Осия 4:11 - Ыдыктыг Библия

¹¹ самыыраан-дыр. Мээң чонум арагага, эзиртир суксуннарга алзып алган-дыр.

Осия 4:11 Iomraidhean Croise

Чугаалар 20:1

Арага биле эзиртир суксун кижини кочуургак болгаш үен-даян кылып каар, оларга алзыпкан кижи угаанныг болбас.

Лука 21:34

«Оваарымчалыг болуңар: силерниң чүректериңер үен-даян хөглээшкинге, арагалаашкынга болгаш амыдыралдың сагышсыралдарынга алзып, дашталбазын база ол хүн хенертен, какпа дег, кырыңарга келбезин. Чүге дээрге ол хүн чер кырын ээлей чурттаан бүгү улуска чедип кээр.

Исайя 28:7

Арага ижип алгаш, тендирип, эзиртир суксун ижип алгаш, элеңейнип турар улустуң аразында Бурганның бараалгакчызы, медээчизи безин бар-дыр! Олар эзирээш, ол-бо тендиңнеп тур, арага оларның угаанын ээдередипкен-дир! Эзиртир суксундан угааны албаарап, көстүүшкүннеринге соора билип, частырыглыг шиитпир үндүрүп тур.

Осия 4:12

Ол кылып алган ыяш дүрзүзүнден айтыртынып турар-дыр, даянгыыжы аңаа харыы бээр-дир. Самыыраашкынның сүлдези оларны астырып каапкан боорга, олар Бурганындан ойталаан-дыр.

Исайя 5:12

Олар дээрге чадаган, чанзы, дамбыра болгаш лимби үнү дыңнап, арага ижип, дойлаар, а Дээрги-Чаяакчының ажыл-херээн эскербес, Ооң холу-биле кылган херектерин кичээнгейге албас улус-тур.

Экклесиаст 7:7

Базымча мерген угаанныг кижини мугулай кылып каар база хээли сеткил-чүректи сандарадып үрээр.

Чугаалар 6:32

Ашактыг херээжен-биле самыырап турар эрниң угааны четпес-тир – бодунуң өлүмүн белеткеп турар-дыр.

Левит 10:9

«Өлбес дээш, Ужуражылга майгынынче кирип тура, арага биле эзиртир суксун ишпе, сээң оолдарың база ишпезиннер: бүгү үре-салгалыңарга кезээ мөңгеде доктааткан дүрүм ол-дур.

1 Хааннар 25:36

Авигея Навалга чедип кээрге, ол бажыңында хаанныы дег улуг дой кылып турар болган. Ол хөглүг болгаш аажок эзирик болган. Авигея аңаа эртенге чедир чүнү-даа чугаалаваан.

Чугаалар 31:4

Лемуил, арага ижери хааннарга шуут-ла таарышпас, чагырыкчылар-даа эзиртир суксун дилевезин.

Осия 7:11

Эфрем мелегей, сарыыл чок көге-буга дег-дир: дуза дилеп, бирде Египетти кыйгырып, бирде Ассирияже барып турар-дыр.

Иеремия 23:13

Самарияда медээчилеримниң шуут бодал чогун көрген мен; олар Ваал бурганның өмүнээзинден медеглеп турду, Мээң израиль чонумну оруундан астыктырып кагды.

Осия 5:4

Үүлгедиглери израильчилерни Бурганынче ээлдирбейн турар, самыыраашкынның сүлдези оларның аразында турар-дыр, Дээрги-Чаяакчыны билбестер-дир.