Осия 8:1 - Ыдыктыг Библия

¹ «Трубадан эдис! Израильчилер Мээң чагыг-керээмни үрээн, Мээң хоойлумга чагыртпаан боорга, Дээрги-Чаяакчының черинче эзир шүүргедеп келген дег-дир.

Осия 8:1 Iomraidhean Croise

4 Хааннар 18:27

Кол дашка тудукчузу оларга: «А мээң дээргим мени бо сөстерни чүгле силерге база силерниң дээргиңерге дамчытсын дээш чоруткан деп бе? Чок! Ханада турар, силер-биле кады боттарының мыяан чииринге, сидиин ижеринге чыгаткан бүгү улуска база дамчытсын диди!» – деп харыылаан.

Исайя 18:3

Чер-делегейни ээлеп чурттаан бүгү улус, черниң чурттакчылары, даглар кырынга тук көдүрлүрге, көрүңер, труба этсирге, дыңнаңар!

Исайя 24:5

Черни ооң чурттакчылары бужартаткан: олар хоойлуларны херекке албаан, дүрүмнерни тооваан, мөңге чагыг-керээни үрээн.

Исайя 58:1

«Үнүң шаа-биле кышкыр, алгы-кышкың тыртпа; труба эткен ышкаш дыңзыдыр алгыр. Мээң чонумнуң кем-буруузун, Иаковтуң үре-салгалының бачыдын сойгала!

Иеремия 31:32

Оларның ада-өгбезин холундан чедип алгаш, Египеттен үндүре бергеш, олар-биле чарганым дег эвес, өске чагыг-керээ болур. Олар ук чагыг-керээни үрээн болгай, а Мен оларның Ээзи турган мен – деп, Дээрги-Чаяакчы медеглээн. –

Иеремия 34:18

Иудеяның нояннары, Иерусалимниң нояннары, ызыгууртаннары, Бурганның бараалгакчылары, чурттуң бүгү чону бугажыкты ийи үзе шапкаш, ооң чара кескен кезектериниң аразы-биле эртип, Мээң-биле керээ чарып алганнар. Олар оон Мээң чагыг-керээмни үреп, Мээң мурнумга ооң сөстерин күүсетпээн, ынчангаш олар ол бугажыкты канчалчыктар, Мен база оларны ынчаар аажылаар мен.

Иеремия 4:13

Булут ышкаш, дайзын көдүрлүп олур, ооң дайынчы тергелери казыргы дег, аъттары эзирлерден кашпагай! Ат болдувус-ла, өлүп читтивис-ле!

Иеремия 4:5

«Иудеяга чарлап көрүңер, Иерусалимге медээлеп чугаалаңар, бүгү чуртка трубадан этсиңер, үнүңер шаа-биле: „Барып, быжыглаттынган хоорайларга чыглыылы!“ – деп алгырыңар.

Иеремия 48:40

Дээрги-Чаяакчы мынча дээн: «Эзир шүүргедеп ужуп үнер, ол Моавтың кырынга чалгыннарын хере сунар!

Иеремия 49:22

Эзир бедидир ужуп үнгеш, олчазын шүүргедеп, Восораның кырынга чалгыннарын хере сунар! Ол хүн Эдомнуң дайынчылары кортканындан, божаан кадайлар дег, сириңейни бээр.

Иеремия 51:27

Чер кырынга туктардан көдүрүңер, өске чоннар аразынга трубадан этсиңер, Вавилонга удур дайынче чоннарны белеткеңер, аңаа удур Арарат, Минни, Ашкеназ деп күрүнелерни ыдалаңар. Аңаа удур шериг баштыңын чорудуңар, мөөң шартылаа дег аъттардан чыңар!

Иеремия 6:1

Вениаминниң аймаа, Иерусалимден дезиңер! Текояга трубадан этсиңер, Бет-Каремге сагындырыглыг демдектен бериңер, чүге дээрге соңгу чүктен айыыл-халап, аажок улуг өлүм-чидим кел чыдар-дыр.

Иезекиил 11:4

Ынчангаш сен оларга удур өттүр билип медегле, барып, медегле, кижи амытан» – дээн.

Иезекиил 16:59

Дээрги-Бурган-Чаяакчы мынча дээн: «Мен сени кылган үүлгедииң ёзугаар аажылаар мен, сен даңгырааңны тоовайн барып, чагыг-керээмни үрээн-дир сен.

