Руф 1:5 - Ыдыктыг Библия

⁵ Махлон болгаш Хилеон база чок апаарга, Ноемин ашаа-даа, оолдары-даа чок арткан.

Руф 1:5 Iomraidhean Croise

Исайя 49:21

Сен ынчан „Оларны меңээ кым божуп берген чүвел? Мен ажы-төлүмнү чидирдим, төл төрүвес апардым, туттуруушкунга чурттап, аал-чурттан ыракка турдум. Оларны кым өстүрүп кааныл? Мен көңгүс чааскаан арткан болгай мен, а олар кайыын келгенил?“ деп боданыр сен».

Иеремия 2:19

Кем-бурууң дээш кеземче алыр сен, өскерлиишкиниң дээш сени кезедир; ынчангаш Дээрги-Чаяакчы Бурганыңдан ойталааның, Менден кортпас апарганың кайы хире айыыл-халап, ажыг-шүжүгге чедиргенин билип, көрүп ал». Аг-шериглиг Дээрги-Бурган-Чаяакчының медеглээн чүвези ол-дур.

Лука 7:12

Иисус ол хоорайның хаалгазынга чоокшулап кээрге, оон дулгуяк иениң эр чаңгыс оглу болур өлген кижини үндүрүп бар чыткан, а иени хөй чон эдерип чораан.

Ы. х. к. 32:39

Көрүңер даан: Мен дээрге Бурган-дыр мен; Менден өске Бурган чок-тур; Мен өлүрүп база тынгарып турар мен, балыглап база экиртип турар мен, кым-даа Мээң холумдан кижини адырып шыдавас.

Руф 1:2

Ол кижини Элимелех, кадайын – Ноемин, оолдарын – Махлон болгаш Хилеон деп адаар турган, олар Иудеяның Вифлеемден келген эфраттар чүве-дир. Олар моав черге чедип келгеш, аңаа турумчуп алганнар.

Руф 1:4

Ооң соонда Ноеминниң оолдары бирээзин Орфа, а өскезин Руф деп адаар ийи моав уругну кадай кылдыр ап алгаш, аңаа он чыл хире чурттааннар.

Руф 1:6

Ол төрээн чуртунче чоруур деп шиитпирлеп алган, чүге дээрге Моавка чурттап тура, Дээрги-Чаяакчы Бодунуң чонун кээргеп, оларга ам-на дүжүт хайырлаанын дыңнап каан чүве-дир. А кенээттери база ону эдерип чорупканнар.