Осия 4:2 - Ыдыктыг Библия

² Каргыш салыры болгаш мегелээр чорук, кижи өлүрер, оорланыр болгаш самыыраар чорук хөлчок нептерээн-дир, хан төгүүшкүнү даады-ла болуп турар-дыр.

Осия 4:2 Iomraidhean Croise

Эге дөс 4:8

Каин дуңмазы Авелди: «Ховуже бараалам» – дээн. Ховуга баргаш, Каин дуңмазы Авелче халдай бергеш, ону өлүрүп каан.

Исайя 24:5

Черни ооң чурттакчылары бужартаткан: олар хоойлуларны херекке албаан, дүрүмнерни тооваан, мөңге чагыг-керээни үрээн.

Исайя 48:1

«Дыңнаңар, Иаковтуң салгалы, Израильдиң ады-биле адаттырган, Иудеядан келген улус! Дээрги-Чаяакчының ады-биле даңгыраглаар силер, Израильдиң Бурганын алгап-мактаар силер. Боттарыңарга хамаарыштыр „Ыдыктыг хоорайның чурттакчылары бис“ база „Аг-шериглиг Дээрги-Чаяакчы деп аттыг Израильдиң Бурганынга идегээр бис“ дээр силер, ынчалза-даа Бурганга шынчы чоруктан, чөптүг-шынныг чоруктан ырак силер.

Иеремия 51:5

Чүге дээрге Израиль биле Иудеяның черин Аг-шериглиг Дээрги-Чаяакчыга удур үүлгеткен бачыттары долган-даа болза, ыдыктыг Бурган оларны каапкаш барбаан-дыр.

Иеремия 6:7

Суг бажындан бүлгүрлүп турар суг дег, найысылалда бузут хайныгып тур, үптээшкин биле күчүлел ында оожургавайн дыңналып тур, Мен көрүп кээримге-ле, кемдээшкин, балыг-бышкын көстүр-дүр!

Ыы-сыы 4:13

А ол бүгүнүң дөзү кайдал? Хоорайга актыг улус ханын төккен бараалгакчылар бузудунда, медээчилер бачыдында. נ (нун)

Иезекиил 7:23

Кинчи-бектен белеткеп ал, чүге дээрге бо черни өлүрүкчү херектер долган-дыр, а найысылалды күчүлээшкин бүргээн-дир.

Осия 10:13

Бузутту болбаазыраттыңар, оон кем-буруу ажаап алгаш, мегениң дүжүдүн чип алдыңар, чүге дээрге бодуңарның орууңарга, эңдерик аг-шерииңерге идегеп турдуңар.

Осия 10:4

Олар хоозун сөстер чугаалап, меге даңгырак берип, өске чоннар-биле эвилелдежип турарлар, андазын чарган черде үнген хоран оът дег, чөптүг шииткелди хажыдып турарлар.

Осия 11:12

«Мени Эфрем меге-биле, израиль чон – авыяас чоруу-биле бүзээлеп алган; Иудея шынчы ыдыктыг Бурганындан аза берген».

Осия 12:14

Эфрем Дээргизин дыка-ла хорадаткан, өлүрүкчү чоруу дээш буруузун ол боду чүктээр, ол Дээргизин куду көрген дээш, Дээрги ооң бодун куду көрдүрер.

Осия 5:2

Силер Ситтимге ханы оңгар казып алдыңар, а Мен силерни кезедир мен.

Осия 6:8

Галаад – бузут үүлгедикчилериниң ханга борашкан хоорайы.

Осия 6:9

Дээрбечилерниң кижини кедеп турары дег, бараалгакчыларның бөлүглели Сихем чедер орукка кижилер өлүрүп, бузут үүлгедип турар.

Осия 7:1

Израильди эмнээр деп баарымга, Эфремниң кем-буруузу, Самарияның бузут-багы көстү берди. Олар мегелеп турар-дыр, оорлаашкын-даа болур-дур, дээрбечи-даа улусту кудумчуларга үптээр-дир.

Осия 7:3

«Израильчилер боттарының бузут-багы-биле – хаанны, оп-мегези-биле – нояннарны хөгледип турар.

Осия 7:4

Олар шупту өскерликчилер-дир, оларның күзээшкиннери, хлеб быжырыкчызының суугузу дег, изип-хып тур, а хлеб быжырыкчызы суугузун чүгле далганын хоюткаш, оозу ажый бээр өйге чедир одавас болгай.

Михей 3:2

А силер – буянны көөр хөңнү чок, бузутка ынак, кижилерниң кежин союп, эъдин сөөгүнден шылып турар улус-тур силер;

Михей 3:9

Иаковтуң салгалының баштыңнары, израиль чоннуң чагырыкчылары, мону дыңнаңар! Силер чөптүг шииткелди херекке албайн, бүгү шын чүвени хажыдып турар-дыр силер.

Михей 6:10

Бузуттуг улустуң бажыңында байлакты багай үүлгедиг-биле чедип алган эвес чүве бе? Эвээжедип каан, каргаттырган хемчээл ажыглап турар эвес чүве бе?

Михей 7:2

Чер кырында Бурганга бердинген кижилер артпаан, улус аразында чөптүг кижилер чок. Бүгү улус хан төгер дээш кедег кылып турар, кижи бүрүзү ха-дуңмазынга какпа-дузак салып турар.

Софония 3:1

«Үймээнчи, бужар, кызагдакчы хоорай ат болур!

Захария 5:3

Ол меңээ мынча диди: «Бүгү чер кырынче диргелип келген каргыш ол-дур; номнуң бир талазында бижип кааны дег, оорланыр бүгү улус кырдырар, а өске талазында бижип кааны дег, меге даңгырак берген бүгү улус кырдырар.

Захария 7:9

«Аг-шериглиг Дээрги-Чаяакчының чугаалаан чүвези бо-дур: чөптүг-шынныг шииткелден кылыңар, бот-боттарыңарга энерелдиг, кээргээчел сеткилдиг болуңар.

Матфей 23:35

Кем-буруу чок Авелдиң ханындан эгелээш, өргүл салыр бедигээш биле Бурганның өргээзиниң аразынга өлүрүп кааныңар Берехияның оглу Захарияның ханынга чедир, чер кырынга төгүлген бүгү чөптүг-шынныг улустуң ханы дээш, шииткелди чүктээр силер.

Ажыл-чорудулга 7:52

Өгбелериңерге истедип-сүрдүрбээн чаңгыс-даа медээчи турган ийикпе? Чөптүг-шынныг Кижиниң чедип кээрин баш бурунгаар медеглээн улусту олар өлүрүп турду, а ам силер Ооң Бодун садыпкаш, өлүрүп кагдыңар.

Ы. х. к. 5:11

Дээрги-Чаяакчы Бурганыңның адын хей черге адава; Дээрги-Чаяакчының адын хей черге адап турар кижини Ол кеземче чокка арттырбас.

Ы. х. к. 5:18

Кады чурттаан эжиңге өскерилбе.

Ы. х. к. 5:19

Оорлава.

1 Фессалоникчилерге 2:15

Иудейлер, ооң мурнунда медээчилерин өлүрүп турганнары дег, Дээрги Иисусту өлүрүп кааннар, а бисти истеп-сүрүп турганнар. Оларның ажыл-херээ Бурганга таарымча чок база бүгү кижи төрелгетенге удур бооп турар.

Ажыдыышкын 17:6

Ол херээжен Бурганның улузунуң база Иисусту херечилеп, Аңаа шынчызы дээш өлүрткен улустуң ханын ишкеш, эзирээн болду. Мен ону көргеш, аажок кайгадым.