Осия 9:3 - Ыдыктыг Библия

³ Олар Дээрги-Чаяакчының черинге чурттап артпас. Эфрем Египетче дедир чоруптар, Ассирияга база арыг эвес аъш-чем чиир.

Осия 9:3 Iomraidhean Croise

3 Хааннар 9:7

Мен израиль чонну силерге берген Мээң черимге турбас кылдыр узуткап каар мен, Бодумнуң алдар-адымга дээш ыдыктап кааным бо өргээден ойталаар мен. Израиль ынчан бүгү чоннарга бужар үлегер-чижек, кочу-шоот апаар.

4 Хааннар 17:6

Осияның чагыргазының тоску чылында Салманассар Самарияны эжелеп ап, израильчилерни Ассирияже тудуп аппаргаш, оларны Халахка, Хавор хем чанында Гозанга болгаш Мидияның хоорайларынга чурттадып каан.

Иеремия 16:18

Мен оларны кем-буруузу, бачыттары дээш база Мээң черимни амы-тын чок чүдек дүрзүлери-биле бужартатканы, Мээң ээлээн черимни боттарының чүдек-бужар чүүлдери-биле долдурганы дээш ийи дакпыр кезедир мен».

Иеремия 2:7

Мен силерни дүжүткүр черже, ооң ачы-буянныг беримчези-биле чемнензин дээш, эккелдим. А силер чедип келгеш, канчалдыңар? Мээң чуртумну бужартадып, Мээң ээлээн черимни чүдек-бужар чүүл кылып кагдыңар!

Ыы-сыы 5:6

Аъш-чем-не чедишсин дээш, Ассирия, Египеттен ачы-дуза дилээр-дир бис.

Иезекиил 4:13

Дээрги-Чаяакчы оон: «Израиль чон Меңээ үндүр сывыртадып алгаш, өске чоннар аразынга барып, арыг эвес аъш-чемни шак ынчаар чиир» – дээн.

Даниил 1:8

Даниил хаанның хандырганы чем-биле-даа, арага-биле-даа бодун бужартатпас деп ыяк шиитпирлеп алган. Ынчангаш ол дүжүметтер даргазындан арыг эвес чем чивезин чөпшээрээрин дилээн.

Осия 11:11

Олар Египеттен – бора-хөкпеш ышкаш, Ассириядан – көге-буга ышкаш ужуп чедип кээр; оларны боттарының аал-ораннарынга чурттадып каар мен». Дээрги-Чаяакчының медеглээн чүвези ол-дур.

Осия 11:5

Израиль Египетче дедир ээп чоруур, Ассирия ону чагырар, чүге дээрге ол Менче эглиринден ойталаан-дыр.

Осия 7:11

Эфрем мелегей, сарыыл чок көге-буга дег-дир: дуза дилеп, бирде Египетти кыйгырып, бирде Ассирияже барып турар-дыр.

Осия 7:16

Олар кымче-даа эглип кээп турду, чүгле Дээди Өрүкү Бурганче эвес; олар ыргак-дагыр согуннар дег апарды; оларның нояннары аксы-дылының каржы-багы дээш хылышка шаштырып аар, ынчан Египеттиң чону оларны кочулап-шоодар».

Осия 8:13

Олар Дээрги-Чаяакчыга өргүл кылдыр эът эккеп салгаш, чип аар. Оларның өргүлдери Меңээ таарымчалыг эвес; Мен ам оларның бузудун бодап келгеш, бачыттары дээш кезедир мен: олар Египетче эглип кээр.

Осия 9:6

Израильчилер чылча шаптырыышкындан чайлай берзе-даа, Египет оларны чыггаш, Мемфиске хөөржүдүп каар. Оларның мөңгүнден кылган улуг үнелиг чүүлдерин шагар-оът дуй аптар, чадырларынга тенниг үнүштер үнүп кээр.

Левит 18:28

Силер черни бужартадып эгелээр болзуңарза, демги чоннарны үндүр кызыпканы дег, чер силерни база үндүр кызыптар.

Левит 20:22

Мээң бүгү дүрүмнерим болгаш хоойлуларымны сагыңар база күүседиңер. Оон башка Мээң аңаа чурттазыннар дээш аппар чоруурум чурт силерни үндүр кыза бээр.

Левит 25:23

Чер Меңээ хамааржыр, ынчангаш ону кезээ мөңгеде садып болбас, а силер дээрге Мээң черимге түр када турумчуп алган көшкүн улус-тур силер.

Амос 7:17

Ол дээш Дээрги-Чаяакчы: „Сээң кадайың хоорайга самыын-садар херээжен апаар, оглу-кызың хылышка шаштырып өлүр, сээң чериңни хендир-биле хемчээп, үлеп-хуваап кааптар, а сен бодуң арыг эвес черге өлүр сен; израиль чонну бодунуң черинден тудуп аппаар!“ – деп чугаалаан».

Михей 2:10

Дораан чоруй барыңар – бо черге ам амыр-дыш турбас, ону арыг эвези дээш буурадып каар, ол болза коргунчуг буураашкын боор.

Ажыл-чорудулга 10:14

Ынчалза-даа Пётр: «Черле хоржок, Дээрги-Чаяакчы! – деп харыылаан. – Мен кажан-даа бужар, арыг эвес чүве чип көрбээн мен».

Ы. х. к. 28:63

Силерге буян көргүзүп, силерни өстүрүп-көвүдедип тура, Дээрги-Чаяакчының өөрүп турганы дег, силерни узуткап, кырып тура, Ол база өөрүүр;

Ы. х. к. 28:68

Мээң сеңээ: „Ону моон соңгаар көрбес сен“ – дээним орук-биле Дээрги-Чаяакчы сени Египетче, корабльдарга олурткаш, дедир эккээр, аңаа бодуңарны эр, херээжен кулдар кылдыр дайзыннарыңарга садар дээриңерге, садып алыкчы тывылбас».

Ы. х. к. 4:26

Ынчаар болзуңарза, бөгүн дээр биле черни силерге удур херечилер кылдыр кыйгырып, сагындырып тур мен: ээлеп алыр дээш Иорданны кежип турарыңар черден доп-дораан ис чок чиде бээр силер, аңаа үр-даа чурттавайн, узуткаттырып аар силер!

Иисус 23:15

Дээрги-Чаяакчы Бурганыңар ол эки аазаашкыннарын канчаар күүсеткенил, шак ынчалдыр Бодунуң чугаалаан кыжаныышкыннарын база күүседип, Бодунуң силерге берген бо чаагай черинге силерни узуткап шыдаар.