Осия 4:4 - Ыдыктыг Библия

⁴ «Кым-даа өске кижи-биле маргышпазын, кым-даа өске кижини сойгалавазын. Бурганның бараалгакчызы, Мен сээң-биле чаргылдажыр мен!

Осия 4:4 Iomraidhean Croise

Иеремия 18:18

Ынчалза-даа улус-чон: «Барып, Иеремияга удур сүлчээ кылыылы. Дүрүм-хоойлу – Бурганның бараалгакчыларынга, арга-сүме – мерген угаанныгларга, Бурганның сөзү – Ооң медээчилеринге артып каар-ла болгай! Барып, ону нүгүлдээли, ооң чугаа-сөзүн дыңнаваалы» – деп турган.

Иезекиил 3:26

Мен сээң дылыңны өгүңге чыпшындырып каарымга, үн чок апаар сен, бо чон үймээнчи-даа болза, оларны сойгалап шыдавайн баар сен.

Осия 4:17

Эфрем дүрзү-бурганнарга хандыкшаан-дыр, сен ам ооң-биле үрелдешпе.

Амос 5:10

А силер шииткел черинде сойгалакчыны көөр хөңнүңер чок, шынны чугаалап турар кижи силерге бак бооп көстүр болгай.

Амос 5:13

Ынчангаш угаанныг кижи ол үеде чүве чугаалавас, чүге дээрге каржы-бак үе болган-дыр.

Амос 6:10

Оларны ажаап, өрттедир дээн төрели кижи чедип келгеш, мөчү-сөөктерни үндүрер дээш, бажың иштинде кижиден: „Сенден өске кижи бар-дыр бе?“ – деп айтырарга, демгизи: „Кым-даа чок“ – деп харыылаар, ынчан келген кижи: „Ыыттава! Дээрги-Чаяакчының адын адап болбас“ – дээр.

Ы. х. к. 17:12

А Дээрги-Чаяакчы Бурганыңга бараан болуп турар бараалгакчы биле шииткекчини тооп дыңнавас, туразы улуг кижини өлүрүп каар ужурлуг, Израильде бужар-бакты ынчаар узуткап каг.