган – Дээрги-Чаяакчы болза, Ону эдериңер, а бир эвес Ваал болза, Ваалды эдериңер» – дээн. Чон харыы кылдыр чүнү-даа ыыттаваан.

4 Хааннар 17:32

Олар ол кадында Дээрги-Чаяакчыга база мөгейип, бедик черлерге бараан болуру-биле боттарының аразындан таварышкан-на улусту томуйлап каарга, ол бараалгакчылар бедик черлерде өргээлерге өргүл салып, бараан болуп турган.

4 Хааннар 17:33

Олар Дээрги-Чаяакчыга мөгейип турганнар, ынчалза-даа боттарын оортан көжүрүп үндүре берген черлерниң чаңчылдарын ёзугаар боттарының бурганнарынга база бараан болуп турганнар.

4 Хааннар 17:41

Дээрги-Чаяакчыдан коргуп тургаш безин, ол чоннар дүрзү-бурганнарга база бараан болуп турганнар. Оларның ажы-төлү, ажы-төлүнүң үре-салгалы ада-өгбезиниң кылып турган чүвезин амдыгаа чедир кылып турар.

4 Хааннар 23:12

Иосия Иудеяның хааннарының Ахазтың үстүкү өрээлиниң кырынга тургузуп кааны өргүл салыр бедигээштерни база Дээрги-Чаяакчының өргээзиниң ийи шөлүнге Манассия хаанның тудуп кааны өргүл салыр бедигээштерни үрегдеп, буза шапкаш, бузундуларын Кедрон шынаазынче үндүр октапкан.

Исайя 22:1

Көстүүшкүн шынаазының дугайында өттүр билген медеглел бо-дур. Сээң-биле чүү болуп тур? Чүге сээң чурттакчыларың шупту бажыңнарының кырында чыглып келди?

Исайя 44:5

Бир кижи: „Мен Дээрги-Чаяакчыга хамааржыр мен“ – дээр, өске кижи: „Мен база Иаковтан укталган мен“ – дээр. Улус боттарының холдарынга „Дээрги-Чаяакчыныы мен“ деп бижип аар болгаш Израиль деп адаттырар».

Исайя 45:23

Мен Бодумнуң адым-биле даңгыраглаан мен, Мээң аксымдан чөптүг-шынныг, өскертип болбас сөс үнген: Мээң мурнумга дискек бүрүзү сөгүрүп олурар, Мээң адым-биле дыл бүрүзү даңгыраглаар.

Исайя 48:1

«Дыңнаңар, Иаковтуң салгалы, Израильдиң ады-биле адаттырган, Иудеядан келген улус! Дээрги-Чаяакчының ады-биле даңгыраглаар силер, Израильдиң Бурганын алгап-мактаар силер. Боттарыңарга хамаарыштыр „Ыдыктыг хоорайның чурттакчылары бис“ база „Аг-шериглиг Дээрги-Чаяакчы деп аттыг Израильдиң Бурганынга идегээр бис“ дээр силер, ынчалза-даа Бурганга шынчы чоруктан, чөптүг-шынныг чоруктан ырак силер.

Иеремия 12:16

Бир эвес олар Мээң чонумнуң оруктарын истеп өөренип аар болза, боттары-ла Мээң чонумну Ваал бурганның ады-биле даңгыраглаарынга өөреткени дег, Мээң адым-биле: „Дээрги-Чаяакчы дириг!“ – деп даңгыраглаар болза, олар база Мээң чонумнуң кезии апаар.

Иеремия 19:13

Иерусалимниң бажыңнары, Иудеяның хааннарының бажыңнары – улус оларның кырынга сылдыстарның аг-шериинге айдызаашкын кылып, өске бурганнарга арага чажып турган бүгү бажыңнар Тофет ышкаш арыг эвес апаар“».

Иеремия 32:29

халдейлер ынаар киргеш, ону отка чиртир – хоорайны, ээлери оларның кырынга Ваал бурганга айдызаашкын кылып, хары бурганнарга арага чажып, Мени килеңнедип турган бажыңнарны өрттедиптер.

Иеремия 4:2

шынныы-биле, ак сеткилдии-биле: „Дириг Дээрги-Чаяакчының ады-биле даңгыраглап тур мен!“ – дээр болзуңза, өске чоннар Бургандан ачы-буян алыр, Ол дээш чоргаарланыр».

