Осия 7:1 - Ыдыктыг Библия

¹ Израильди эмнээр деп баарымга, Эфремниң кем-буруузу, Самарияның бузут-багы көстү берди. Олар мегелеп турар-дыр, оорлаашкын-даа болур-дур, дээрбечи-даа улусту кудумчуларга үптээр-дир.

Осия 7:1 Iomraidhean Croise

Исайя 28:1

Израиль күрүне ат болур! Ооң каас-чаражы, эзирик израильчилерниң бажында чечектен өрээн дээрбек дег, оңуп каар! Олар, турамык, улуг-чаагай улус, арагага чыттыр шаптырыпкан чыдар.

Исайя 59:12

Чүге дээрге Сээң мурнуңга кем-буруувус хөй санныг, бачыттарывыс бисти сойгалап турар. Кем-буруувус үргүлчү бис-биле кады, бузудувусту билир бис –

Исайя 59:13

Дээрги-Чаяакчыга өскерлип, Ооң мурнунга үймээн үндүрүп турдувус, Бурганывысты эдереринден ойталадывыс, дарлаашкын биле тура халыышкын кылып, меге чүве бодап ап база чугаалап турдувус.

Исайя 59:14

Шын шииткел үндүр кыстырткан, чөптүг чорук ыракта турар. Алыс шын төп шөлде тептиге берген, шынчы чорук чедип кээп шыдавас.

Иеремия 51:9

«Вавилонну эмнеп турган бис, а ол экирбеди. Ону кааптаалыңар, кайывыс-даа бодувустуң черивисче чоруй бараалыңар, чүге дээрге Вавилонга удур үндүрген шииткел дээрге чедип, булуттарга үзүп турар-дыр.

Иезекиил 16:46

Сээң угбаң – Самария; ол бодунуң уруглары-биле сээң соңгу талаңга чурттап турган. А дуңмаң Содом бодунуң уруглары-биле сээң мурнуу талаңга чурттап турган.

Иезекиил 23:4

Угбазын Огола деп, а дуңмазын Оголива деп адаар чүве-дир. Олар Мээң кадайларым апаргаш, ажы-төлдү божуп берип турган. Огола дээрге Самария-дыр, а Оголива – Иерусалим-дир.

Иезекиил 24:13

Иерусалим, сээң самыыраашкының сени бужартаткан-дыр. Мен сени арыглаар дээш чеже-даа оралдажырымга, арыгланмас-тыр сен, ынчангаш ам Мээң сеңээ хорадаан сагыжым оожургаваан шаанда, моон-даа соңгаар арыгланып шыдавас сен.

Осия 10:5

Самарияның чурттакчылары Бет-Авенде дүрзү-бугажыкка мөгеер дээш барып турар; ол дүрзүге мөгеер чон-даа, ооң өөрүп турган бараалгакчылары-даа ол дээш кажыыдап, ыглажыр. Чүге дээрге дүрзүнүң каас-чаражын чок кылып каар,

Осия 11:12

«Мени Эфрем меге-биле, израиль чон – авыяас чоруу-биле бүзээлеп алган; Иудея шынчы ыдыктыг Бурганындан аза берген».

Осия 11:8

Эфрем, сенден канчап ойталаар мен? Израиль, сени канчап өскелерге бериптер мен? Сени Адма хоорайны дег бак аажылаар мен бе, Цевоим хоорай-биле кылган чүвемни сеңээ хамаарыштыр кылыр мен бе? Мээң бүгү кээргелим кыптыга берди, бодал-сагыжым өскерлип,

Осия 12:1

Эфрем хат кадарып, өрттендир чиир хатты сүрүп турар, хүннү бадыр мегени, хоозураашкынны көвүдедип турар. Израильчилер Ассирия-биле-даа эвилелдежип, Египетче-даа белек кылдыр олива үзү чорудуп берип турар.

Осия 12:2

Дээрги-Чаяакчы Иудея-биле база чаргылдажып турар, Ол Иаковтуң үре-салгалынга ооң оруктары дээш, үүлгеткен херектерин барымдаалап, кеземче онаар.

