Осия 5:1 - Ыдыктыг Библия

¹ «Бурганның бараалгакчылары, ол бүгүнү дыңнаңар, израиль чон, ол бүгүнү кичээнгейге ап көр, хаанның өг-бүлези, кулааңар ээктириңер; силерни ам шиидер-ле болгай. Мицпа хоорайга – какпа, Фавор дагга – чада салган четки бооп турдуңар.

Осия 5:1 Iomraidhean Croise

Иеремия 11:7

Мен силерниң ада-өгбеңерни Египеттен үндүре берген хүнүмден эгелээш, сагындырып келген мен, оларга бөгүнге чедир катап-катап сагындырып шаг болдум. Оларга: „Мээң сөзүмге чагыртыңар!“ – деп турдум.

Иеремия 13:18

«Хаанга болгаш ооң иезинге: „Дүжүлгеңерден дүжүңер! Ат-алдарыңарның оваадайы бажыңардан кээп дүжер-дир.

Иеремия 46:18

Дириг Бодумнуң адым-биле даңгыраглап тур мен: даглар аразында Фавор даг дег, далай чанында Кармил даг дег улуг-шыырак дайзын силерге чедип кээр – деп, Аг-шериглиг Дээрги-Чаяакчы деп аттыг Хаан медеглээн. –

Осия 10:15

Үүлгеткен кедергей бузудуңар дээш, Вефилдиң чурттакчылары силерни ынчаар бак аажылаар».

Осия 13:8

Оларже оолдарын оскунган кыс адыг дег халдааш, хөрек-чүрээн үзерлээр мен; арзылаң ышкаш чиир мен; черлик аң-араатан оларны үзерлеп кааптар.

Осия 4:1

Израиль чон, Дээрги-Чаяакчының сөстерин дыңна! Дээрги-Чаяакчы бо черниң чурттакчылары-биле чаргылдажып турар-дыр, бо черде чөптүг-шынныг чорук, энерел, Бурганны билип аарынче чүткүл чок-тур.

Осия 6:9

Дээрбечилерниң кижини кедеп турары дег, бараалгакчыларның бөлүглели Сихем чедер орукка кижилер өлүрүп, бузут үүлгедип турар.

Осия 9:8

Бурганымның чону Эфремниң доскуулчузу – Бурганның медээчизи, ынчалза-даа ооң бүгү оруктарында какпа салып каан, аңаа өжээнниг улус ооң Бурганының өргээзинде-даа бар.

Иоил 1:2

Ирейлер, дыңнаңар, чер-чурттуң бүгү чурттакчылары, кичээнгей салыңар! Силерниң чурттап турар үеңерде азы ада-өгбеңерниң чурттап турган үезинде ол ышкаш чүве болган бе?

Амос 3:1

Израиль чон, Дээрги-Чаяакчының силерге удур – Бодунуң египет черден үндүре бергени бүгү аймак-чонга удур чугаалаан сөстерин дыңнаңар:

Амос 7:9

Исаактың салгалдарының мөгейиишкин кылыр бедик черлери хоозураар, Израильдиң ыдыктыг дээн черлери үрелип бустур, Мээң хылыжым Иеровоам хаанга база ооң ук-салгалынга удур тулчур» – деп чугаалады.

Михей 3:1

Мен ынчан: «Иаковтуң салгалының баштыңнары, израиль чоннуң чагырыкчылары, дыңнаңар! Чөптүг шииткелди билир ужурлуг эвес силер бе?

Михей 3:9

Иаковтуң салгалының баштыңнары, израиль чоннуң чагырыкчылары, мону дыңнаңар! Силер чөптүг шииткелди херекке албайн, бүгү шын чүвени хажыдып турар-дыр силер.

Михей 7:2

Чер кырында Бурганга бердинген кижилер артпаан, улус аразында чөптүг кижилер чок. Бүгү улус хан төгер дээш кедег кылып турар, кижи бүрүзү ха-дуңмазынга какпа-дузак салып турар.

Малахия 1:6

«Оглу адазын, а чалча кижи – дээргизин хүндүлээр. Бир эвес Мен Адаңар болзумза, Меңээ хүндүткелиңер кайыл? Бир эвес Мен Дээргиңер болзумза, чүге Мени хүндүлевес силер?» Бурганның адын баксырадып чоруур бараалгакчылар, Аг-шериглиг Дээрги-Чаяакчының силерге чугаалаан чүвези ол-дур. А силер: «Сээң адыңны канчаар баксыраттывыс?» – деп тур силер.

Малахия 2:1

«Бурганның бараалгакчылары, силерге ам бээр айтыышкыным бо-дур:

Баштыңчылар 4:12

Ынчан Сисарага Авиноамның оглу Варак Фавор даг кырынче үне берген деп дыңнадыг келген.

Баштыңчылар 4:6

Девора Авиноамның оглу, Неффалимниң Кедесте чурттап турар Варакты кый деп, келдиртип алгаш, аңаа: «Дээрги-Чаяакчы, Израильдиң Бурганы сеңээ: „Неффалим болгаш Завулон аймактарындан 10 000 кижини алгаш, Фавор дагже чеде бер.

1 Хааннар 7:16

Чылдың-на ол Вефилди, Галгалды, Мицпаны эргип чорааш, Израильди ол черлерниң шуптузундан баштап чораан.

1 Хааннар 7:5

Самуил оларга: «Бүгү израильчилерни Мицпага чыып алыңар, мен Дээрги-Чаяакчыга силер дээш мөргүүр мен» – дээн.

1 Хааннар 7:6

Олар Мицпага чыглып келгеш, суг узуп алгаш, Дээрги-Чаяакчының мурнунга төпкеннер. Ол хүн олар шээрленип: «Дээрги-Чаяакчының мурнунга бачыт үүлгеткен-дир бис» – деп турганнар. Мицпага Самуил израильчилерниң баштыңчызы апарган.