Осия 8:5 - Ыдыктыг Библия

⁵ Самария, сээң дүрзү-бугажыыңны хүлээп көрбедим! Мээң килеңим израильчилерже кыптыкты: кажанга чедир арыгланып ап шыдавастарыл?!

Осия 8:5 Iomraidhean Croise

2 Чылдар 13:8

Ам силер Давидтиң үре-салгалының холунда турар Дээрги-Чаяакчының күрүнезинге удурланыр бодап турар-дыр силер. Ийе, силер эңдерик хөй санныг-дыр силер, Иеровоамның силерге бурганнар кылдыр кылып бергени алдын бугажыктарлыг-дыр силер.

Чугаалар 1:22

«Кенен улус, чежеге дээр кенен сеткилдииңерге мага ханып кээр силер; кочуургактар, чежеге дээр ыят чогуңарга таалап кээр силер; мелегейлер, чежеге дээр билигни көөр хөңнүңер чок бооп кээр силер?

Исайя 45:20

Силер, чоннарның артынчылары, чыглып алгаш, чедип келиңер, бөлдүнчүп алгаш, чоокшулап келиңер. Ыяш дүрзүлер эдилеп, камгалал бербес бурганнарга мөргүп турар улустуң билир чүвези чок-тур.

Иеремия 13:27

Сээң самыыраашкыннарыңны, туралаан киштээшкиниңни, шөлдер, тейлерге бужары-биле будулуп турганыңны көрген мен. Ат болур сен, Иерусалим! Кажанга чедир арыг эвес болур сен?»

Иеремия 4:14

«Иерусалим, бодуңнуң чүрээңни бузуттан арыглап ал, ынчан камгалалды алыр сен! Чежеге дээр кара бодалдарың амдажыдар сен?

Иеремия 48:13

Бодунуң идегели боор Вефил дээш Израильдиң бак атка киргени дег, Хамос бурган дээш Моавтың ады баксыраар.

Осия 10:5

Самарияның чурттакчылары Бет-Авенде дүрзү-бугажыкка мөгеер дээш барып турар; ол дүрзүге мөгеер чон-даа, ооң өөрүп турган бараалгакчылары-даа ол дээш кажыыдап, ыглажыр. Чүге дээрге дүрзүнүң каас-чаражын чок кылып каар,

Осия 10:8

Бет-Авенде мөгейиишкин кылыр бедик черлерни – израиль чоннуң бачыт үүлгедип турар черлерин үреп бузуп кааптар. Израильчилерниң өргүл бедигээштеринге тенниг үнүштер биле бок сиген үнүп кээр; олар дагларга: «Бисти дуглай дүжүңер!» – деп, тейлерге: «Бисче кээп дүжүңер!» – деп чанныр.

Осия 13:2

Ам израильчилерниң бачыт үүлгедири дам барган-дыр: ус-шевер улус оларга дүрзү-бурганнарны мөңгүнден шуткуп, чогаадып кылып берип турар-дыр; израильчилер оон дүрзү-бурганнар-биле чугаалажып, оларга өргүлдер салып турар-дыр; кижилер шуткумал бугажыктарны ошкап турар-дыр!

Осия 8:6

Ол бугажыкты Израиль боду кылган болгай. Ону шевер кижи шуткаан, ынчангаш ол бурган эвес-тир; Самарияның бугажыы буступ каар!

Амос 8:14

Самарияны кем-бурууже киирип турар бурганнар-биле даңгыраглаар, „Дан хоорайның дириг бурганнары-биле база Беэр-Шева-биле даңгыраглап тур бис!“ дээр улус кээп дүшкеш, катап көдүрлүп шыдавас».

Михей 1:7

Ооң шупту даш көжээлери буза шаптырар, ооң бүгү дүрзү-бурганнарын үрегдеп узуткаар мен, ооң шупту өргүл белектери отка өрттеттирер. Самария ол өргүл белектерин самыын-садар херээженниң төлевири дег кылдыр ап турган болгай, ол белектер самыыраан улуска катап база төлевир апаар».

Ажыл-чорудулга 7:41

Олар ынчан бугажык хевирлиг дүрзү-бурган кылып алгаш, аңаа өргүл салгаш, боттарының холу-биле кылган чүвезиниң мурнунга өөрүп-байырлап турганнар.

Ы. х. к. 32:22

Чүге дээрге килеңим от дег кыптыга берди, ол алдыы оранның ханы дүвүнге чедир оя чип, черни база ооң дүжүдүн чип, дагларның дазыл-дөзүн өрттедип тур.