Осия 4:17

Эфрем дүрзү-бурганнарга хандыкшаан-дыр, сен ам ооң-биле үрелдешпе.

Осия 4:2

Каргыш салыры болгаш мегелээр чорук, кижи өлүрер, оорланыр болгаш самыыраар чорук хөлчок нептерээн-дир, хан төгүүшкүнү даады-ла болуп турар-дыр.

Осия 5:1

«Бурганның бараалгакчылары, ол бүгүнү дыңнаңар, израиль чон, ол бүгүнү кичээнгейге ап көр, хаанның өг-бүлези, кулааңар ээктириңер; силерни ам шиидер-ле болгай. Мицпа хоорайга – какпа, Фавор дагга – чада салган четки бооп турдуңар.

Осия 6:4

«Эфрем, сени канчаайн? Сени канчаайн, Иудея? Силерниң энерелиңер эртенги туман дег, эрип каар шалың дег.

Осия 7:13

Менден ырай бергени дээш, олар ат болур, Меңээ удур үймээн үндүргени дээш, олар узуткаттырып аар. Ол чонну камгалаар деп турдум, а олар Мээң дугайымда меге чүве чугаалажыр-дыр.

Осия 8:5

Самария, сээң дүрзү-бугажыыңны хүлээп көрбедим! Мээң килеңим израильчилерже кыптыкты: кажанга чедир арыгланып ап шыдавастарыл?!

Осия 8:9

Олар Ассирияже дуза дилеп чорупкан, чааскаан улчуп чоруур черлик элчиген ышкаш Эфрем хары улустуң ынакшылын төлевир берип тургаш, садып алган.

Амос 3:10

Ол дээрге ак сеткилдии-биле чурттап билбес, боттарының шивээлеринде эртине-байлакты күчүлел болгаш үптээшкин-биле чыып ап турар улус-тур» – деп, Дээрги-Чаяакчы медеглээн.

Амос 3:9

«Азот хоорайның база египет черниң шивээлеринге: „Самарияны долгандыр турар дагларга чыылгаш, ол хоорайда кедерээн ужур-дүрүм чок чорукче, кызып-кыйыышкынче көрүңер“ – деп чарлаңар.

Амос 8:14

Самарияны кем-бурууже киирип турар бурганнар-биле даңгыраглаар, „Дан хоорайның дириг бурганнары-биле база Беэр-Шева-биле даңгыраглап тур бис!“ дээр улус кээп дүшкеш, катап көдүрлүп шыдавас».

Михей 6:16

Омри хаанның чаңчылдарын, Ахав хаанның өг-бүлезиниң бүгү бузуттуг херектерин хевээр арттырып алган сен, оларның сүмелерин ёзугаар кылып турган сен. Ынчангаш Мен хоорайны хоозуралга, ооң чурттакчыларын – бак атка киреринге таварыштырар мен; силер өске чоннарның дорамчылалынга таваржыр силер».

Матфей 23:37

«О, Иерусалим, Иерусалим! Бурганның медээчилерин өлүрүп турар база сенче чорутканнарны даш-биле соккулап каар хоорай! Куштуң бодунуң чаш төлдерин чалгынының адаанга чыып аары дег, Мен чеже катап Иерусалимниң чурттакчыларын чыып аарын күзедим, ынчалза-даа силер ону күзеведиңер!

Лука 13:34

О, Иерусалим, Иерусалим! Бурганның медээчилерин өлүрүп турар, сенче чорутканнарны даш-биле соккулап каар хоорай! Куштуң чаш төлдерин чалгынының адаанга чыып аары дег, Мен чеже катап Иерусалимниң чурттакчыларын чыып аарын күзедим, ынчалза-даа силер ону күзеведиңер!

Лука 19:42

мынча дээн: «О, сен оода-ла бөгүн чүү чүве сеңээ амыр-тайбың эккээрин билген болзуңза! Ынчалза-даа ону ам сээң карактарыңга ажытпаан-дыр.