Осия 7:3 - Ыдыктыг Библия

³ «Израильчилер боттарының бузут-багы-биле – хаанны, оп-мегези-биле – нояннарны хөгледип турар.

Осия 7:3 Iomraidhean Croise

3 Хааннар 22:13

Михейни кыйгырып барган айбычы аңаа: «Дыңна даан, өске медээчилер, шупту чаңгыс кижи дег, хаанга чедиишкинни баш бурунгаар медеглеп тур. Сээң сөзүң оларның кайызының-даа сөстери дег болзун – сен база эки чүведен чугаалап көр» – дээн.

3 Хааннар 22:6

Израильдиң хааны Бурганның 400 хире медээчизин чыып алгаш, олардан: «Галаадта Рамотка удур дайылдажып баар мен бе азы барбас бе?» – деп айтырган. Олар: «Барып көрүңер, Дээрги-Чаяакчы ол хоорайны хаанның холунга хүлээдип бээр-дир» – деп харыылаан.

Иеремия 37:19

Силерге: „Вавилоннуң хааны силерже, бо черже халдавас“ – деп турган медээчилериңер кайыл?

Иеремия 5:31

бүдүү билирлер мегелеп медеглээр-дир, Бурганның бараалгакчылары боттарының туразы-биле улусту чагырар-дыр, Мээң чонумга ол чорук таарымчалыг-дыр. Ол бүгүнүң хараазында силер-биле чүү боор деп?

Иеремия 9:2

Ээн кургаг ховуга хоргадап, дүн чарар черлиг турган болзумза! Бодумнуң чонумну каапкаш, чоруй баар ийик мен. Чүге дээрге олар шупту самыыраан улус-тур, өскерликчилер ниитилели-дир!

Осия 10:13

Бузутту болбаазыраттыңар, оон кем-буруу ажаап алгаш, мегениң дүжүдүн чип алдыңар, чүге дээрге бодуңарның орууңарга, эңдерик аг-шерииңерге идегеп турдуңар.

Осия 11:12

«Мени Эфрем меге-биле, израиль чон – авыяас чоруу-биле бүзээлеп алган; Иудея шынчы ыдыктыг Бурганындан аза берген».

Осия 4:2

Каргыш салыры болгаш мегелээр чорук, кижи өлүрер, оорланыр болгаш самыыраар чорук хөлчок нептерээн-дир, хан төгүүшкүнү даады-ла болуп турар-дыр.

Осия 5:11

Эфрем дарладып, шииткелге бастырган-дыр, чүге дээрге хоозун дүрзү-бурганнарны эдерген-дир.

Осия 7:5

Хаанывыстың байырлалының хүнүнде нояннар аарыгыжеге чедир изиглендир ижип алган, а хаан кочуургак улусче холун сунган.

Михей 6:16

Омри хаанның чаңчылдарын, Ахав хаанның өг-бүлезиниң бүгү бузуттуг херектерин хевээр арттырып алган сен, оларның сүмелерин ёзугаар кылып турган сен. Ынчангаш Мен хоорайны хоозуралга, ооң чурттакчыларын – бак атка киреринге таварыштырар мен; силер өске чоннарның дорамчылалынга таваржыр силер».

Михей 7:3

Оларның холдары бузут үүлгедир талазы-биле мергежээн; чагырыкчы кижи белектер негеп турар, шииткекчи хээли ап турар, бай-шыдалдыглар боттарының күзел-соруун албадап күүсеттирер – олар шупту аразында дугуржулгалыг.

Римчилерге 1:32

Ындыг чүүлдер үүлгедикчилерин өлүмге төлептиг деп көөр Бурганның хоойлузу барын олар билир. Ынчалза-даа чүгле боттары бачыт үүлгедип турар эвес, а ындыг үүлгедиглер кылып чоруур өске улусту база деткип турарлар.

1 Иоанн 4:5

Меге медээчилер бо делегейге хамааржыр. Ынчангаш оларның чугаалап турар чүүлү бо делегейден үнер база бо делегейниң улузу оларны дыңнап турар.