Иезекиил 17:3

Оларга Дээрги-Бурган-Чаяакчының чугаалаан чүвезин дамчыт: Улуг далбагар чалгыннарлыг, селбегер шокар эзир Ливан сынга ужуп келген. Ол бир пөштүң бажын сегирип алгаш,

Иезекиил 7:14

Олар труба этсип, дайынга белеткенип турар, ынчалза-даа, кайызы-даа тулчуп үнмес, чүге дээрге Мээң килеңим оларның бүгү мөөңнежилгезинче кыптыгып турар.

Осия 4:6

Мээң чонум билииниң четпезинден кырдырып аар; билигни хүлээп көрбээн бооруңга, Мен база сени Меңээ бараалгаар кылдыр хүлээп көрбес мен, Бурганыңның хоойлузун уттупкан бооруңга, Мен база сээң ажы-төлүңнү уттуптар мен.

Осия 5:8

«Гива хоорайга мыйыс этсиңер, Рама хоорайга труба этсиңер, Бет-Авенге дүвүрээзин чарлаңар: Вениамин, дайзын сээң артыңда тур!

Осия 6:7

А олар, өске улус ышкаш, чагыг-керээни үреп, Меңээ өскерилди.

Осия 9:15

«Израильчилерниң бүгү бузуду – Галгалда, аңаа оларны көөр хөңнүм чок апарган; бүгү бузуттуг үүлгедиглери дээш, оларны Бодумнуң черимден үндүр ойладыптар мен, оларга моон соңгаар ынак болбас мен; оларның нояннары шуптузу Менден ойталаан болгай.

Иоил 2:1

Сионга трубадан этсиңер, Бурганның ыдыктыг даанга дүвүрээзин медээзин бериңер. Чер-чурттуң бүгү чурттакчылары сирилезин, чүге дээрге Дээрги-Чаяакчының шииткел хүнү кел чыдар-дыр, ол хүн чоокшулап келген-дир.

Иоил 2:15

Сионга трубадан этсиңер, ыдыктыг шээрлээшкинден доктаадып, онзагай чыыштан чарлаңар.

Амос 3:6

Хоорайга шериг труба этси бээрге, улус коргуп сирилевес деп бе? Айыыл-халап хоорайны хөме тавараан болза, ону Дээрги-Чаяакчы үндүрбээн деп бе?

Амос 8:3

Мээң шииткелим хүнү кээрге, ордуга ырлар өөлээн ыы-сыыже шилчий бээр» – деп медегледи. Дээрги-Бурган-Чаяакчы аңаа немей: «Кижи сеги дыка хөй болур, оларны улус чер бүрүзүнге ыыт чок октапкаш баар.

Амос 9:1

Өргүл салыр бедигээш чанында турар Дээргини көрүп кагдым. Ол меңээ мынча дээн: «Дээвиир сириңейни бээр кылдыр адагашты үстүрүпкеш, дээвиирни демги улустуң шуптузунуң баштарынче кээп дүжер кылывыт, дириг артканнарын Мен хылыш-биле шанчып өлүрүп каар мен: оларның аразындан дезер дээн кижи дезип шыдавас, амы-тынныг артарын күзээн кижи камгалал ап шыдавас.

Аввакум 1:8

Ооң аъттары ирбиштен-даа дүрген маңнаар, кежээ чимзенген бөрүлерден-даа шалыпкын; ооң аъттыг шерии халдып чоруп турар, аъттыг шеригжилери ырактан хөме келгеш, олчазын тевер дээн эзир дег шүүргедээр.

Софония 1:16

дайынчы труба эдер, быжыглалдыг хоорайлар биле бедик суургаларга удур тулчуушкунче кыйгы хүнү болур.

Захария 11:1

Ливан, хаалгаңны ажыт, от сээң пөштериңни чипсин!

Захария 9:14

Дээрги-Чаяакчы чонунуң кырынга көстүп кээр, Ооң согуну чаңнык дег кызаш дээр. Дээрги-Бурган-Чаяакчы труба этсир, мурнуу чүктен хадаан шуурган-биле чедип кээр.

Матфей 24:28

Кайда сек чыдарыл, аңаа сек чиир куштар чыглып кээр».

1 Коринфичилерге 15:52

Сөөлгү труба эдиптери билек, карак чивеш аразында, көңгүс хензиг өйде өскерлир бис. Ол эдиптерге-ле, өлүг улус ирип-чыдывас апарган туруп кээр, бис база өскерлир бис.

Ы. х. к. 28:49

Дээрги-Чаяакчы ырактан – чер-делегейниң кыдыындан – сеңээ удур чон көдүрүп эккээр, дылын билбезиң чон сенче эзир ышкаш шүүргедеп ужуп кээр.