4 Олар шупту өскерликчилер-дир, оларның күзээшкиннери, хлеб быжырыкчызының суугузу дег, изип-хып тур, а хлеб быжырыкчызы суугузун чүгле далганын хоюткаш, оозу ажый бээр өйге чедир одавас болгай.
Чер кырын самыыраан улус долган, каргаттыргаш, чер ыглап турар – ховуда оът-сиген кадып калган. Ол улустуң сорулгазы – бузут, оларның күжү – чөптүг эвес чорук.
О, мээң бажым суг долган кудук апарган болза! Карактарымдан чаштар аттыгып үнүп турган болза! Күжүр чонумнуң өлүрткен улузунуң ажыын ажып, дүне-хүндүс ыглаар ийик мен.
Ээн кургаг ховуга хоргадап, дүн чарар черлиг турган болзумза! Бодумнуң чонумну каапкаш, чоруй баар ийик мен. Чүге дээрге олар шупту самыыраан улус-тур, өскерликчилер ниитилели-дир!
Олар чигеш, тотпас, самыырааш, өзүп-көвүдевес, чүге дээрге Дээрги-Чаяакчыга бараан болуушкунун сагывас апаргаш,
Ол кылып алган ыяш дүрзүзүнден айтыртынып турар-дыр, даянгыыжы аңаа харыы бээр-дир. Самыыраашкынның сүлдези оларны астырып каапкан боорга, олар Бурганындан ойталаан-дыр.
Каргыш салыры болгаш мегелээр чорук, кижи өлүрер, оорланыр болгаш самыыраар чорук хөлчок нептерээн-дир, хан төгүүшкүнү даады-ла болуп турар-дыр.
Силерде мактаныпкы дег чүү-даа чок. «Хөй далган хөөй берзин дизе, ынай ажыткы херегин» билбес силер бе?
Самыыраан өскерликчилер! Бо делегей-биле найырал тудары Бурган-биле өжээннежиринге дөмейин билбезиңер ол бе? Бо делегейниң өңнүү болуксаан кижи Бурганның дайзыны апаар.