Осия 9:1 - Ыдыктыг Библия

¹ Израиль, өөрбейн көр, өске чоннар ышкаш байырлап-хөглеве, чүге дээрге самыырааш, Бурганыңдан ойталаан-дыр сен, хамык тараа шаңнарынга самыын-садар чорук дээш төлевир алырынга ынак-тыр сен.

Осия 9:1 Iomraidhean Croise

Исайя 17:11

Оларны олурткан хүнүңде-ле өстүрүп ап шыдадың, тарып каарыңга, даартазында-ла чечектели бээр кылып алдың, ынчалза-даа дүжүт албас сен, ол хүн аарыг-човалаң биле улуг качыгдал ажаап аар сен.

Иеремия 2:19

Кем-бурууң дээш кеземче алыр сен, өскерлиишкиниң дээш сени кезедир; ынчангаш Дээрги-Чаяакчы Бурганыңдан ойталааның, Менден кортпас апарганың кайы хире айыыл-халап, ажыг-шүжүгге чедиргенин билип, көрүп ал». Аг-шериглиг Дээрги-Бурган-Чаяакчының медеглээн чүвези ол-дур.

Иеремия 2:20

«Бурунгу шагда-ла Мен хомудуңну буза шаап, моожаңны үзе тыртып берген мен, а сен: „Бараан болбас мен!“ – дидиң, бүгү бедик тейлер бажынга, таварышкан-на хөлегелиг саглагар ыяш адаанга самыырап турдуң!

Иеремия 44:17

Кылыр бооп аазаан бүгү чүвевисти моон-даа соңгаар кылыр бис: мурнунда боттарывыстың, ада-өгбевистиң, хааннарывыстың болгаш нояннарывыстың Иудеяның хоорайларынга, Иерусалимниң кудумчуларынга кылып турганывыс дег, дээрниң Кадынынга айдызаашкын кылып, арага өргүлү чажар бис. Бис ону кылып тургаш, тоттур чемненип, аас-кежиктиг чурттап, бак чүве көрбээн болгай бис.

Ыы-сыы 4:21

Уц дээр черде чурттай берген Эдом-кыс, амдыызында өөрүп-хөгле. Килең долган үлүг-дашка сеңээ чедер – шалдаңналдыр ужур ижип, эзириир сен. ת (тав)

Иезекиил 16:15

«А оон сен бодуңнуң чараш-каазыңга идегээш, ат-алдарыңны ажыглап, самыырап эгеледиң. Чаның-биле эрткен кижи бүрүзү-биле самыын чорук кылып, кым-биле-даа холбажыптар турдуң.

Иезекиил 16:30

Дөстүнмес самыын херээжен ышкаш, ол бүгүнү үүлгедип туруңда, сээң чүрээң кайы хире могап-турупкан ирги! – деп, Дээрги-Бурган-Чаяакчы медеглээн. –

Иезекиил 20:32

Силер: „Бүгү өске чоннар ышкаш, өске чер чурттуг аймактар ышкаш, ыяш биле дашка бараан болур бис“ – дээр-дир силер. Ынчалза-даа силерниң угаан-бодалыңарга кирген ол чүве канчап-даа боттанмас.

Иезекиил 21:10

кыргып-хыдызын дээш чидидип, чаңнык ышкаш кызаңназын дээш, кылайтыр чүлгүп каан хылыш бар. Канчап өөрүүр бис? Мээң ажы-төлүм кандыг-даа кеземчени тоовас-тыр!

Осия 10:5

Самарияның чурттакчылары Бет-Авенде дүрзү-бугажыкка мөгеер дээш барып турар; ол дүрзүге мөгеер чон-даа, ооң өөрүп турган бараалгакчылары-даа ол дээш кажыыдап, ыглажыр. Чүге дээрге дүрзүнүң каас-чаражын чок кылып каар,

Осия 2:12

Ооң: „Хандыкшааннарымның берген төлевири бо-дур“ – деп турганы виноград сыптарын, фига ыяштарын куругладыр мен; оларның үнген сесерлиин арга-эзим кылдыр хуулдуруптарымга, черлик аң-мең чимистерни чип кааптар.

Осия 4:12

Ол кылып алган ыяш дүрзүзүнден айтыртынып турар-дыр, даянгыыжы аңаа харыы бээр-дир. Самыыраашкынның сүлдези оларны астырып каапкан боорга, олар Бурганындан ойталаан-дыр.

Осия 5:4

Үүлгедиглери израильчилерни Бурганынче ээлдирбейн турар, самыыраашкынның сүлдези оларның аразында турар-дыр, Дээрги-Чаяакчыны билбестер-дир.

Осия 5:7

Олар Дээрги-Чаяакчыга өскерлип, сурас ажы-төл төрүп алган-дыр. Оларны бир ай дургузунда ээлээн чери-биле кады чиптер».

Амос 3:2

«Черниң бүгү аймак-чоннарындан чүгле силерни хүлээп көрген мен, ынчангаш бүгү кем-бурууңар дээш, силерни кезедир мен».

Амос 4:5

Израильчилер, ажыткылыг безин далган-тарааны өөрүп четтириишкин өргүлү кылдыр эккеп салыңар-ла, боттарыңарның эки тура-биле салып турар өргүлдериңер дугайында медээлеңер-ле, оларны салганыңар дугайында ыыткыр чарлаңар-ла. Ынчаар кылырынга ынак эвес ийик силер бе?» Дээрги-Бурган-Чаяакчының медеглээн чүвези ол-дур.

Амос 6:13

Силер дээрге чөгенчиг чүүл дээш өөрүп: „Бодувустуң шыдалывыс-биле күчү-күштү чедип алган эвес бис бе?“ – деп турар улус-тур силер.

Амос 8:10

байырлалдарыңарны – ажыг-шүжүг кылдыр, хамык ырларыңарны – ыы-сыы кылдыр хуулдурар мен, шуптуңарга качыгдалдың самдар хевин кедирип, шуптуңарның баштарын тазартыр таарып каар мен; чуртка ол хүннү кижиниң эр чаңгыс оглунуң өлүмү дээш кажыыдалы дег кылып каар мен, ол хүн төнчүзүнге чедир кажыыдал хүнү дег болур».

Иаков 4:16

А силер ам тураңар улуундан менээргенир-дир силер: ындыг менээргениишкин бүрүзү – бузут-тур!

Иаков 5:1

Байлар, ам силер мени дыңнаңар! Ишкирнигип ыглап-сыктаңар, чүге дээрге хай-халаптар силерже диргелип кел чыдар-дыр.