Софония 1:11 - Ыдыктыг Библия

¹¹ Согааш кудумчузунуң чурттакчылары, ыглажыңар, чүге дээрге силерниң бүгү садыгжыларыңар, мөңгүн-биле саарылга кылып турар улузуңар узуткаттырар.

Софония 1:11 Iomraidhean Croise

Иов 27:16

Ындыг кижи доозун дег хөй мөңгүннү, дой-довурак дег эңмежок хепти чыып-даа алза,

Иов 27:17

ооң чыып алган хевин чөптүг кижи кедер, мөңгүнүн кем-буруу чок кижи үлүг кылдыр алыр.

Иеремия 25:34

Чагырыкчылар, ыглап-сыктаңар, човууртаңар, сүрүг баштыңнары, качыгдалдан довуракка боражыңар, чүге дээрге силерни дөгерер дээш аппаар үе келген-дир. Силерни, үнелиг сава дег, буза шавар, тоо быдарадыр.

Иеремия 4:8

Ынчангаш качыгдал хевинден кеткеш, ишкирнигип ыглажыңар, Дээрги-Чаяакчының килеңи бисти оюп эртер эвес.

Иезекиил 21:12

Кижи амытан, човууртап, ишкирнип ыгла, чүге дээрге ол хылыш Мээң чонумга, Израильдиң бүгү нояннарынга удур көдүрлүр; оларны Мээң чонум-биле кады кыргыдып-хыдытсын дээш хылышка каап бээр; ынчангаш качыгдалдан бажың шаштын.

Осия 9:6

Израильчилер чылча шаптырыышкындан чайлай берзе-даа, Египет оларны чыггаш, Мемфиске хөөржүдүп каар. Оларның мөңгүнден кылган улуг үнелиг чүүлдерин шагар-оът дуй аптар, чадырларынга тенниг үнүштер үнүп кээр.

Иоил 1:13

Бурганның бараалгакчылары, качыгдал хевин кедип алыңар, ыглап-сыктаңар. Өргүл бедигээжиниң мурнунда бараан болуп турар улус, ишкирнигип ыглаңар. Мээң Бурганымның бараан болукчулары, чедип келгеш, качыгдал хевин кеткеш, өргээге дүннү эрттириңер, чүге дээрге Бурганыңарның өргээзинде далган-тараа болгаш арага өргүлдери ам чок-тур.

Иоил 1:5

Арагачылар, оттуп келгеш, ишкирнигип ыглаңар. Виноград арагазы ижип турар бүгү улус, ооң чулуунуң ажыын ажып, ыглаңар, чүге дээрге ону силерниң аксыңардан хунаап алган-дыр.

Софония 2:5

Далай эрии черниң чурттакчылары, керет аймак, ат болур силер! Ханаан чер, филистимнер чурту, Дээрги-Чаяакчы сеңээ үндүрген шииткелин дыңнадып тур: Мен сени узуткап каар мен, чурттакчы чон чок артар сен!

Захария 14:21

Иерусалимде база Иудеяда бүгү паш-сава Аг-шериглиг Дээрги-Чаяакчыга ыдыктаткан болур. Өргүл салыры-биле келген бүгү улус ол паш-саваны ап алгаш, өргээн малдың эъдин быжырар. Ол хүн Аг-шериглиг Дээрги-Чаяакчының өргээзинге садыгжылар турбас.

Иоанн 2:16

Көге-буга сатканнарга Иисус: «Ооңарны моон ырадыңар! Мээң Адамның өргээзин садыг-саарылга чери кылбаңар!» – деп дужааган.

Иаков 5:1

Байлар, ам силер мени дыңнаңар! Ишкирнигип ыглап-сыктаңар, чүге дээрге хай-халаптар силерже диргелип кел чыдар-дыр.