Осия 4:3 - Ыдыктыг Библия

³ Ол бүгү дээш, бо чер ыглап-сыктаар, ооң чурттакчылары черлик аң-мең болгаш дээрниң куштары-биле кады кырлып каар, далайның балыктары безин өлүп каар.

Осия 4:3 Iomraidhean Croise

Исайя 33:9

Чер качыгдап, харыксырап чыдар, Ливан дагларының ады баксырап, кадып калган. Шарон оргулаажы ээн кургаг ховуга дөмейлежип, Васан биле Кармил девискээрлери сириңейнип турар.

Иеремия 12:4

Чежеге чедир кырында чурттаан кижилерниң кем-буруузу дээш чер качыгдаарыл, хову-шөлде оът-сиген оңуп кадарыл? Аң-мең-даа, куштар-даа чиде берген, чүге дээрге ол кижилер: «Дээрги-Чаяакчы бистиң оруувусту көрбес-тир» – деп турар-дыр.

Иеремия 23:10

Чер кырын самыыраан улус долган, каргаттыргаш, чер ыглап турар – ховуда оът-сиген кадып калган. Ол улустуң сорулгазы – бузут, оларның күжү – чөптүг эвес чорук.

Иеремия 4:25

Көөрүмге, чаңгыс-даа кижи чок, дээрниң куштары тарадыр ужа берген болду.

Иеремия 9:10

Дагларның ажыын ажып ыглап-сыктаар мен, ховуларда одарлар дээш ишкирнигип ыглаар мен. Чүге дээрге олар өрттенип калган-дыр, аңаа чорумалдар таварышпастаан-дыр, сүрүг хойлар эдери дыңналбастаан-дыр. Дээрниң куштары ужуп чоруй барган, хамык аң-мең тарадыр халчы берген.

Иеремия 9:9

Таанда-да ол бүгү дээш оларны кезетпес мен бе? Таанда-ла ындыг чондан өжээн негевес мен бе?» – деп медеглээн.

Иезекиил 38:20

Далайның балыктары, дээрниң куштары, хову-шөлдерниң аң-меңи, черде соястаан бүгү дириг амытаннар болгаш чер кырында бүгү кижи төрелгетен Мээң мурнумга сирилээр; даглар буступ дүжер, хаялар барып ужар, ханалар шупту черже кээп дүжер.

Иоил 1:18

Мал-маганның човууртап турарын! Өөр малдар муңгаргай тояап чоруур, чүге дээрге оларның одар-белчиири чок. Кодан хойлар база хилинчек көрүп турар.

Амос 1:2

Амос: «Дээрги-Чаяакчы Сиондан диңмирээр, Иерусалимден дыңзыдыр алгырар; кадарчыларның оран-савазында улус качыгдап ыглажыр, Кармил дааның бажы кургай бээр» – деп чугаалаан.

Амос 5:16

Ынчангаш Дээрги-Чаяакчы, Аг-шериглиг Бурган мынча дээн: «Улус бүгү кудумчуларга ыглап-сыктаар, хамык шөлчүгештерге „халак-халак!“ дижир. Олар кажыыдап ыглаар кылдыр – тараачын кижини, ыглап-сыктаар кылдыр – ажыг-шүжүг ырлары күүседип билир кижилерни кыйгырып алыр.

Амос 8:8

Ол үүлгедиглерден чер шимчей бербес бе, ында чурттап турар кижи бүрүзү ыглай бербес бе? Бүгү чер, Египетте Нил хем ышкаш, хөлзей бербес бе, көдүрлүп-даа, чавырлып-даа турбас бе?» – деп чугаалаан.

Наум 1:4

Ол далайны чемелээрге, далай кадып каар, бүгү хемнер соглуп каар, Васан биле Кармил деп дүжүткүр черлер кургап каар, Ливан дагларының үнүжү оңа бээр.

Софония 1:3

Кижилерни, мал-маганны узуткаар мен; дээрниң куштарын, далайның балыктарын узуткаар мен. Бузуттуг улусту дуурайлаткан чүвелери-биле кады чок кылып, чер кырында бар улусту амылыг арттырбас мен – деп, Дээрги-Чаяакчы медеглээн. –

Захария 5:4

Аг-шериглиг Дээрги-Чаяакчы: „Мен бо каргышты ыдыптар мен. Оорнуң бажыңынче база Мээң адым-биле мегелеп даңгыраглап турар кижиниң бажыңынче ол кире бээр. Аңаа турумчуп алгаш, оларның бажыңнарын: ыяшты-даа, дашты-даа ол узуткап кааптар“ – деп медегледи».