Осия 4:8 - Ыдыктыг Библия

⁸ Олар Мээң чонумнуң бачыт дээш өргүлдеринден аштанып-чемненир-дир, ынчангаш оларның сеткил-сагыжынга чоннуң бачыттыг болуру тааржыр-дыр.

Осия 4:8 Iomraidhean Croise

4 Хааннар 12:16

А кем-буруу дээш өргүл база бачыт дээш өргүл кылдыр эккелген акша-мөңгүннү Дээрги-Чаяакчының өргээзинче киирбес турган – ол акша-мөңгүн Бурганның бараалгакчыларынга хамааржыр чүве-дир.

Ырлар 24:4

Дээрги-Чаяакчы, оруктарың меңээ айтып бер, эртер оруктарыңга мени өөрет. ה (хе)

Ырлар 25:1

Дээрги-Чаяакчы, чөптүг шиитпириң үндүрүп көр – кем-буруу чок чурттап чордум, Сеңээ идегээш, тендиш дивес мен.

Исайя 56:11

Тодар деп чүве билбес, чазый ыттар-дыр. Олар – сарыыл чок чагырыкчылар-дыр, кайызы-даа бодунуң ажыын хараар-дыр.

Иезекиил 14:3

«Кижи амытан, бо дээрге дүрзү-бурганнарын боттарының чүрээнче сиңирип, бачыдын боттарының мурнунга тептиге бээр моондак кылдыр салып алган улус-тур. Канчап оларга Менден чүве айтырарын чөпшээрээр мен?

Иезекиил 14:7

Бир эвес израиль чондан кандыг-бир кижи азы Израильде чурттап турар даштыкы улустуң кайы-бирээзи Мени каапкаш, дүрзү-бурганнарын бодунуң чүрээнге сиңирип, бачыдын бодунуң мурнунга тептиге бээр моондак кылдыр салып алгаш, ооң соонда Бурганның медээчизинге кээп, ону дамчыштыр Менден чүве айтырар болза, Мен, Дээрги-Чаяакчы, аңаа Бодум таптыг харыы бээр мен.

Осия 10:13

Бузутту болбаазыраттыңар, оон кем-буруу ажаап алгаш, мегениң дүжүдүн чип алдыңар, чүге дээрге бодуңарның орууңарга, эңдерик аг-шерииңерге идегеп турдуңар.

Осия 12:8

Эфрем: „Мен-даа олар ышкаш байыдым, эт-хөреңги чыып алдым. Мээң бүгү ажыл-херээмден улус хоойлуга удурланышкак, бачыт деп санадыр чүү-даа чүве тыппас“ – деп чугаалаан.

Осия 14:1

Самария бодунуң буруузун чүктээр, чүге дээрге бодунуң Бурганынга удур тура халаан-дыр; израильчилер хылыштан кырлып калыр, оларның чаш төлдерин черже чылча октап, сааттыг херээженнерин одура шаап каар».

Левит 6:22

Аароннуң орнун ээлезин дээш, ооң оолдарындан шилип каан дээди бараалгакчы шак ол далган-тараа өргүлүн кылыр ужурлуг – кезээ мөңгеде доктааткан дүрүм ол-дур; Дээрги-Чаяакчыга салыр ындыг өргүлдү бүрүнү-биле өрттедир херек.

Левит 6:26

Бурганның бараалгакчыларының аразындан бачыт дээш өргүлдү эккеп салып турар кижи ону чип болур; ыдыктыг черге, Ужуражылга майгынының хериминиң иштинге чиир ужурлуг.

Михей 3:11

Иерусалимниң баштыңнары хээли ап, шиидип турар-дыр, Бурганның бараалгакчылары төлевир ап, өөредип турар-дыр, Бурганның медээчилери акша-мөңгүн ап, төлгелеп турар-дыр. Ооң кадында Дээрги-Чаяакчыга даянып: «Дээрги-Чаяакчы бистиң аравыста эвес чүве бе? Бисти айыыл-халап таварбас!» – дижирлер.

Малахия 1:10

«Силерниң кайы-бирээңер Бурганның өргээзиниң хаалгазын хаап каан болза эки боор. Ынчан Меңээ өргүл салыр бедигээшке хей черге от кывыскан херээ чок боор ийик. Силер Мээң сеткилимге кирбес-тир силер – деп, Аг-шериглиг Дээрги-Чаяакчы чугаалаан. – Мен силерниң холуңар салган өргүлге таарзынмас мен.

Римчилерге 16:18

Чүге дээрге олар Дээргивис Христоска эвес, а боттарының күзээшкиннеринге бараан бооп турарлар. Олар авыяас-чашпаа болгаш каас-коя сөстери-биле бүзүрээчел кенен улусту дуурайлап кааптарлар.

Титке 1:11

Ындыгларның аастарын дуй шавар херек, чүге дээрге олар хууда ажык-кончаа сүргеш, боттарының өөретпес ужурлуг чүүлүн суртаалдап, бүдүн өг-бүлелерни үреп турар-дыр.

2 Пётр 2:3

Алыксак-чиксек болгаш, олар оптуг сөстерин дамчыштыр силерни чүгле ажыглаарын бодаар. Бурган оларны шагда-ла шиидип каан, оларның өлүмү эргин артында чайлаш чок манап турар.

1 Хааннар 2:29

А силер чүге Мээң оран-савамга эккээрин дужааган янзы-бүрү өргүлдеримни таптап турар силер? Чүге сен оолдарыңны Менден артык хүндүлеп турар сен? Чүге Мээң израиль чонумнуң эккелген эң-не дээре дээн өргүлдерин сыырып, шартайтыр семирип турар силер?“