Иеремия 49:1

Аммон чон дугайында Дээрги-Чаяакчы мынча дээн: «Израильдиң ажы-төлү чок чүве бе? Ооң салгакчызы чок чүве бе? А Милхом бурган чүге Гадтың черин эжелеп алды, ооң чону чүге Гадтың хоорайларында чурттап турарыл?

Иеремия 5:2

Иерусалимниң чурттакчылары дириг Дээрги-Чаяакчының ады-биле даңгыраглап турар, ынчалза-даа ол даңгырактары меге боор-дур».

Иеремия 5:7

Мен сени канчап өршээр мен? Сээң улузуң Менден ойталаан-дыр, Бурган болбас дүрзүлер ады-биле даңгыраглаар-дыр. Мен тоттуруп турумда-ла, олар самыыралга алзып, самыын херээженнер бажыңнарында тырлып турар-дыр.

Иеремия 7:10

а оон Мээң мурнумга чедип келгеш, Мээң адым-биле адаан бо өргээге туруп алгаш: „Камгалал алдывыс!“ – деп чугаалааш, ол бүгү чүдек-бужар үүлгедиглериңерни улаштыр кылыр деп баар-дыр силер!

Иеремия 7:9

Оорланыр, кижи өлүрер, самыыраар, мегелеп даңгыраглаар, Ваал бурганга айдызаашкын кылыр, билбес чорааныңар өске бурганнарга мөгеер-дир силер,

Иеремия 8:2

Ол сөөктерни хүн биле айның адаанга, ол улустуң ынак чорааны, бараан болуп чорааны сылдыстарның бүгү аг-шерииниң мурнунга тарадыр октаптар. Олар ук чырымалдарга мөгейип, олардан айтыртынып, оларның мурнунга доңгая кээп дүжүп турган болгай! Ол сөөктерни кым-даа чыгбас, орнукшутпас – черге өдек ышкаш артып каар.

Осия 10:2

Израильчилерниң сеткил-чүрээ Дээрги-Чаяакчыга шынчы эвес, ол кем-буруузу дээш, олар кеземче алыр: Дээрги-Чаяакчы оларның өргүл бедигээштерин үреп кааптар, даш көжээлерин чуура шавар.

Осия 4:15

Израильчилер, силер бодуңар самыырап-даа турар болзуңарза, оода-ла Иудеяны бачытче киирбеңер; Галгал хоорайже барбаңар, Бет-Авенче көдүрүлбеңер, дириг Дээрги-Чаяакчының ады-биле даңгыраглаваңар.

Амос 5:26

Хаан-бурганыңар Саккуттуң болгаш сылдыс-бурганыңар Кайванның дүрзүлерин – боттарыңарга кылып алган дүрзү-бурганнарыңарны ап чораан болгай силер!

Матфей 6:24

Кым-даа ийи дээргиге хары угда бараан бооп шыдавас: чок-ла болза бирээзин көрбес, а өскезинге ынак боор азы бирээзинге кызып бараан болгаш, өскезин тоовас боор. Силер база Бурганга болгаш акша-мөңгүнге хары угда бараан болуп шыдавас силер.

Ажыл-чорудулга 10:9

Даартагы хүннүң дүъш үезинде, ол улус хоорайга чоокшулап кел чыдырда, Пётр бажың кырынче мөргүп үне берген.

Римчилерге 14:11

Бижилгеде мынча дээн болгай: «Дириг Бодумнуң адым-биле даңгыраглап тур мен – деп, Дээрги-Чаяакчы медеглээн . – Дискек бүрүзү Мээң мурнумга сөгүрүп олурар, дыл бүрүзү Мени Бурган деп хүлээп көөр» .

Ы. х. к. 10:20

Чүгле Дээрги-Чаяакчы Бурганыңдан коргуп чор, Аңаа бараан бол, Ооң-биле коштунчу бер, Ооң ады-биле даңгырагла.

Ы. х. к. 4:19

Дээрже көргеш, ооң шупту аг-шериин: хүннү, айны, сылдыстарны көрүп кааш, элзеттирип, оларга мөгейип, бараан болуп эгеледиңер халак, Дээрги-Чаяакчы Бурганыңар ол бүгүнү дээр адаанда шупту өске чоннарга, оларның үлүү кылдыр, хуваап берген болгай,

Иисус 23:7

Бо чуртта артып калган чоннар-биле каттышпаңар. Оларның бурганнарының адын адап кыйгырбаңар, ол бурганнарның ады-биле даңгырак бербеңер. Ол бурганнарга мөгейип, бараан болбаңар.