Софония 1:3 - Ыдыктыг Библия

³ Кижилерни, мал-маганны узуткаар мен; дээрниң куштарын, далайның балыктарын узуткаар мен. Бузуттуг улусту дуурайлаткан чүвелери-биле кады чок кылып, чер кырында бар улусту амылыг арттырбас мен – деп, Дээрги-Чаяакчы медеглээн. –

Софония 1:3 Iomraidhean Croise

Эге дөс 6:7

Дээрги-Чаяакчы: «Чер кырында чаяап кааным кижилерниң шуптузун, олар-биле кады мал-маганны, аң-меңни, дээрниң куштарын узуткап каар мен; оларны бодарадып каанымга хараадап тур мен» – дээн.

Исайя 27:9

Израиль чон бодунуң кем-буруузундан мынчаар адырлыр, ол бодунуң бачыдындан ойталаар болза, үре-түңнели мындыг болур: ол өргүл салыр бедик черлерниң дажын, чугай дажы дег, чуура шаап кааптар, ыдыктыг ыяштарны-даа, адагаштарны-даа тура тыртып кааптар.

Исайя 6:11

Мен ынчан: «Кажанга чедир ындыг болурул, Дээрги?» – деп айтырдым. Ол меңээ: «Хоорайлар ээнзиреп, чурттакчы чок арткыжеге чедир, бажыңнар октаттына бергижеге, шөлдер ээнзиреп, хоозурап калгыжеге чедир;

Исайя 6:12

Дээрги-Чаяакчы бүгү улусту үндүр сывырыптарга, бо чер шуут кагдына бергижеге чедир – деп харыылаан. –

Иеремия 12:4

Чежеге чедир кырында чурттаан кижилерниң кем-буруузу дээш чер качыгдаарыл, хову-шөлде оът-сиген оңуп кадарыл? Аң-мең-даа, куштар-даа чиде берген, чүге дээрге ол кижилер: «Дээрги-Чаяакчы бистиң оруувусту көрбес-тир» – деп турар-дыр.

Иеремия 50:3

Соңгу чүктен бир чон келгеш, Вавилонга удур халдааш, ооң черин хоозурадыр. Аңаа кым-даа чурттап артпас: кижи-даа, дириг амытан-даа оон көжүп үнгеш, улчуп чоруй баар.

Иеремия 7:20

Ынчангаш Дээрги-Бурган-Чаяакчы: «Мээң хорадаан килеңим бо черни, кижилер болгаш мал-маганны, шөлде ыяштарны, черниң үнүш-дүжүдүн хөме аптар. Килеңим өшпейн кыптыгар!» – дээн.

Иеремия 9:10

Дагларның ажыын ажып ыглап-сыктаар мен, ховуларда одарлар дээш ишкирнигип ыглаар мен. Чүге дээрге олар өрттенип калган-дыр, аңаа чорумалдар таварышпастаан-дыр, сүрүг хойлар эдери дыңналбастаан-дыр. Дээрниң куштары ужуп чоруй барган, хамык аң-мең тарадыр халчы берген.

Иезекиил 44:12

Ынчалза-даа левиттер чон-биле кады дүрзү-бурганнарга мөгееринге киржип, израильчилерни бачытче дуурайлап киирген боорга, олар боттарының кем-буруузун чүктээр деп даңгыраглаан мен – деп, Дээрги-Бурган-Чаяакчы медеглээн. –

Иезекиил 7:19

Олар мөңгүнүн кудумчуже үндүр октаптар, алдынын, арыг эвес чүүл дег, херекке албас. Дээрги-Чаяакчының килеңнээн хүнүнде оларны алдыны-даа, мөңгүнү-даа камгалап шыдавас. Олар ооң-биле аштаанын чидирип, хырнын тоттуруп шыдавас. Алдын-мөңгүнү оларга моондак болуп, бузут-бакче киирген болгай.

Осия 14:3

Мөргүүр сөстериңер боданып алгаш, Дээрги-Чаяакчыже эглип кээп: „Хамык кем-буруувусту өршээп, эккээр чүүлүвүстү ээ көрнүүшкүн-биле хүлээп ап көрем, аксы-сөзүвүстүң макталын өргүл кылдыр Сеңээ эккээр бис.

Осия 14:8

Ооң хөлегезинге серииттенип олурган улус ээп келир, олар далган-тарааны эңдере ажаап аар, боттары виноград сывы дег чечектелип, Ливанның сураглыг арагазы ышкаш алдаржый бээрлер.

Осия 4:3

Ол бүгү дээш, бо чер ыглап-сыктаар, ооң чурттакчылары черлик аң-мең болгаш дээрниң куштары-биле кады кырлып каар, далайның балыктары безин өлүп каар.

Захария 13:2

Ол хүн Мен чер кырындан дүрзү-бурганнарның аттарын узуткап кааптар мен, оон ыңай улус оларны сагынмас апаар – деп, Аг-шериглиг Дээрги-Чаяакчы медеглээн. – Ол ышкаш бо черден меге медээчилерни база буктарны ырадып кааптар мен.

Матфей 13:41

Кижи амытан Оглу Бодунуң төлээлерин чорудуптарга, олар Ооң Чагыргазындан улусту бачытче чыгап база бузут үүлгедип турганнарның дөгерезин аңгылай үскеш,

Матфей 23:39

„Дээрги-Чаяакчының өмүнээзинден кел чыдар Кижи алгадып-йөрээтсин!“ – дей бээриңер шаг-үе келбээн шаанда, Мени ам черле көрбезиңерни чугаалап тур мен».

Ажыдыышкын 2:14

Ындыг-даа болза, Мээң силерге удур чугаалаар каш чүүлдерим база бар: силерниң араңардан чамдыыңар Валаамның өөредиин эдерген-дир. А ол Валаам израиль чонну бачытче канчаар сундугарынга Валакты өөредип каан болгай. Олар дүрзү-бурганнарга өргээн чем чип, самыырап турганнар.