Софония 1:12 - Ыдыктыг Библия

¹² Ол үеде Мен Иерусалимни чырыткы тудуп алгаш, эргип кезип, турнуккан арага дег амыр-шөлээн улусту, „Дээрги-Чаяакчы бистиң-биле эки-даа, багай-даа чүве кылбас“ деп бодаар улусту кезедир мен.

Софония 1:12 Iomraidhean Croise

Иов 21:15

Бурган деп кымыл ол, чүге Аңаа бараан болур бис, Аңаа мөргээн ажыы чүл?“ – дижир-дир.

Ырлар 10:4

А Дээрги-Чаяакчы Бодунуң ыдыктыг өргээзинде, Ооң дүжүлгези – дээрлерде; Ооң карактары хайгаарап көрүп турар, Ооң көрүжү кижи төрелгетенни шенеп турар.

Ырлар 14:1

Дээрги-Чаяакчы! Кым Сээң өргээ-майгыныңга чурттап шыдаарыл? Кым Сээң ыдыктыг дааңга турумчуп чурттаарыл?

Ырлар 94:7

Ол – бистиң Бурганывыс-тыр, а бис – Ооң коданында чон бис база Ооң карактааны хойлар бис. Бөгүн Бурганның мынча дээн үнүн дыңнап каан болзуңарза:

Исайя 5:19

«Бурган далажып, Бодунуң ажыл-херээн дүргедетсин – бис ону көрүксеп тур бис; Израильдиң ыдыктыг Бурганының бодалы бисче чоокшулап, чогуп бүтсүн – бис ону билип алыксап тур бис» – деп кыжырып чугаалаар улус ат болур!

Иеремия 10:5

Ногаа олурткан шөлде хоютку дег, ол дүрзү-бурганнар чугаа-сөс чок. Оларны улус көдүрүп, дажыглап чоруп турар, а боттары чаңгыс-даа базым кылып шыдавас. Олардан кортпаңар, олар хора халдадыр харыы-даа чок, ачы-дуза чедирер шаа-даа чок».

Иеремия 48:11

Моав, турнуккан арага дег, аныяандан-на амыр-шөлээн чораан. Ону бир савадан өске саваже солуй кутпаан, тудуп аппарбаан – ооң амданы биеэги хевээр арткан, чаагай чыды өскерилбээн.

Иезекиил 8:12

Дээрги-Чаяакчы меңээ мынча диди: «Кижи амытан, израиль чоннуң баштыңнарының караңгыда, кайызы-даа бодунуң дүрзү-бурганынга мөгеер өрээлинде, чүнү кылып турарын көрүп тур сен бе? Олар: „Дээрги-Чаяакчы бисти көрбейн турар, Ол бо черни каапкан“ – дижир-дир».

Иезекиил 9:4

аңаа: «Иерусалим хоорайны таварып эрте бер, ында үүлгеттинип турар бүгү чүдек-бужар чүүлдер дээш качыгдап, ыглашкан улустуң хавактарын демдектеп каг» – деп чугаалады.

Иезекиил 9:9

Ол меңээ: «Израиль болгаш Иудеяның бузут-багы канчаар-даа аажок улуг-дур, бо черни хан хөме алган-дыр, хоорайны кемниг херектер бүргээн-дир. Улус: „Дээрги-Чаяакчы бо черни каапкан-дыр, Ол көрбейн турар-дыр“ – деп тур.

Амос 6:1

Сион дагда сагыш амыр чурттап турар улус ат болур, «Самарияның даанга айыыл чок чурттаар бис» деп бодап турар улус, израильчилерниң оларга кээп турары баштың чоннуң ат-сураглыг улузу ат болур!

Авдий 1:6

А Исавтың үре-салгалының бүгү чүвезин үптеп-тонап, ооң чажыт шыгжамырларын безин үжеп-чиндиири кайы хире-дир!

Малахия 2:17

Дээрги-Чаяакчыны чугаа-сөзүңер-биле бужургандырып алган-дыр силер. «Чүвүс-биле Аңаа бужурганчыг апарганывыс ол?» – деп айтырар-дыр силер. «Дээрги-Чаяакчы бузут үүлгедип турар улусче эки көрнүп турар, Ооң сеткилинге ындыг улус кирип турар» – деп хыйланып турарыңар-биле база «Чөптүг шииткел кылыр Бурган кайыл?» – деп айтырып турарыңар-биле.

2 Пётр 3:4

Олар: «Христостуң ээп кээрин аазаан болгай, Ооңар ам кайыл? Чаяалганың эгезинден, ада-өгбелеривис өлгүлээнден бээр бо делегейде өскерилген чүү-даа чок-тур» – деп кочуургап чугаалаарлар.

Ажыдыышкын 2:23

Иезавелди эдергеннерни база узуткаар мен. Улустуң угаан-бодалынче, күзелинче бакылап турар Кижи дээрге-ле Мен-дир дээрзин бүгү христиан ниитилелдер билип алыр. Мен кижи бүрүзүн ооң кылган херектерин ёзугаар шаңнаар азы кезедир мен.