Осия 5:2 - Ыдыктыг Библия

² Силер Ситтимге ханы оңгар казып алдыңар, а Мен силерни кезедир мен.

Осия 5:2 Iomraidhean Croise

Исайя 1:5

Үргүлчү үймээн үндүрер улус, чүге силер ам база катап эттедип-соктурарын күзеп тур силер? Бажыңарда балыгланмаан чер чок, чүрээңер шуут харыксырап калган-дыр.

Исайя 29:15

Дээрги-Чаяакчыдан бодунуң бодалын чажырып, ханы дүпче чаштынып кирер улус ат болур! Олар боттарының херектерин караңгыда кылып: «Бисти кым көрүп каарыл? Кым танып каарыл?» – деп турар.

Иеремия 18:18

Ынчалза-даа улус-чон: «Барып, Иеремияга удур сүлчээ кылыылы. Дүрүм-хоойлу – Бурганның бараалгакчыларынга, арга-сүме – мерген угаанныгларга, Бурганның сөзү – Ооң медээчилеринге артып каар-ла болгай! Барып, ону нүгүлдээли, ооң чугаа-сөзүн дыңнаваалы» – деп турган.

Иеремия 5:3

Дээрги-Чаяакчы, Сээң карааң алыс шынны көрүп кагбас деп бе? Чонуңну буурадып турдуң – а ол аарышкыны медереп билбес-тир, ону узуткап турдуң – а ол угаан киреринден ойталаар-дыр. Оларның сеткил-чүрээ даштан кадыг апарып, Бурганче эглиринден ойталады.

Иеремия 6:28

Олар шупту чөрүү, чагырга билбес, хоп-чип дажып чурттап чоруур улус-тур. Олар дээрге чүректери чес-демирден бүткен улус-тур, олар шупту үүлгедикчилер-дир.

Осия 4:2

Каргыш салыры болгаш мегелээр чорук, кижи өлүрер, оорланыр болгаш самыыраар чорук хөлчок нептерээн-дир, хан төгүүшкүнү даады-ла болуп турар-дыр.

Осия 6:5

Ынчангаш өлүм биле узуткаашкынны медээлээр дээш, силерже медээчилеримни чорудуп турдум; Мээң шииткелим чырык дег чайынналдыр чырып кээр.

Осия 6:9

Дээрбечилерниң кижини кедеп турары дег, бараалгакчыларның бөлүглели Сихем чедер орукка кижилер өлүрүп, бузут үүлгедип турар.

Осия 9:15

«Израильчилерниң бүгү бузуду – Галгалда, аңаа оларны көөр хөңнүм чок апарган; бүгү бузуттуг үүлгедиглери дээш, оларны Бодумнуң черимден үндүр ойладыптар мен, оларга моон соңгаар ынак болбас мен; оларның нояннары шуптузу Менден ойталаан болгай.

Ажыдыышкын 3:19

Ынак улузумну чемелээш, кезедир мен. Ынчангаш чүткүлдүг болуңар база бачыттарыңар миннип, Бурганче эглиңер.